Montebello, Kalifornië

in Wikipedia, die vrye ensiklopedie
Jump to navigation Jump to search
City of Montebello
Official seal of City of Montebello
Seël
Ligging van Montebello in Kalifornië en Los Angeles County
Ligging van Montebello in Kalifornië en Los Angeles County
Koördinate: 34°0′52″N 118°6′52″W / 34.01444°N 118.11444°W / 34.01444; -118.11444Koördinate: 34°0′52″N 118°6′52″W / 34.01444°N 118.11444°W / 34.01444; -118.11444
Land Vlag van Verenigde State van Amerika Verenigde State
Deelstaat Kalifornië
County Los Angeles County
Geïnkorporeer op 16 Oktober 1920
Regering
 - Burgemeesteres Vanessa Delgado
Oppervlak
 - Stad[1] 21,68 km²  (8,37 vk m)
 - Land 21,58 km² (8,33 vk m)
 - Water 0,85 km² (0,04 vk m)  0.1%
Hoogte 61 m (200 vt)
Bevolking (2016)
 - Stad[1] 63 335
 - Digtheid 2 934,9/km² (7 601,4/vk m)
Tydsone PST (UTC-08:00)
 - Somer (DST) PDT (UTC-07:00)
ZIP-kode 90640
Skakelkode(s) 213 / 323
Webwerf: cityofmontebello.com
Die Armeense volksmoord-monument (Armenian Genocide Memorial) in Montebello - uitsig na bo

Montebello (Italiaans vir "mooi berg" - volgens oorlewering het die Brits-Amerikaanse ingenieur William Mulholland, wat die plaaslike watervoorsieningstelsel ontwikkel het, die dorp só genoem[2]) is 'n nedersetting in die Amerikaanse deelstaat Kalifornië wat administratief aan die distrik Los Angeles County behoort. Die stadsgebied beslaan 8,4 vk myl (21,7 vk km), terwyl die bevolking in die Sensus van 2010 as 62 500 bepaal is. In 2016 is dit op meer as 63 300 beraam.

Montebello is agt myl (13 km) oos van Los Angeles se middestad in die suidweste van die San Gabriel-vallei geleë. In die vroeë 20ste eeu het olie-ontginning tot 'n belangrike bedryf in die gebied ontwikkel. Vandag word die stadsgebied deur snelweë omring, terwyl ekonomiese aktiwiteit in Montebello om die vervoer-, vragmotor- en verwante bedrywe wentel. So word hier motorwiele, enjins, onderstelle, koelvragmotors, kampeerwaens en vragmotor-sleepwaens vervaardig.

Daarnaas trek ook ondernemings uit ander bedrywe voordeel uit Montebello se ligging digby die metropolitaanse gebied van Los Angeles en die maklike toegang tot die Suid-Kaliforniese snelwegstelsel - waaronder bakkerye, vleisfabrieke en verspreiders van papier, bier en sagte dranke, petrol, hout en boumateriale.

Vandag staan Montebello daarnaas veral bekend vir die grootste monument ter nagedagtenis van die slagoffers van die Armeense volksmoord wat in die Verenigde State opgerig is. Dit verwys na die groot aantal Armeense immigrante wat hulle in Suid-Kalifornië gevestig het. Die eerste Armeense immigrante het in die 19de eeu in Los Angeles aangekom. Tans is daar sowat 300 000 Amerikaners van Armeense afkoms in Groter Los Angeles - die grootste Armeense gemeenskap buite Armenië.

Verwysings[wysig | wysig bron]

  1. Nota: Vir nedersettings in Kalifornië word die terme stad (city) en dorp (town) as sinonieme gebruik. Die munisipale bevoegdhede van nedersettings volgens algemene reg word deur die deelstaat se Government Code (ook California Codes genoem) bepaal.
  2. www.cityofmontebello.com: The History of Montebello. Besoek op 15 Mei 2018