Nicolaas Johannes Diederichs

Nic Diederichs
Dr. Nicolaas Diederichs in 1953, toe hy LV vir Randfontein was
3de Staatspresident van Suid-Afrika
Ampstermyn 19 April 1975 – 21 Augustus 1978
Eerste minister	John Vorster
Voorafgegaan deur	Jim Fouché
Opgevolg deur	Marais Viljoen (wnd.)
6de Leier van die Volksraad
Ampstermyn 1974 – 1975
Voorafgegaan deur	Ben Schoeman
Opgevolg deur	P.W. Botha
Minister van Finansies
Ampstermyn 24 Februarie 1967 – Februarie 1975
Eerste minister	John Vorster
Voorafgegaan deur	Eben Dönges
Opgevolg deur	Owen Horwood
Persoonlike besonderhede
Gebore	17 November 1903 Ladybrand, Oranjerivierkolonie
Sterf	21 Augustus 1978 (op 74) Kaapstad, Suid-Afrika
Politieke party	Nasionale Party
Religie	Nederduitse Gereformeerde Kerk

Nicolaas Johannes Diederichs (17 November 1903, Ladybrand, Oranjerivierkolonie – 21 Augustus 1978, Kaapstad) was ’n Suid-Afrikaanse akademikus en politikus en die derde Staatspresident van Suid-Afrika.

Diederichs studeer aan die Grey-kollege in Bloemfontein en daarna aan die universiteite van München, Keulen en Leiden. Hy sluit hom aan by die personeel van die Universiteit van die Oranje-Vrystaat en skryf breedvoerig, veral oor sy belangstelling in die ekonomiese heropbou van Afrikaners. Hy word hoof van die Reddingsdaadbond, voorsitter van die Ekonomiese Instituut van die FAK en van die Desimale Muntkommissie.

Hy sluit by die Nasionale Party aan en word tot die parlement verkies vir Randfontein (1948), later Losberg (1958) en uiteindelik Overvaal (1974).

Hy is van 1958 tot 1967 minister van ekonomiese sake en van 1961 - 1964 ook minister van mynbou. As minister van finansies (1967-1975) speel hy 'n leidende rol in die kabinet.

Van 19 April 1975 tot met sy dood op 21 Augustus 1978 in Kaapstad beklee hy die amp van staatspresident van die Republiek van Suid-Afrika. Marais Viljoen tree na sy afsterwe op as waarnemende Staatspresident en hy word uiteindelik opgevolg deur John Vorster.

Publikasies

• Nicolaas Diederichs: Vom Leiden und Dulden. Bonn, 1930. (Proefschrift Universiteit Leiden)
• N. Diederichs: Die Volkebond, sy ontstaan, samestelling en werksaamhede. Pretoria, 1933
• N. Diederichs: Nasionalisme as lewensbeskouing en sy verhouding tot internasionalisme. Bloemfontein, 1936

Bron

• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.

Voorafgegaan deur Jim Fouché	Staatspresident van Suid-Afrika 1975–1978	Opgevolg deur Marais Viljoen (wnd.)
Voorafgegaan deur Eben Dönges	Minister van Finansies Februarie 1967–Februarie 1975	Opgevolg deur Owen Horwood