Richard Gere

in Wikipedia, die vrye ensiklopedie
Spring na: navigasie, soek
Richard Gere
'n Beeld van die betrokke persoonlikheid.
Gere in Oktober 2007 in Venesië, Italië.

Geboortenaam Richard Tiffany Gere
Geboorte 31 Augustus 1949 (1949-08-31) (68 jaar oud)
Nasionaliteit Amerikaans
Beroep(e) Akteur, aktivis
Aktiewe jare 1973–tans
Rolprente Looking for Mr. Goodbar
An Officer and a Gentleman
Pretty Woman
Internet-rolprentdatabasis-profiel

Richard Tiffany Gere[1] (gebore op 31 Augustus 1949) is ’n Amerikaanse akteur en aktivis. Hy het sy debuut in die 1970's gemaak en in 1977 ’n byspellerrol in Looking for Mr. Goodbar gehad, en die volgende jaar ’n hoofrol in Days of Heaven. Hy het beter bekend geraak ná sy rol in 1980 in American Gigolo, wat van hom ’n sekssimbool gemaak het.

Loopbaan[wysig | wysig bron]

Gere het aanvanklik op die verhoog toneelgespeel, waar hy in 1971 in Rosencrantz and Guildenstern Are Dead te sien was. Sy eerste groot rol was in 1973 in die Londense verhoogweergawe van die musiekspel Grease.[2] In die middel 1970's het hy in Hollywoodse rolprente begin verskyn met ’n klein rol in Looking for Mr. Goodbar (1977) en ’n hoofrol in Days of Heaven (1978), wat goeie resensies gekry het.[2]

Akteurs van die prent I'm Not There in 2007 op die Venesiese Rolprentfees: Richard Gere, Todd Haynes, Charlotte Gainsbourg en Heath Ledger.

In 1979 was Gere een van die eerste groot sterre van Hollywood wat ’n gay karakter vertolk het, as ’n slagoffer van die Joodse volksmoord in die Broadway-produksie Bent. Hy het ’n Teaterwêreldprys vir sy spel gewen. In 1980 het hy ’n groot ster geword danksy die prent American Gigolo, wat in 1982 gevolg is deur die romantiese drama An Officer and a Gentleman, saam met Debra Winger; dit het byna $130 miljoen gemaak.[3]

Ná ’n paar loketmislukkings[4][5] het sy loopbaan weer op dreef gekom met die uitreiking van Internal Affairs en Pretty Woman in 1990. Dis gevolg deur nog suksesvolle prente in die 1990's, soos Sommersby (1993), Primal Fear (1996) en Runaway Bride (1999).[4] Hy het ook ’n groot rol in die 1997-aksiefliek The Jackal vertolk.

Gere is in 1999 aangewys as die tydskrif People se "Sexiest Man Alive". In 2002 het hy in drie groot prente verskyn: The Mothman Prophecies, Unfaithful en die fliekweergawe van Chicago,[2] wat die Oscar vir beste prent gewen het. Gere het self ’n Golden Globe gewen vir sy spel. Gere se baldansdrama Shall We Dance? (2004) was ook gewild by die loket.[6] Sy volgende prent, Bee Season (2005), was ’n kommersiële mislukking.[7]

Daarna was hy te sien in die riller The Hunting Party en saam met Christian Bale, Heath Ledger en Cate Blanchett in die halfoutobiografiese prent oor Bob Dylan, I'm Not There (albei 2007), en die romatiese drama Nights in Rodanthe (2008), wat nie byval by resensente gevind het nie[8][9] maar wêreldwyd meer as $84 miljoen gemaak het.[10]

Sy spel in 2012 in Arbitrage is deur die resensent Lou Lumenick in die New York Post beskryf as "die beste van sy loopbaan".[11][12] Hy het in Desember 2010 ’n prys vir sy lewenslange bydrae ontvang by die Kaïro-rolprentfees.[13]

Persoonlike lewe en aktivisme[wysig | wysig bron]

Gere ontvang ’n khata (tradisionele, seremoniële serp) van die 14de Dalai Lama, 17 Oktober 2007.

Gere was van 1991 tot 1995 getroud met die supermodel Cindy Crawford. In November 2002 is hy met die model en aktrise Carey Lowell getroud.[14] Hulle het ’n seun, Homer James Jigme Gere.[2][15] Die paar is in September 2013 geskei.[16]

Gere, wat as ’n Metodis grootgemaak is,[17] het in sy 20's in Boeddhisme begin belangstel.[18] Hy het eers Zen-Boeddhisme bestudeer[18] en in 1978 Nepal besoek, waar hy Tibettaanse monnike en lamas ontmoet het.[19] Hy het daarna ook die 14de Dalai Lama in Indië ontmoet[18] en ’n praktiserende volgeling van die Gelug-skool van Tibettaanse Boeddhisme geword.[18] As ondersteuner van die Dalai Lama besoek hy Dharamsala, die hoofkwartier van die Tibettaanse regering in bannelingskap, dikwels.[20]

Gere is ook ’n kampvegter vir menseregte in Tibet en weens sy simpatie met dié land permanent verban uit Sjina.[21][22] In 1993 is Gere verbied om die Oscar-seremonie aan te bied nadat hy die Sjinese regering in sy hoedanigheid as aanbieder gekritiseer het.[23][24]

Die akteur ondersteun ook Survival International, ’n organisasie wat hom beywer vir die beskerming van die regte en grondgebied van stamme regdeur die wêreld,[19] en ’n kampvegter vir ekologiese veldtogte en vigsbewustheid.

Verwysings[wysig | wysig bron]

  1. Roberts, Gary Boyd. "#74 Royal Descents, Notable Kin, and Printed Sources: The New England Ancestry of Actor Richard [Tiffany] Gere". New England Historic Genealogical Society. Verkry op 10 Januarie 2013. 
  2. 2,0 2,1 2,2 2,3 Uit ’n onderhoud in Inside the Actors Studio, 2002
  3. "An Officer and a Gentleman". Box Office Mojo. Verkry op 4 Mei 2009. 
  4. 4,0 4,1 "Richard Gere". Box Office Mojo. Verkry op 4 Mei 2009. 
  5. "Richard Gere". Rotten Tomatoes. Verkry op 4 Mei 2009. 
  6. "Shall We Dance". Box Office Mojo. Verkry op 4 Mei 2009. 
  7. "Bee Season". Box Office Mojo. Verkry op 4 Mei 2009. 
  8. "Nights in Rodanthe (2008)". Rotten Tomatoes. Verkry op 4 Mei 2009. 
  9. "Turkeys! The 100 Worst Movies of 2008". The Times. 8 Desember 2008. Verkry op 4 Mei 2009. 
  10. "Nights in Rodanthe". Box Office Mojo. Verkry op 4 Mei 2009. 
  11. Christopher Rosen (22 Januarie 2012). "Richard Gere in 'Arbitrage': Sundance Film Festival's First Oscar Contender?". moviefone. Verkry op 30 Maart 2014. 
  12. Lou Lumenick (21 Januarie 2012). "Sundance 2012 Oscar Watch: Gere soars in 'Arbitrage'". New York Post. Geargiveer vanaf die oorspronklike op 25 Januarie 2012. Verkry op 30 Maart 2014. 
  13. "Gere, Binoche honored at CIFF opening". Daily News Egypt. 30 November 2010. Geargiveer vanaf die oorspronklike op 10 Desember 2010. Verkry op 1 Desember 2010. 
  14. Silverman, Stephen (15 November 2002). "Passages: Gere, Lowell Get Married". People. Verkry op 25 September 2013. 
  15. Jewel, Dan (21 Februarie 2000). "Role Change". People. Verkry op 25 September 2013. 
  16. Fay Strang (September 25, 2013). "Richard Gere and wife Carey Lowell set for divorce as they split after 11 years of marriage due to lifestyle differences". Daily Mail. Londen. Verkry op 25 September 2013. 
  17. Jones, Chris (27 Desember 2002). "Richard Gere: On guard". BBC News. Verkry op 22 Mei 2010. 
  18. 18,0 18,1 18,2 18,3 "Richard Gere: My Journey as a Buddhist". Shambhala Sun. Verkry op 27 Mei 2012. 
  19. 19,0 19,1 "Richard Gere Biography". The Biography Channel. Verkry op 12 Mei 2007. 
  20. "Richard Gere in Bodh Gaya to attend Dalai Lama's discourse". Daily News and Analysis. Verkry op 27 Mei 2012. 
  21. Yahlin Chang, 'Red Corner,' Newsweek (New York), 10 November 1997
  22. Laurence Caracalla, Harrison Ford, Silverback Books, 2007 p.93
  23. "Richard Gere profile". Hello. 
  24. "Richard Gere: Man of masks". The Independent. Londen. 1 Desember 2007. 

Eksterne skakels[wysig | wysig bron]