Djiboeti

in Wikipedia, die vrye ensiklopedie
Spring na: navigasie, soek
Hierdie bladsy handel oor die land Djiboeti, vir die hoofstad van Djiboeti, sien gerus Djiboeti, Djiboeti.
Djiboeti
جمهورية جيبوتي
Jumhuriyah Jibuti
République de Djibouti
Vlag van Djiboeti Wapen van Djiboeti
Vlag Wapen
Nasionale leuse: Unité, Égalité, Paix (Eenheid, Gelykheid, Vrede)
Volkslied: Djiboeti
Ligging van Djiboeti
Hoofstad Djiboeti
Grootste stad Djiboeti
Amptelike tale Arabies, Frans
Regering Republiek
Ismail Omar Guelleh
Dileita Mohamed Dileita
Onafhanklikheid
Onafhanklikheid
• Datum
Van Frankryk
27 Junie, 1977
Oppervlakte
 - Totaal
 
 - Water (%)
 
23200 km2 {{{oppervlak}}} km2  (146ste)
Bevolking
 - 2000-skatting
 - Digtheid
 
460 700 (161ste)
21 / km2 (-ste)
BBP (KKP)
 - Totaal
 - Per capita
2002-skatting

$619 miljoen (204de)
$1 300(199ste)

Geldeenheid Frank (DJF)
Tydsone
 - Somertyd
EET (UTC+3)
nie in gebruik nie (UTC+3)
Internet-TLD .dj
Skakelkode +253

Djiboeti (Arabies: جيبوتي, Ǧībūtī)), amptelik die Republiek van Djiboeti (ook Djibouti) is 'n land in Oos-Afrika, geleë op die Horing van Afrika. Djiboeti word begrens deur Eritrea in die noorde, Ethiopië in die weste en suide, en Somalië in die suidooste. Die res van die grens word deur die Rooisee en die Golf van Aden gevorm. Oorkant die Rooisee, op die Arabiese-Skiereiland, 20 km van die kus van Djiboeti, is Jemen. Die hoofstad van Djiboeti is die gelyknamige stad: Djiboeti.

Geskiedenis[wysig]

Die gebied van Djiboeti word al reeds duisende jare gelede deur verskillende nomadiese groepe bewoon, waarna daar verwys word in antieke musiek en gedigte. Hulle het ook leer en pels verhandel vir speserye en parfuum met bewoners van antieke Egipte, Indië en Sjina. Die huidige bewoners is die Afar en die Somali Issa stamme. Hierdie stamme het in die laaste 1000 jaar gereeld handelskontak met die Arabiere gehad en was van die eerste stamme in Afrika om Islam as hulle geloof aan te neem.

In die 19de eeu vestig Frankryk 'n protektoraat in die gebied genaamd Frans-Somaliland, regeer deur Léonce Lagarde. Onafhanklikheid was verklaar in 1887 toe 'n plaaslike stam die 8 permanente soldate wat daar geplaas was, omver gewerp het. Dié periode van onafhanklikheid het egter slegs 3 weke geduur, waarna die gebied weereens gekoloniseer was. In 1967 word die naam verander na die Franse Gebied van die Afare en die Issa's. Op 27 Junie 1977 word die land as Djiboeti onafhanklikheid toegeken.

'n Burgeroorlog gelei deur die Afarrebelle in die vroeë 1990's is beëindig deur 'n vredesverdrag in 1994.

Politiek[wysig]

"Ismail Omar Guelleh is Saterdag ingesweer vir 'n tweede en finale ses-jaar termyn as president van die piepklein nasie aan Horing van Afrika ", is berig deur die amptelike nuusagentskap, Agence Djiboutienne d'Information (ADI). Guelleh het 100 persent van die stemme verwerf in 'n eenmanstryd op 8 April. Volgens ADI het 78,9 persent van ongeveer 197 000 geregistreerde kiesers 'n stem uitgebring - by 200 stembusse – oral in die land. Opposisiepartye boikot die verkiesing en beskryf dit as "belaglik, gemanipuleer en 'n gemors". Verskeie leiers uit die omliggende streek was teenwoordig by die inhuldigingseremonie.

Djiboeti se tweede president, Guelleh is vir die eerste keer in 1999 verkies toe hy oorgeneem het by sy oom, Hassan Gouled Aptidon, wat die land sedert onafhanklikheid van Frankryk in 1977 regeer het. Sjabloon:Ref

Die staatshoof van Djiboeti is die president, wat vir 'n termyn van ses jaar verkies word. Die president stel die eerste-minister aan en staan aan die hoof van die raad van ministers.

Die wetgewende liggaam word gevorm deur die Chambre des Deputes, wat bestaan uit 65 lede wat elke vyf jaar verkies word.


Onderafdelings[wysig]

Kaart van die regions van Djiboeti.

Djiboeti is verdeel in in vyf regions en een stad.


Geografie[wysig]

Kaart van Djiboeti

Die land is geleë in die Groot Skeurvallei en grens aan die Rooi See. Die Assalmeer is die laagste punt van Afrika en is 155 m onder seevlak.

Ekonomie[wysig]

Djiboeti se ekonomie is gegrond op diensaktiwiteite wat verband hou met die land se strategiese ligging en status as 'n vryhandelsgebied in Noordoos-Afrika. Twee-derdes van die inwoners woon in die hoofstad, die res is meestal nomadiese veewagters. Geringe reënval beperk verbouing van gewasse tot vrugte en groente, en meeste voedsel moet ingevoer word.

Djiboeti verskaf dienste beide as 'n deurvoerhawe vir streek- en internasionale oorskeping en brandstofherlaaisentrum. Dit het min natuurlike hulpbronne en min nywerhede. Die nasie is daarom swaar afhanklik van buitelandse bystand om die land se betalingsbalans en finansiering van ontwikkelingsprojekte te ondersteun. Werkloosheidkoers wat op 40% tot 50% staan bly steeds 'n groot probleem. Inflasie is egter nie 'n probleem nie as gevolg van die vaste koppeling van die frank aan die VSA dollar. Per capita verbruik het met sowat 35% gedaal oor die laaste sewe jaar as gevolg van resessie, burgeroorlog, en hoë bevolkingsgroeitempo (insluitend immigrante en vlugtelinge). Hernude gevegte tussen Ethiopië en Eritrea het ook normale eksterne handelskanale versteur. Met veelvuldige ekonomiese probleme wat in die gesig gestaar word, het die regering agterstallig geraak in die terugbetaling van langtermyn buitelandse skuld en sukkel om te hou by die bepalings van buitelandse skenkers.

Demografie[wysig]

Die bevolking kan in twee hoofgroepe verdeel word, die Issa, of Somali bevolking, wat 60% beslaan, en die Afar, van omtrent 35%. Die res bestaan uit Europeërs (meestal Franse en Italianers), Arabiere en Ethiopiërs. Die teenwoordigheid van twee verskillende groepe was die oorsaak van die burgeroorlog van die begin van die 1990's.

Byna al die mense van Djiboeti is Moslems, slegs 'n klein persentasie is Christene, vernaamlik die Europeërs.

Alhoewel Frans en Arabies die amptelike tale is word Somali en Afar algemeen gepraat.


Verdere inligting[wysig]

  • Djibouti: Pawn of the Horn of Africa Robert Saint-Veran
  • Historical Dictionary of Djibouti Daoud A. Alwan
  • Naval Strategy East of Suez: The Role of Djibouti Charles W. Koburger

Eksterne skakels[wysig]

Commons-logo.svg
Wikimedia Commons het meer media verwant aan:
Djiboeti (kategorie)

Regering[wysig]

Nuus[wysig]

Oorsigte[wysig]

Gidse[wysig]

Toerisme[wysig]

Notas[wysig]

  1. Sjabloon:Note DJIBOUTI: Guelleh sworn in for second presidential term”. December 4.



 
Lande in Afrika

Algerië | Angola | Benin | Botswana | Burkina Faso | Burundi | Comore-eilande | Demokratiese Republiek van die Kongo | Djiboeti | Egipte | Ekwatoriaal-Guinee | Eritrea | Ethiopië | Gaboen | Gambië | Ghana | Guinee | Guinee-Bissau | Ivoorkus | Kaap Verde | Kameroen | Kenia | Lesotho | Liberië | Libië | Madagaskar | Malawi | Mali | Marokko | Mauritanië | Mauritius | Mosambiek | Namibië | Niger | Nigerië | Republiek van die Kongo | Rwanda | São Tomé en Príncipe | Senegal | Sentraal-Afrikaanse Republiek | Seychelle | Sierra Leone | Soedan | Somalië | Suid-Afrika | Suid-Soedan | Swaziland | Tanzanië | Togo | Tsjad | Tunisië | Uganda | Zambië | Zimbabwe

Omstrede gebiede: Arabiese Demokratiese Republiek Sahara - Cabinda - Galmudug - Puntland - Somaliland
Afhanklike gebiede: Brits: Sint Helena, Ascension en Tristan da Cunha | Frans: Mayotte - Réunion | Portugees: Madeiraeilande | Spaans: Kanariese Eilande - Ceuta en Melilla

Lande van: Asië Europa Noord-Amerika Oseanië Suid-Amerika

Sjabloon:CIAfb