William Forbes Gatacre

William Forbes Gatacre
Geboortedatum	3 Desember 1843
Geboorteplek	Herbertshire Castle, Stirlingshire, Skotland
Sterfdatum	18 Januarie 1906 (62 jaar oud)
Sterfplek	Gambella, Abessinië
Lojaliteit	Verenigde Koninkryk
Diens/Tak	Britse leër
Jare in diens	1862–1904
Rang	Luitenant-generaal
Eenheid	77th Foot
Veldslae/oorloë	Chitral-ekspedisie Mahdiste-opstand Slag van Omdoerman Tweede Vryheidsoorlog Slag van Stormberg
Toekennings	Knight Commander of the Order of the Bath Distinguished Service Order Order of the Medjidie Kaisar-i-Hind Medal

William Forbes Gatacre (3 Desember 1843 - 18 Januarie 1906) was 'n Britse generaal tydens die Anglo-Boereoorlog.

Hy is in Shropshire gebore en sluit by die 77^ste Regiment of Foot aan in 1862. Hy doen diens in Burma (1889), Indië en Soedan (1895) en word aangestel as bevelvoerder van die Derde Divisie van die Suid-Afrikaanse veldmag in 1899. Hy moes die spoorlyn na Oos-Londen beskerm maar word op 10 Desember by Stormberg verslaan; een van die veldslae van die Swart Week.

Later neem hy Dewetsdorp in, maar 'n Britse mag by Reddersburg was verplig om oor te gee weens Gatacre se onvermoë om die dorp te ontset. As gevolg hiervan word hy onthef van sy pos en in bevel geplaas van die distrik Colchester. Later het hy Abessinië verken en is in 1906 dood weens koors.

Bronne

• Ensiklopedie van Suidelike Afrika, Eric Rosenthal, 1967.
• The Hall Handbook of the Anglo Boer War. Darrell Hall. ISBN 0-86980-949-0