Robert Mugabe
| Robert Mugabe | |
 Robert Mugabe in 2008 | |
President van Zimbabwe
| |
| Ampstermyn 22 Desember 1987 – 21 November 2017 | |
| Vise | Simon Muzenda Joice Mujuru Emmerson Mnangagwa |
|---|---|
| Eerste minister | Morgan Tsvangirai (2009–2013) |
| Voorafgegaan deur | Canaan Banana |
Eerste minister van Zimbabwe
| |
| Ampstermyn 18 April 1980 – 22 Desember 1987 | |
| Vise | Simon Muzenda |
| President | Canaan Banana |
| Voorafgegaan deur | Abel Muzorewa (Zimbabwe-Rhodesië) |
| Opgevolg deur | Morgan Tsvangirai (2009) |
13de President van die Afrika-unie
| |
| Ampstermyn 30 Januarie 2015 – 30 Januarie 2016 | |
| Voorafgegaan deur | Mohamed Ould Abdel Aziz |
| Opgevolg deur | Idriss Déby |
10de Sekretaris-generaal van die Beweging van Onverbonde Lande
| |
| Ampstermyn 6 September 1986 – 7 September 1989 | |
| Voorafgegaan deur | Zail Singh |
| Opgevolg deur | Janez Drnovšek |
Persoonlike besonderhede
| |
| Gebore | 21 Februarie 1924 Masvingo, Suid-Rhodesië (nou Zimbabwe) |
| Politieke party | ZANU–PF (1987–2017) ZANU (1963–1987) ZAPU (1961–1963) NDP (1960–1961) |
| Eggenoot/-note | Sally Hayfron (1961–1992) Grace Mugabe (1996–hede) |
| Kind(ers) | Nhamodzenyika, Bona, Robert Peter, Bellarmine Chatunga |
| Alma mater | Universiteit van Fort Hare Universiteit van Suid-Afrika Universiteit van Londen |
| Religie | Rooms-Katolieke Kerk |
| Handtekening | 
|
Robert Gabriel Mugabe (gebore op 21 Februarie 1924, Masvingo) is 'n Zimbabwese politikus. Hy was vanaf 1980 staatshoof in Zimbabwe, eers as eerste minister en later as president. In die laaste jare van sy presidentskap is hy deur vele as 'n diktator gesien wat ter wille van magsbehoud die ekonomiese welsyn van die Zimbabwiese bevolking opgeoffer het.
Hy mag nie in die Europese Unie reis nie omrede van die skendings van menseregte in sy land. Op 30 Januarie 2015 het hy president van die Afrika-unie geword en dié amp tot 30 Januarie 2016 beklee.[1] Sy bynaam is Uncle Bob.[2] Ná 'n de facto-staatsgreep het Mugabe op 21 November 2017 as staatshoof bedank.[3]
Lewe
Mugabe is naby die destydse Fort Victoria (vandag Masvingo) gebore en het aan baie universiteite studeer, waaronder die Universiteit van Fort Hare en in Accra. Hy het na Suid-Rhodesië in 1960 teruggekeer en het 'n stigterslid van die ZANU-party geword. In 1964 het hy tien jaar in die tronk spandeer. Daarna het hy Rhodesië verlaat en het hy na Mosambiek gegaan om met die Zimbabwe African National Liberation Army (ZANLA, die militêre afdeeling van die ZANU-party) teen Ian Smith se blanke regering van Rhodesië te stry. Gedurende daardie konflik het die ZANLA ook plase van wit boere aangeval. Die gevolg van die oorlog teen Rhodesië was dat die land na Zimbabwe hernoem is en dat Robert Mugabe ná die eerste vrye verkiesing op 4 Maart 1980 Zimbabwe se eerste minister geword het. In 1982 het hy meer as 20 000 Ndebeles laat vermoor, omdat hulle sy teenstander Joshua Nkomo ondersteun het. In 1987 is die amp van die eerste minister van Zimbabwe verwyder en het Mugabe die president van die land geword. Hy kon die verkiesings van 1990 met 'n oorgrote meerderheid wen, maar hy het homself begin radikaliseer. Vandag is sy regering 'n diktatuur en word hy deur ander partylede dikwels "koning" genoem. In reaksie op kritiek het hy by 'n staatsbegrafnis van een van sy kabinetsministers gesê:
"Ek is steeds die Hitler van die tyd. Dié Hitler het slegs een doelwit, geregtigheid vir sy eie mense, soewereiniteit vir sy mense, erkenning van die onafhanklikheid van sy mense en hul reg tot hul hulpbronne." "As dít Hitler is, laat my dan 'n Hitler wees tienvoudig. Tien keer, dit is waarvoor ons staan."[4]
Verwysings
- ↑ (en) "Zimbabwe's Mugabe, 90, becomes African Union chairman". Reuters. 30 Januarie 2015. Besoek op 30 Januarie 2015.
- ↑ (en) Onyango-Obbo, Charles (8 Januarie 2015). "Mugabe to become most powerful 91-year-old African; and also region's lion king". Mail & Guardian. Besoek op 20 Januarie 2015.
- ↑ The Guardian, 21 November 2017: Robert Mugabe resigns as president of Zimbabwe. Besoek op 21 November 2017
- ↑ (en) 'Hitler' Mugabe launches revenge terror attacks, The Telegraph, 26 Maart 2003
Bronne
- (en) The Daily Mail:The battle to ban Mugabe's men
Eksterne skakels
Wikimedia Commons het meer media in die kategorie Robert Mugabe.- (en) Webwerf van Zimbabwe se regering
- (en) Joseph Winter: Mugabe’s Descent into Dictatorship (13 Maart 2002)
