Maremani

in Wikipedia, die vrye ensiklopedie
Maremani
IUBN Kategorie
Ligging: Limpopo
Koördinate: 22°25’0’’S, 30°19’0’’W
Oppervlak: 366 km²
Stigting: 1999
Beheer deur: Aage V. Jensen Charity Foundation

Die Maremani-reservaat is oos van Musina in die provinsie Limpopo geleë. Dit omvat vlaktes, heuwels, klipperige dagsome, berge en riviere. Dit is 427 – 833 m hoog bo seevlak geleë. Die reënval varieer van 331 – 342 mm per jaar wat in die somer val. Die temperatuur varieer van 2,7 °C tot 43,8 °C en die gebied word as rypvry beskou.[1]

Fauna[wysig | wysig bron]

Van die talle groot soogdiere wat hier voorgekom het, is daar slegs die blesbok, gemsbok en rooihartbees oor. Die graslaag is in 'n swak toestand en dit tref veral die grasvreters. Die veld is blootgestel aan indringing deur bosspesies.[1] Sedert die stigting van die reservaat is talle spesies opnuut ingevoer.[2]

Flora[wysig | wysig bron]

Die streek se plantegroei word veral deur mopaniebosveld gekenmerk. Daar is 6 tipes begroeiing wat 17 plantgemeenskappe omvat.[1]

  1. Klipperige dagsome: veral Ficus tettensis, Ficus abutilifolia, Commiphora marlothii en die grasspesie Danthoniopsis dinteri
  2. Mopanieveld: veral Colophospermum mopane, Terminalia prunioides, Kirkia acuminata, Combretum apiculatum en Gardenia resiniflua
  3. Lae mopaniebosveld: veral Colophospermum mopane, Boscia foetida, Rhigozum zambesiacum, Catophractes alexandri, die grasse Tetrapogon tenellus en Fingerhutia africana
  4. Spesie-arme mopanieruigtes met Terminalia prunioides en Boscia albitrunca
  5. Versteurde gebiede: Acacia tortilis, Dichrostachys cinerea
  6. Riviergemeenskappe: Combretum imberbe, Philenoptera violacea, Xanthocercis zambesiaca, Cyperus sexangularis

Daar is ongeveer:

  • 71 boomspesies
  • 92 struike
  • 76 grasspesies
  • 7 biesies, waaronder die fynbiesie
  • 9 geofiete
  • 30 sukkulente
  • 6 parasiete
  • 2 palms
  • 2 varings
  • 290 kruidplante
  • 14 uitheemse plantspesies

Verwysings[wysig | wysig bron]

  1. 1,0 1,1 1,2 The vegetation types and veld condition of Maremani.
  2. "Maremani webwerf" (in Engels). Geargiveer vanaf die oorspronklike op 29 April 2019.