Morris Hoffman
Morris Hoffman | |
|---|---|
| Gebore | 1885 |
| Sterf | 1940 |
| Beroep | Skrywer |
Morris Hoffman (1885 – 1940) was 'n Suid-Afrikaanse skrywer wat poësie en prosa in Jiddisj en Hebreeus geskryf het.
Biografie[wysig | wysig bron]
Hoffman is in 'n Joodse familie gebore in die Letse dorpie Preiļi, destyds deel van die Russiese Ryk. Jiddisj was sy moedertaal, maar hy het ook van jongs af Hebreeus gepraat, omdat hy die Talmoed bestudeer het. As jong man het hy artikels, gedigte en kortverhale geskryf vir Oos-Europa se Joodse koerante en tydskrifte.
In 1906 het hy na die Kaapkolonie geëmigreer om sy verpligte militêre diensplig in Rusland te ontduik. Hoffman het hom in De Aar in vandag se Noord-Kaap gevestig. Daar was Hoffman die grootste deel van sy lewe 'n winkelier, maar hy het voortgegaan om sy werke in Suid-Afrikaanse Joodse pers te publiseer. Sy boek Volgungs-Klangen ("Dwaaleggo's") is Suid Afrika se eerste wêreldklas poëtiese werk in Jiddisj genoem.[1]
Boeke[wysig | wysig bron]
- Hoffman, Morris (1935). Volgungs-Klangen: poemes un lider [Dwaaleggo's: gedigte en liedjies] (in Jiddisj). De Aar.
{{cite book}}: AS1-onderhoud: plek sonder uitgewer (link) - Hoffman, Morris (1951). Unter Afrikaner zun [Onder die Afrika-son] (in Jiddisj). Johannesburg: Kayor.
Verwysings[wysig | wysig bron]
- ↑ Kotlerman, Ber (2014). "South African writings of Morris Hoffman: Between Yiddish and Hebrew". Journal for Semitics (in Engels). 23 (2). Besoek op 8 Julie 2023.
