Min Shaw

in Wikipedia, die vrye ensiklopedie
Spring na: navigasie, soek
Min Shaw
Min Shaw Danie Bosman.jpg
Min Shaw op 'n reklameplakkaat vir die 1969-rolprent "Danie Bosman"
Geboortenaam Wilhelmina Jacoba Viviers
Geboorte 26 November 1934
Johannesburg, Suid-Afrika
Beroep(e) Sangeres
Genre(s) Afrikaans, country, gospel
Tipe stem Sopraan
Aktiewe jare 1966 - hede
Portal.svg Musiekportaal

Min Shaw, gebore as Wilhelmina Jacoba Viviers (Johannesburg, 26 November 1934) is 'n Suid-Afrikaanse musikant.

Sy is 'n sangeres van veral ligte Afrikaanse musiek, maar later jare ook van Afrikaanse sowel as Engelse gospel. Sy het bekend geraak met die liedjie Jy is my liefling van die egpaar Cissie en Willie Cooper (wat hulle in die jare dertig gekomponeer het). Die liedjie was die temalied van die gelyknamige rolprent van 1968 waarin sy teenoor Franz Marx gespeel het.

Biografie[wysig | wysig bron]

Min Shaw in 2014 tydens haar 80ste verjaardag in Krugersdorp.

Shaw het musieklesse op skool aan die Hoër Meisieskool Helpmekaar geneem, waar sy in st. 7 was toe Mimi Coertse in matriek was, en haar ná skool as onderwyseres bekwaam. Sy het aanvanklik in restaurante in Johannesburg en Benoni gesing, maar haar deurbraak in 1961 gehad toe sy 'n talentkompetisie van LM Radio wen. Die prys was 'n reis na Londen, waar sy ook op televisie verskyn het.

In 1989 trou sy met die liefde van haar lewe – Willie van Blerk – en hulle woon tans in Roodepoort.

2011 neem Min haar nuutste album op en begin weer toer soos in die ou dae.

Sy was in 2012 deel van die boek Gee Haar 'n Roos – Die lewensverhaal van Cora Marie.

Dit het gelei tot deelname aan die Country Legendes – 'n Huldeblyk-konsertreeks regdeur die land.

Op 28 Maart 2015 was Min saam met Lance James, Clive Bruce, Tommy Dell en Shaun Mynhardt in die Kaap vir 'n Huldeblyk aan Cora Marie en Min Shaw het 'n staande ovasie ontvang toe sy op die verhoog verskyn. Niemand wou glo dat sy 80 jaar oud is nie! Haar stemkwaliteit en haar mooi gelaatstrekke is steeds sprankelend en tydloos.

Op 31 Oktober 2015 is Min Shaw te sien in Pretoria by die Centurion Teater as deel van die Country Legendes-'n Huldeblyk konsert. Hierdie konsert word op DVD opgeneem en beloof om iets besonders te wees.

Eerste opnames[wysig | wysig bron]

Op aandrang van die bekende orkesleier Dan Hill het sy plaatopnames gemaak. Dit het gelei tot die uitreiking van haar eerste solus-sewe, Kleine nagtegaal, in Junie 1966. Die plaat het goed gevaar en sy het ná ses jaar besluit om die onderwys te laat vaar en sang haar loopbaan te maak. Haar sangloopbaan is verder aangehelp deur 'n rol in die rolprent Hoor My Lied van 1967. Die Heidelied, 'n duet met Gé Korsten, bly een van Shaw se grootste treffers. Sy het ook in die rolprente Jy is my liefling (1968), Die Danie Bosman Storie (1969) en Lied in My Hart (1969) teenoor Gé Korsten en Mitzi Stander gespeel.

In haar loopbaan het sy meer as 40 albums uitgereik en na raming meer as 500 liedjies opgeneem. Saam met Lance James het sy een van die gewildste Afrikaanse sangpare gevorm met trefferplate soos Bymekaar (1968) en Weer bymekaar (1982). Nadat sy in 1975 haar lewe aan die Here toegewy het, het sy hoofsaaklik geestelike plate opgeneem.

In 2011 keer Min Shaw terug met haar eerste album in 15 jaar- God Is My Stem. Die album is goud nog voor dit op die rakke verskyn het.

Pryse en eerbewyse[wysig | wysig bron]

Sy het drie Sarie-toekennings gekry en twee goue plate, 'n platinumplaat en 'n dubbelplatinumplaat (vir die rekordverkope van haar gospel-albums). Sy is in 1996 deur die ATKV vereer vir haar bydrae tot die bevordering van ligte Afrikaanse musiek.

Diskografie[wysig | wysig bron]

  • Sing Aller Beste Kinderliedjies, 2000 GALLO
  • The Heart And Soul Of Min Shaw, 1999 CRESCENDO/GALLO
  • Ek Is Baie Lief Vir Jou
  • Eensaam LP, 209 BRIGADIERS
  • Treffers Deur Die Jare, saam met Lance James
  • What A Friend LP, saam met Gert van Tonder, 1979 MUSIC FOR PLEASURE
  • Die Ou Kraalliedjie / Liefde Kan Ek Nooit Verwerk, WELKOM PLATE
  • Again And Again / My Tribute 7", 1977 EMI
  • Ek Wandel Met Hom LP, 1973 MUSIC FOR PLEASURE
  • Gospel Express Rides Again LP, MUSIC FOR PLEASURE
  • I'd Rather Have Jesus LP, 1973 MUSIC FOR PLEASURE
  • U Eie Dag / Jy Is My Liefling 7", 1971 BRIGADIERS/EMI
  • Bloedrooi Die Rose / Lief Moedertjie 7", met Lance James, 1970 BRIGADIERS
  • Loekoe Die Leeutjie LP, met Len Lindeque, 1970 MUSIC FOR PLEASURE
  • Ek Sal Jou Nooit Vergeet Nie LP, 1970 GALA/GALLO
  • Lied In My Hart klankbaan (film), 1969 KAVALIER FILMS/PRIMEDIA
  • Jy Is My Liefling LP (film), 1968 BRIGADIERS/KAVALIER FILMS
  • Weer Bymekaar LP, saam met Lance James, 1968
  • Min en Lance Sing, GALLO
  • Verlang Na My, saam met Lance James, GALLO
  • Silwer & Blou, GALLO
  • Gebed Van 'n Jong Meisie, saam met Lance James, GALLO
  • Bymekaar LP, saam met Lance James, 1968 GALLO
  • I'm Yours LP, GALLO
  • Wilhelmina, GALLO
  • When I Sing For Him, met Gert van Tonder, MUSIC FOR PLEASURE
  • Loof Die Here LP, 1976 MUSIC FOR PLEASURE
  • Hooked on the Gospel Express, MUSIC FOR PLEASURE
  • The Gospel Express, MUSIC FOR PLEASURE
  • Die Lasste Wals LP, 1967 BRIGADIERS
  • Sing Minsaam LP, 1967 BRIGADIERS
  • Kleine Nagtegaal 7", 1966
  • 'n Nooi Soos Min, 1479 WELKOM
  • Mafutatjie die dapper Seekoei, met Len Lindeque, MUSIC FOR PLEASURE
  • Sing Nog ´n Lekker Liedjie LP, met Unika Kinderkoor, MUSIC FOR PLEASURE
  • Pompie die windpomp, met Len Lindeque, MUSIC FOR PLEASURE[1]

Bronne[wysig | wysig bron]

  • Pretorius, Danie C., Musieksterre van gister en vandag, J.P. van der Walt, Pretoria, 1998.
  • Mynhardt, Shaun A.,Gee Haar 'n Roos- Die Lewensverhaal van Cora Marie, 2012.
  1. Vetseun.co.za, besoek op 25 November 2014.

Sien ook[wysig | wysig bron]

Eksterne skakels[wysig | wysig bron]