Opel

in Wikipedia, die vrye ensiklopedie
Spring na: navigasie, soek
Adam Opel AG
Tipe Aandelemaatskappy
Gestig 21 Januarie 1862
Stigter Adam Opel
Hoofkantoor Rüsselsheim, Hesse,Duitsland
Sleutelpersone Dr. Karl-Thomas Neumann Hoof Uitvoerende Beampte[1]
Gebied bedien Afrika, Asië, Europa
Industrie Motorvervaardiger
Produkte Motors, handelsvoertuie, enjins
Dienste finansiering, assuransie, onderhoudsdiens
Inkomste Green Arrow Up Darker.svg $ 14.886 miljard (2011)[2]
Werknemers 35,428 (2013)[3]
Moedermaatskappy Groupe PSA
Divisies Opel Performance Center[4]
Dogtermaatskappye Vauxhall Motors
Opel Eisenach
Opel Special Vehicles [5]
Webwerf opel.com
[3][5]

Opel (amptelik "Adam Opel AG") is 'n Duitse motorvervaardiger met sy hoofkwartier in Rüsselsheim, Hesse, Duitsland, en 'n filiaal van Groupe PSA. Die maatskappy ontwerp, ontwikkel, vervaardig en versprei Opel-handelsmerk passasiersvoertuie, ligte kommersiële voertuie en motoronderdele vir verspreiding na Afrika, Asië, Europa en Suid-Amerika. Opelvoertuie word ook verkoop onder die handelsnaam Buick in die Verenigde State van Amerika, Kanada, Meksiko en Sjina, die handelsnaam Holden in Australië en Nieu-Seeland en die handelsnaam Vauxhall in die Verenigde Koninkryk.

Opel se wortels dateer terug na 'n firma wat naaimasjiene vervaardig het, wat deur Adam Opel in 1862 gestig is. Die maatskappy het fietse begin vervaardiging in 1886 en sy eerste motor volg in 1899.

Opel word 'n beperkte aandelemaatskappy (Duits: Aktiengesellschaft) in 1929; die Amerikaanse General Motors het 'n meerderheidsbelang in Opel bekom in dieselfde jaar. General Motors verkry volle beheer in 1931 en tot vandag toe is Adam Opel AG steeds 'n volfiliaal van die General Motors Company. Adam Opel AG is die moedermaatskappy van General Motors UK Limited, beter bekend as Vauxhall, en verskeie ander filiale van General Motors. Na 88 jaar van eienaarskap verkoop General Motors Opel aan die Franse motorvervaardiger Groupe PSA in 2017[6].

Opel en Vauxhall se reekse is gedurende die 1970–80's gerasionaliseer in een omvattende reeks in Europa.

Wêreldwye teenwoordigheid[wysig | wysig bron]

Verenigde Koninkryk[wysig | wysig bron]

Sedert die Vauxhall Viva van 1963, het General Motors 'n 15-jaar-ontwikkelingprogram onderneem om Vauxhall-kenteken motors te produseer wat gebaseer is op Opelontwerpe. GM het egter voortgegaan om Vauxhall- en Opel-kentekenmotors langs mekaar te verkoop, met Vauxhall wat een van die gewildste handelsmerke van motors in Brittanje gebly het, en 'n beter verkoper as die Opelhandelsmerk was. Heelaas het General Motors teen die vroeë 1980s die besluit geneem om die Opelhandelsmerk in die Britse mark uit te faseer, met die laaste Opel Manta wat in 1988 onttrek is.

Afrika[wysig | wysig bron]

Opel voer 'n verskeidenheid modelle uit na Algerië, Egipte, Mauritius, Marokko en Suid-Afrika.

Suid-Afrika[wysig | wysig bron]

Opel word versprei deur General Motors Suid-Afrika. Die huidige (2016) Opelreeks in Suid-Afrika bestaan uit die Opel Adam, Opel Astra, Opel Corsa, Opel Meriva, Opel Mokka en Opel Vivaro. Geen dieselweergawes word bemark nie.

Van 1986 tot 2003 was Opelmodelle vervaardig deur Delta Motorkorporasie, 'n maatskappy gevorm deur 'n bestuursuitkoop volgende op GM se disinvestering uit Suid-Afrika onder apartheid. Delta het die Opel Kadett en die sedanweergawe, die Opel Monza, gebou. Dit is vervang deur die Opel Astra, hoewel die Kadett-naam behou is vir die luikrug wat beskou is as 'n aparte model. 'n Weergawe van die Rekord Series E het in produksie gebly na die model vervang is deur die Omega in Europa. 'n Commodoremodel, uniek aan Suid-Afrika, was 'n kombinasie van die bakwerk van 'n Rekord met die voorkant van die hersiene Senator. Die Opel Corsa is vrygestel in 1996, met boustelle van die Brasiliaans-ontwerpte sedan en bakkie wat plaaslik gemonteer is.

Hoewel GM se passasiersvoertuie in Suid-Afrika teen die laat 1970s meestal uit Opelmodelle bestaan het, is hulle onder die Chevrolet handelsnaam verkoop, met net die Kadett wat as 'n Opel bemark is toe dit in 1980 vrygestel is. In 1982 is die Chevroletmerk laat vaar, met die Opel Ascona, Opel Rekord, Chevrolet Commodore en Opel Senator wat Opels geword het in Suid-Afrika.

Motorsport[wysig | wysig bron]

Opel het in die vroeë 1980s aan die Wêreldtydrenkampioenskap deelgeneem met die Opel Ascona 400 en die Opel Manta 400, ontwikkel in samewerking met Irmscher en Cosworth. Walter Röhrl het die Wêreldtydrenbestuurderstitel gewen in 1982, en die 1983 Safaritydren is deur Ari Vatanen vir Opel gewen.

In die laat 1990s het Opel aan die Internasionale Toermotorkampioenskap deelgeneem, en die reeks in 1996 met die Calibra verower. Opel het ook aan die Duitse DTM-renreeks deelgeneem met die Astra tussen 2000 en 2005. Ten spyte van verskeie renoorwinnings kon hulle egter nooit die DTM-kampioenskap wen nie.

Opel het in 2013 teruggekeer tot motorsport met die Adam. In 2014 het Opel 'n padwettige sportweergawe van die Adam R2 tydrenmotor – die Opel Adam S – vrygestel. Krag kom uit 'n 1.4 turbo-enjin wat 150 pk lewer, en die motortjie haal 0–100 km/h in net 8.5 sekondes.

Verwysings[wysig | wysig bron]

  1. Corporate Officers (2014-01-15). "Alan Batey – GM Corporate Officers". GM.com. Verkry op 2014-08-19. 
  2. Opel (2013). "Adam Opel AG". Gale Business Insights: Essentials. Gale Cengage Learning. Verkry op 2013-08-13. Sales: $14,886,400,000 
  3. 3,0 3,1 Opel Corporate Communications (April 2013). "Year in Review 2012 – Facts & Figures" (PDF). Opel. Adam Opel AG. Geargiveer vanaf die oorspronklike op 2013-08-06. Verkry op 2013-08-06. 
  4. Mihalascu, Dan (2013-05-25). "OPC Boss Volker Strycek Drives and Talks About the Astra OPC". Carscoops. Carscoop & Carscoops. Verkry op 2013-08-13. To remind us of all these numbers and provide new interesting information on the Astra OPC, Opel had the boss of its OPC performance division, Volker Strycek, talk us through the most important features of the hot Astra. 
  5. 5,0 5,1 Opel (2013-02-15). "Form 10-K Annual Report Pursuant to Section 13 or 15(d) of the Securities Exchange Act of 1934 for the Fiscal Year Ended December 31, 2012 Commission File Number 001-34960 General Motors Company" (PDF). General Motors. General Motors Company. Geargiveer vanaf die oorspronklike op 2013-08-06. Verkry op 2013-08-06. 
  6. (en) "PSA Group purchase of Opel and Vauxhall completed with new financial company", Autocar.co.uk,1 Augustus 2017.