Partiese pyl

Die Partiese pyl is 'n verrassingstaktiek in ligte ruitery wat beroemd gemaak is deur die Parters, 'n antieke Irannese volk. Terwyl hy sou voorgee om op die vlug te slaan, sou die berede boogskutter, terwyl hy in volle vaart voortgalop, sy lyf terugdraai om die agtervolgende vyand te skiet. Die taktiek vereis geweldige perdryvermoëns, want die ruiter se hande is besig met sy pyl en boog en sy lyf agtertoe gedraai. Aangesien stiebeuels nog nie teen daardie tyd ontdek was nie, moes die ruiter net op die druk van sy bene staatmaak om op die perd te bly en die perd te stuur.

Benewens die Parters en hulle opvolgers, die Sassaniede, is die taktiek ook gebruik deur die meeste Eurasiese nomades van die steppe, insluitende die Skitiërs,^[1] Hunne, Turke, Magjare, Mongole en Koreane, asook die die Comanche en die inwoners van Urartu.^[2]

Die Parters het groot sukses daarmee behaal om die Romeinse generaal Crassus te verslaan in die Slag van Carrhae.

Verwysings

↑ Adrienne Mayor: "The Amazons" | Talks at Google
↑ Belis, Alexis M.; Colburn, Henry P. (Januarie 2020). "An Urartian Belt in the J. Paul Getty Museum and the Origins of the Parthian Shot". Getty Research Journal. 12: 195–204. doi:10.1086/708319.

Skakels

Wikimedia Commons het meer media in die kategorie Partiese pyl.

Hierdie artikel is in sy geheel of gedeeltelik uit die Engelse Wikipedia vertaal.

[1] Adrienne Mayor: "The Amazons" | Talks at Google

[2] Belis, Alexis M.; Colburn, Henry P. (Januarie 2020). "An Urartian Belt in the J. Paul Getty Museum and the Origins of the Parthian Shot". Getty Research Journal. 12: 195–204. doi:10.1086/708319.

[1]

[2]