OLAF

in Wikipedia, die vrye ensiklopedie
Jump to navigation Jump to search
OLAF se kantore in Brussel.

OLAF (Frans: Office de Lutte Anti-Fraude) is 'n tak van die Europese Kommissie wat in die Europese Unie bedrog en korrupsie moet beveg. Die organisasie probeer veral om seker te stel dat die EU se geld sy regte bestemming bereik.

Geskiedenis[wysig | wysig bron]

Die UCLAF (Unité de Coordination de La Lutte Anti-Fraude) soos dit toe genoem is, is in 1988 opgerig. Aanvanklik het dit net die lidstate in hulle werk gehelp, maar in 1995 het dit die reg gekry om op eie inisiatief ondersoeke te begin. In 1999 het die Santer-Kommisie uitgetree vanweë 'n korrupsieskandaal rondom Édith Cresson. Die UCLAF het OLAF geword en sy magte is verder uitgebrei. Franz-Hermann Brüner het die eerste Direkteur-Generaal geword. Die jaar 2006 was die eerste waarin die getal ondersoeke wat OLAF self begin het net so groot was as dié wat op inisiatief van die lidstate begin is. In 2010 het OLAF op sy webwerf aan burgers die moontlikheid gegee om bedrog aan te meld. [1]

Verwysings[wysig | wysig bron]