Operasie Barbarossa

in Wikipedia, die vrye ensiklopedie
Spring na: navigasie, soek
Operasie Barbarossa
Deel van die Oosfront van die Tweede Wêreldoorlog
Bundesarchiv Bild 101I-209-0090-28, Russland-Nord, Infanterie und Panzer 35t.jpg
Opmars van Duitse soldate, Junie 1941
Datum 22 Junie – 5 Desember 1941
Ligging Sowjetunie
Resultaat Sowjet-oorwinning
Strydende partye
Vlag van Nazi-Duitsland Nazi-Duitsland
Vlag van Italië Italië
Vlag van Roemenië Roemenië
Vlag van Finland Finland
Vlag van Hongarye Hongarye
Vlag van Slowakye Slowakye
Vlag van Kroasië Kroasië
Vlag van Spanje Spanje (vrywilligers)
Vlag van Sowjetunie Sowjetunie
Bevelvoerders
Flag of the German Reich (1935–1945).svg Adolf Hitler Flag of the Soviet Union.svg Josef Stalin
Sterkte
3,8 miljoen personeel
3 350 tenks
2 770 vliegtuie
7 200 artillerie stukke
2,6–2,7 miljoen personeel
11 000 tenks
7 133 militêre vliegtuie
Ongevalle
800 000+ ongevalle 4 000 000+ ongevalle

Operasie Barbarossa is 'n offensief wat deur Nazi-Duitsland geloods is teen die Sowjetunie op 22 Junie 1941 tydens die Tweede Wêreldoorlog. Met die offensief val Duitsland vir Rusland binne, een van dié groot keerpunte van die Tweede Wêreldoorlog en so ontstaan die Oosfront. Barbarossa beteken Rooi baard.

Doelwit[wysig | wysig bron]

Die doelwit was om Moskou, Leningrad en die Oekraïne te beset en in die proses die Rooi Leër te vernietig. Die Duitse Mag het bestaan uit 3,3 miljoen soldate ondersteun deur 3 000 tenks en amper net soveel vliegtuie. Die mag was in drie Leërgroepe verdeel onder leiding van Veldmaarskalke Ritter von Leeb, Fedor von Bock en Gerd von Rundstedt. Die Noord groep, onder leiding van Von Leeb, het bestaan uit 26 divisies. Sy doelwit was om Leningrad en die Baltiese State te verower. Leningrad was belangrik omrede dit Rusland se grootste vloothawe was. Von Leeb se mag was egter te klein en eers teen September slaag hy daarin om Leningrad van Rusland af te sny en sodoende begin die Beleg van Leningrad.

Daarenteen het die Suid groep, onder beheer van Von Rundstedt, uit 46 divisies bestaan. Die sterkste van Rusland se weermag was egter in die suidweste gestasioneer en Von Rundstedt se vordering was net so stadig.

Die Sentrale groep, onder beheer van Von Bock, se tenks help Von Rundstedt se tenks by Kiëf op 10 September en hulle keer drie Russiese Leërs vas en 665,000 Russiese troepe word gevange geneem. Op 6 Oktober het die 1ste Panzer Group die meeste van die Russiese Suidelike mag in suidoos Oekraïne vasgekeer wat nog 100,000 krygsgevangenes oplewer. Die Duitsers verower Rostof aan die Don op 20 November maar die Russiese Leër doen 'n teenaanval en wen dié stad terug op 29 November. Die Suid groep bereik eindelik Stalingrad wat lei tot die Slag van Stalingrad.

Sentrale Leër-groep[wysig | wysig bron]

Die Sentrale groep se bevelvoerder, Von Bock, het geglo dat indien hulle Moskou kan inneem dan sou Rusland ineenstort. Die Sentrale Groep het skouspelagtige suksesse behaal: leërs word vasgekeer by Bialystok en naby Minsk wat 300,000 krygsgevangenes oplewer. Smolensk word verower op 16 Julie en 'n reeks Russiese teenaanvalle kos Stalin nog 300,000 soldate en 3,000 tenks. Die Sentrale groep se offensief word nou gestaak vir 'n maand omrede Hitler van Von Bock se tenks herlei om Von Rundstedt te help by Kiëf. Dit gee die Rooi Leër kans om sy verdediging te versterk. Generaals Andrei Yeremenko met 30 divisies te Bryansk en Maarskalk Semyon Timoshenko met 55 divisies te Vyazma word egter totaal uitgewis of gevange geneem teen Oktober toe die offensief hervat word.

Die optog na Moskou begin op 2 Oktober: kodenaam Operasie Taifun (Tifoon). Die aanvalsmag bestaan uit 1 miljoen sodate met 1,700 tenks en amper 1,000 vliegtuie. Nog Russiese Leërs word uitgewis maar teen die middel van die maand verander die paaie in modder na stortreën. In die middel van November begin dit baie koud word en die paaie vries wat die Duitsers kans gee om hulle opmars voort te sit. Maar die winter tree nou in erns in en die temperatuur val tot -21°C. Die Duitse magte is nou uitgeput van die aanhoudende geveg. Generaal Georgi Zjoekof word aangestel om die Russies Magte te lei. Hy het reeds op 21 November 21 Siberiese Divisies bymekaar om tot die aanval oor te gaan.

Op 27 November was die Duitsers slegs 22km vanaf Moskou. Maar Von Bock se mag moet nou 'n front van 1,000km beman met slegs 60 divisies. Op 5 Desember val die temparatuur verder tot -35°C wat alle voertuie tot stilstand dwing. Op dieselfde dag val generaal Ivan Koney aan en die volgende dag Zjoekof self vanuit Moskou. Die aanvalle vang die Duitsers totaal onverwags en bring Operasie Taifun tot 'n einde. Twee dae later betree Amerika die Tweede Wêreldoorlog en die val van Hitler was onvermydelik.

Galery[wysig | wysig bron]

Bron[wysig | wysig bron]

Eksterne skakels[wysig | wysig bron]