Shaleen Surtie-Richards

in Wikipedia, die vrye ensiklopedie
Jump to navigation Jump to search
Shaleen Surtie-Richards
'n Beeld van die betrokke persoonlikheid.
Geboorte 7 Mei 1955
Upington
Nasionaliteit Suid-Afrika
Beroep(e) Aktrise
Aktiewe jare 1984-huidig
Toekennings Naledi-toekenning
Internet-rolprentdatabasis-profiel

Shaleen Surtie-Richards (gebore 7 Mei 1955, Upington, Noord-Kaap) is 'n Suid-Afrikaanse aktrise. Sy is bekend vir haar rolle as Fiela in die 1988-film Fiela se Kind, Nenna in die TV-reeks Egoli: Plek van Goud en meer onlangs as Fran in Villa Rosa op kykNET.

Vroeë lewe en loopbaan[wysig | wysig bron]

Surtie-Richards is gebore in Upington in die Noord-Kaap op 7 Mei 1955 en het in Upington en Kaapstad skoolgegaan. Haar pa was ʼn skoolhoof en haar ma ʼn onderwyseres. As kind toe sy nie in ʼn musiekblyspel ʼn rol kon kry nie, het haar pa vir haar ʼn klavier gekoop en gereël dat sy klavierlesse neem, sy het ook ballet gedoen en aan tennis deelgeneem.

Sy is ʼn gekwalifiseerde onderwyseres en het in Upington en Kaapstad tussen 1974 en 1984 skoolgehou. Sy het aan verskeie verhoogproduksies deelgeneem in hierdie tyd en was ook aktief betrokke in die Departement van Onderwys se Teater-in-onderrig program vanaf 1982 tot 1984. In 1984 het sy met haar professionele loopbaan as aktrise begin.

Filmografie[wysig | wysig bron]

Rolprente[wysig | wysig bron]

Televisie[wysig | wysig bron]

Surtie-Richards het ʼn prominente rol in die M-Net televisie-sepie, Egoli: Plek van Goud, gehad. Dit was ook Suid-Afrika se eerste sepie en kykers het meegesleur geraak met die karakters se doen en late in die halfuurlange program wat Maandae tot Vrydae uitgesaai was. Vir 18 jaar het Surtie-Richards die rol van Ester (Nenna) Willemse vertolk.

Sy was ook in ʼn paar ander televisieprogramme, onder andere die sepie, 7de Laan, Villa Rosa en Generations. In 2000 het sy haar eie geselsprogram aangebied, Shaleen, op die M-Net-kanaal.

Vanaf 2006 tot 2010 was Surtie-Richards ook ʼn beoordelaar vir die televisie kompetisie-reeks, Supersterre.

In 2013 verskyn sy op Suid-Afrika se Comedy Central-kanaal se, The Comedy Central Roast, program, saam met Steve Hofmeyr, aangebied deur Trevor Noah.

  • Egoli: Plek van Goud as Ester (Nenna) Willemse (1992–2000)
  • Supersterre op SAUK2, as 'n beoordelaar
  • Generations as Mattie, eerste seisoen (2001–2004)
  • 7de Laan as Dorothy Daniels, eerste seisoen (2002)
  • Rugby Motors as Aunty Granny (2012)
  • Villa Rosa as Fran
  • Arendsvlei, vertolk die rol van Muriel Foster (2019)

Teater[wysig | wysig bron]

Surtie-Richards het op verhoë regoor Suid-Afrika verskyn asook Londen. Sy het ook by kunstefeeste regoor Suid-Afrika opgetree, onder andere Aardklop Kunstefees, die Klein Karoo Nasionale Kunstefees, die Grahamstadfees, Suidoosterfees en die Edinburgh Fringe Fees.  

Sy het rolle vertolk geskryf deur skrywers onder ander William Shakespeare, Willy Russel, Athol Fugard en Pieter-Dirk Uys.

Toekennings[wysig | wysig bron]

In haar loopbaan het Shaleen meer as 40 toekennings gewen.

  • Fleur du Cap-toekenning: Beste Aktrise, vir haar rol as Hester in Hallo en Koebaai. (1985)
  • Fleur du Cap-toekenning: Beste Aktrise, vir haar spel in Shirley Valentine (2009)
  • Hertzog-toekenning: Gewildste Produskie tydens die Klein Karoo Nasionale Kunstefees, vir Shirley Valentine. (2009)
  • Royalty Soapie-toekennings: Lewenslange Bydrae vir haar 30-jaarlange bydrae tot televisie. (2014)
  • Nominasie: Beste Aktrise vir haar rol in Villa Rosa. (2014)
  • Naledi Teatertoekenning: Vereer vir ʼn leeftyd se bydraes tot die kunste. (2015)

Bronnelys[wysig | wysig bron]