Wildeposduif

in Wikipedia, die vrye ensiklopedie
Spring na: navigasie, soek
Wildeposduif
Volwasse C. l. intermedia in Indië
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Columbiformes
Familie: Columbidae
Genus: Columba
Spesie: C. livia
Binomiale naam
Columba livia
Gmelin, 1789
Verspreiding
Verspreiding

Die Wildeposduif of Tuinduif (Columba livia) is verwant aan die kransduif en kom baie algemeen in die Suid-Afrikaanse dorpe en stede voor.

Broeityd is dwarsdeur die jaar en die lyste en vensterbanke van hoë stadsgeboue verskaf ideale nesmaakplekke. Stadsbewoners het die vestiging van hierdie en ander duifspesies aangemoedig deur graankorrels en broodkrummels vir hulle neer te sit.[1]

Tuinduiwe is baie volop in stedelike gebiede. Hulle is waarskynlik oorspronklik van Nederland af hierheen gebring en later weer uit ander dele van Europa. Hulle word dikwels in groot swerms in stadsparke en ander groot gebiede aangetref, en is goed aangepas by die menslike leefwyse. Tuinduiwe het 'n las in baie stede geword, en is nie welkome inwoners nie, veral vanweë hulle gewoonte om die lysies en dakke van geboue met hulle mis te bevuil. Dit is van die mis voëls waarvan die verspreiding byna uitsluitlik met menslike ontwikkeling saamhang.

Algemeen[wysig | wysig bron]

Beskrywing: Verekleed wissel baie, en swart, blou, grys, wit, en rooibruin vorms kom voor. Die blou vorm is identies aan die voorouerlike Rotsduif van Europa: blouerig grys met swart dwarsstrepe oor die vlerke en stert, 'n wit vlek op die kruis en glansende groen en pers aan die kante van die nek. Wyfie is valer as mannetjie, met minder glans aan die nek. Jong voëls is valer as die volwassenes. Habitat: Stadsgebiede en broei ook op kuskranse aan die Oos-kaap. Status: Talryke standvoël. Soorgelyke spesie: Ander duiwe. Roep: Tipiese vinnige ‘koe-roe-koe’ van 'n mak duif. Ook 'n diep nasale ‘ghoe-ghoe-ghoe’ by nes. Dieet: Saad, graan en kosreste.

Broeigewoontes[wysig | wysig bron]

Plek: Lysies van geboue, of openinge. Nes: Die nes is 'n platform van stokkies, vere, plastiek en enige iets anders. Seisoen: Enige maand van die jaar. Getal eiers: 2. Broeitydperk: Sowat 18 dae. Kuikenstaduim: Sowat 30 dae.

Habitat[wysig | wysig bron]

Tuinduiwe sal geredelik in oop dele van die tuin kom vreet, maar die meeste mense wil hulle nie graag in die tuin hê nie, aangesien hulle enorme hoeveelhede kos van 'n voertafel kan verorber en geneig is om ander soorte af te knou. Tuinduiwe rus ook graag op huisdakke en bevuil dit met hulle mis. Kosvereistes: Hul dieet is feitlik heeltemal aangepas by die mens sin. Hulle sal krummels, saad, vrugte, sade en enige iets eetbaars verorber. Die groot toename in hulle getalle en hulle vinnige verspreiding kan dus hoofsaaklik toegeskryf word aan die ruim geskenke van ‘vriendelike’mense. Nesmaak: Tuinduiwe broei graag op 'n huis of buitegebou, aangesien daar geskikte lysies of openinge is, maar die meeste mense ontmoedig hulle. Tog kan dit vermaaklik en leersaam wees om hulle broeisiklus op 'n vensterlysie van 'n woonstel of kantoorgebou dop te hou.

Sien ook[wysig | wysig bron]

Verwysings[wysig | wysig bron]

  1. Die Suid-Afrikaanse voëlgids (4de uitgawe), John Sinclair, John Mendelsohn, 1987. P.14