Sahle-Work Zewde
Sahle-Work Zewde (Ge'ez: ሳህለወርቅ ዘውዴ; gebore op 21 Februarie 1950) is die huidige president van Ethiopië en die eerste vrou wat die amp beklee. Sy is van beroep 'n diplomaat en op 25 Oktober 2018 eenparig verkies tot president deur lede van die Federale Parlementêre Vergadering.
Sahle-Work was voorheen spesiale verteenwoordiger van António Guterres, die sekretaris-generaal van die Verenigde Nasies, by die Afrika-unie en hoof van die kantoor van die Verenigde Nasies by die Afrika-unie op die vlak van die ondersekretaris-generaal van die Verenigde Nasies.
In Desember 2019 is Sahle-Work aangewys as die 93ste magtigste vrou ter wêreld deur Forbes; daarmee beklee sy die hoogste posisie in Afrika op die lys.
Eksterne skakels[wysig | wysig bron]
Wikimedia Commons het meer media in die kategorie Sahle-Work Zewde.
