Ngerulmud

in Wikipedia, die vrye ensiklopedie
Jump to navigation Jump to search

Ngerulmud
Capitol-complex-melekeok-palau20071220.jpg

Kaart Wapen
Palau-CIA WFB Map.png
Coats of arms of None.svg
Vlag
Flag of None.svg
 Land Vlag van Palau Palau
 Deelstaat Flag of Melekeok.png Melekeok
 Koördinate 07°30′N 134°37′O / 7.500°N 134.617°O / 7.500; 134.617
 Stigting 2006
 Oppervlakte:  
 - Totaal vk km
 Hoogte bo seevlak 3 m
 Bevolking:  
 - Totaal (2005) 391
 - Bevolkingsdigtheid /vk km
 Tydsone UTC +9
 - Somertyd UTC +9
 Burgemeester
 Amptelike webwerf

Ngerulmud (Japannees: ンゲルルムッド) dien sedert 7 Oktober 2006 as die hoofstad van Palau, 'n eilandnasie in die Stille Oseaan en Oseanië, toe dit Koror vervang het. Dit is aan die ooskus van Babeldaob, Palau se grootste eiland, geleë. Ngerulmud is sowat 20 km noordoos van Koror en 2 km noordwes van Melekeok geleë. Met minder as 300 inwoners is Ngerulmud die mins bevolkte hoofstad van 'n soewereine staat, nog voor die Vatikaanstad.

Ligging van Ngerulmud in die deelstaat Melekeok

Ngerulmud is in 2006 as nuwe hoofstad van Palau gestig en het die voorlopige hoofstad Koror vervang. Volgens Palau se grondwet uit 1979 moes die regering binne tien jaar 'n amptelike hoofstad op die hoofeiland Babeldaob benoem.[1] Vervolgens is die Kapitolkompleks na aanleiding van die Amerikaanse eweknie in Washington, D.C. deur die op Hawaii-gebaseerde maatskappy Architects Hawaii Ltd. (AHL) opgerig. Hulle het ook Palikir, die hoofstad van die Gefedereerde State van Mikronesië beplan.

Na die skuiwing was die presiese ligging van Palau se hoofstad onseker. Toe Ngerulmud in 2006 nog nie bestaan het nie,[2] het baie bronne die naaste nedersetting en naam van die deelstaat, Melekeok, as hoofstad aangegee. Die Duitse Auswärtige Amt (Buitelandse Kantoor) het in sy inskrywing oor Palau in 2015/16 die hoofstad van Melekeok na Ngerulmud verander.[3] Die Verenigde Nasies se webwerf beskou die deelstaat Melekeok as hoofstad,[4] terwyl Palau se regeringswebwerf nog steeds Koror as hoofstad van Palau beskou.[5] Die Amerikaanse Central Intelligence Agency gee Ngerulmud as Palau se hoofstad.[6]

Galery[wysig | wysig bron]

Nasionale Kapitolkompleks van Palau
Regeringsetel in Ngerulmud
Regeringsetel in Ngerulmud  
Setel van die Hooggeregshof
Setel van die Hooggeregshof  
Olbiil Era Kelulau-gebou, parlementsetel
Olbiil Era Kelulau-gebou, parlementsetel  
Argitektoniese detail, met die Stille Oseaan in die agtergrond
Argitektoniese detail, met die Stille Oseaan in die agtergrond  

Verwysings[wysig | wysig bron]

  1. (en) "Constitution of the Republic of Palau". WIPOLex. Besoek op 1 April 2019. 
  2. (en) "2015 Census of Population and Housing" (PDF). Regering van Palau. Besoek op 1 April 2019. 
  3. (en) "Palau". Auswärtiges Amt. Besoek op 1 April 2019. 
  4. (en) "Palau". Verenigde Nasies. Besoek op 1 April 2019. 
  5. (en) "Physical Features". Regering van Palau. Besoek op 1 April 2019. 
  6. (en) Palau”. CIA World Factbook. Central Intelligence Agency. URL besoek op 1 April 2019.

Eksterne skakels[wysig | wysig bron]