Magaliesberg

in Wikipedia, die vrye ensiklopedie
Jump to navigation Jump to search
Magaliesberg
Magaliesberg08.jpg
Bergreeks
LandSuid-AfrikaWysig
Geografiese ligging25°51′35″S 27°32′2″EWysig
Hoogste puntNooitgedacht Glacial PavementsWysig
Materiale gebruikAfsettingsgesteenteWysig
Topografie van die Magaliesberg en Pilanesberg
Hamerkopkloof in die Magaliesberg
Tonquanikloof in die Magaliesberg
Hamerkopkloof

Die Magaliesberg is 'n bergreeks wat van Pretoria in die noorde van Gauteng tot suid van Pilanesberg, in die Noordwesprovinsie, strek. Die bergreeks is ongeveer 120 km lank. Die hoogste punt van die bergreeks is by Nooitgedacht, 1 852 meter bo seespieël, maar slegs 300 m bo die omliggende vlakte. Die Hartbeespoortdam, Buffelspoortdam en Olifantsnekdam is in die Magaliesberg geleë. Byna die hele berg is tot 'n natuurreservaat verklaar.

Naam[wysig | wysig bron]

Die Magaliesberge was in die verlede bekend as die Macalisberg of as die Kashan Berge.[1] Die berge is glo vernoem na die Tshwana hoofman Magali (Mohale), wat 'n stam in die noorde van die berge regeer het.[2]

Flora[wysig | wysig bron]

Daar is meer as 130 spesies van bome in Magaliesberg.[3] Die Olyfgroen vingertjie (Frithia pulchra) is 'n dwergplantjie uit die vygiefamilie wat endemies aan die gebied is. Die Aloe peglerae, groei net in Magaliesberg en aangrensende berge.[3]

Op die suidwaartse hange waar die streek droogste is, is die meeste van die plantegroei in die valleie aan die voet van die kranse gekonsentreer.[3] Op die noordelike hange sal jy die wilgebome vind en laer op die hange is waar jy Marula-bome kan kry.[3]

Fauna[wysig | wysig bron]

Magaliesberg was eens die tuiste van olifante, renosters, buffels, kameelperde, groot katte en baie spesies van bokke. Alhoewel baie groot spesies oor die jare uit die gebied verdwyn het, sommige privaat wildkampe is besig om 'n paar spesies in die streek te hervestig. Van besondere betekenis is die hervestiging van die swartwitpens. Want dit was in Magaliesberg waar William Cornwallis Harris die spesies ontdek het in 1836.[4]

Klimaat[wysig | wysig bron]

Die bergreeks vorm 'n natuurlike versperring tussen die laagliggende bosveld in die noorde en die koeler Hoëveld in die suide. Die reeks ontvang reënval in die somer in die vorm van donderbuie, met 'n gemiddelde reënval van 650 mm per jaar. In die winter kom ryp dikwels voor in die valleie aan die suidekant van die berg, maar amper nooit op die noordelike hange nie.

Magaliesberg het 'n gemiddelde temperatuur van 22°C, en 'n tipiese humiditeit van 67%.[5] Wind kom meestal van die Noord af.[6]

Sien ook[wysig | wysig bron]

Verwysings[wysig | wysig bron]

  1. Stow, George William (1905). The native races of South Africa; a history of the intrusion of the Hottentots and Bantu into the hunting grounds of the Bushmen, the aborigines of the country. The Macmillan Co. p. 546. 
  2. Bristow, David; Clive Ward. "1 (THE NORTH-WESTERN TRANSVAAL)". Mountains of Southern Africa (hardback) (in Engels). Kaapstad,Johannesburg: C. Struik Publishers. p. 26. ISBN 0-8697-7227-9.  Aanhaling gebruik verouderde parameter |coauthors= (help);
  3. 3,0 3,1 3,2 3,3 http://www.magaliesberg.co.za/flora.html
  4. http://www.magaliesberg.co.za/wildlife.html
  5. https://www.timeanddate.com/weather/south-africa/magaliesburg/climate
  6. https://www.meteoblue.com/en/weather/forecast/modelclimate/magaliesburg_south-africa_980557

Eksterne skakels[wysig | wysig bron]

Koördinate: 25°51′30″S 27°31′48″O / 25.8583°S 27.530°O / -25.8583; 27.530