Reddersburg

Reddersburg
Dorp
Uitsig van die Gereformeerde kerk Reddersburg op die NG kerk.
Reddersburg  Reddersburg se ligging in Vrystaat
Koördinate: 29°39′S 26°10′O
Land	Suid-Afrika
Provinsie	Vrystaat
Distrik	Xhariep
Munisipaliteit	Kopanong
Stigting	1861
Oppervlak
• Totaal	20,1 km2 (7,8 vk. myl)
Bevolking  (2011)
• Totaal	4 886
• Digtheid	243/km2 (630/vk. myl)
Rasverdeling (2011)
• Wit mense	10.9%
• Indiërs/Asiërs	0.3%
• Bruin mense	2.8%
• Swart mense	85.7%
• Ander	0.3%
Taal (2011)
• Sotho	65.7%
• Xhosa	15.7%
• Afrikaans	14.0%
• Gebaretaal	1.7%
• Ander	2.8%
Poskode (strate)	9904
Poskode (posbusse)	9904
Skakelkode	051

Reddersburg is 'n dorp in die sentrale deel van die Vrystaat, in Suid-Afrika. Die dorp is oos van Edenburg, wes van Dewetsdorp, en 60 km suid van Bloemfontein.

Geskiedenis

Die destydse CNO-skool op Reddersburg wat ook 'n tyd lank diens gedoen het as weeshuis.

Die dorp het ontstaan as 'n Gereformeerde gemeente op die plaas Vlakfontein wat op 20 Augustus 1859 vir die doel aangekoop was vir ₤1 500. Die dorp is twee jaar later uitgelê en Reddersburg genoem - na die Heiland. In 1894 het die munisipaliteit die beheer van die dorp by die kerk oorgeneem. Die plaaslike NG gemeente is eers in 1910 gestig.

Distrik

Die distrik is 1 500 km² groot en skaapboerdery is die belangrikste. Die N6 nasionale pad gaan deur die dorp.

Tweede Vryheidsoorlog

Generaal Christiaan de Wet het 'n hele Britse kolonne hier gevange geneem op 4 April 1900 nadat sy Britse eweknie William Forbes Gatacre traag was om te reageer.

Noemenswaardige boorlinge

• Ds. Johan van Ryssen, Gereformeerde predikant
• Corrie de Klerk, eggenote van sen. Jan de Klerk en moeder van pres. FW de Klerk
• Willem de Klerk, Gereformeerde predikant, hooglelaar, koerantredakteur

Sien ook

• Lys van dorpe in Suid-Afrika
• Gereformeerde kerk Reddersburg
• NG gemeente Reddersburg

Bronne

• B.P.J. Erasmus. Op Pad in Suid-Afrika. 1995. ISBN 1-86842-026-4

Eksterne Skakels

Vrystaat Toerisme