Shaun Pollock
| Shaun Pollock | ||||||
|---|---|---|---|---|---|---|
| ||||||
| Volle naam | Shaun Maclean Pollock | |||||
| Gebore | 16 Julie 1973 Port Elizabeth, Suid-Afrika | |||||
| Bynaam(e) | Polly | |||||
| Lengte | 1,88 m | |||||
| Kolfstyl | Regshandig | |||||
| Boulstyl | Regterarm medium-vinnig | |||||
| Rol | Veelsydig, kaptein | |||||
| Familie | Andrew (oupa); Peter (vader); Graeme (oom) | |||||
| Internasionale geskiedenis | ||||||
| Nasionale span | Suid-Afrika | |||||
| Toetsdebuut (no 261) | 16 November 1995 v Engeland | |||||
| Laaste Toets | 10 Januarie 2008 v Wes-Indië | |||||
| EDI debuut (no 39) | 9 Januarie 1996 v Engeland | |||||
| Laaste EDI | 3 Februarie 2008 v Wes-Indië | |||||
| EDI hempno. | 7 | |||||
| T20I debuut (no 10) | 21 Oktober 2005 v Nieu-Seeland | |||||
| Laaste T20I | 18 Januarie 2008 v Wes-Indië | |||||
| Eersterang spaninligting | ||||||
| Jaar(e) | Span | |||||
| 1992/93–2003/04 | Natalse krieketspan | |||||
| 1996–2002 | Warwickshire | |||||
| 2004/05 | Dolfyne | |||||
| 2008 | Mumbai Indians | |||||
| 2008 | Durham | |||||
| Loopbaanstatistiek | ||||||
| Kompetisie | Toets | EDI | 1e rang | A-lys | ||
| Wedstryde | 108 | 303 | 186 | 435 | ||
| Lopies aangeteken | 3 781 | 3 519 | 7 021 | 5 494 | ||
| Kolfgemiddeld | 32.31 | 26.45 | 33.11 | 26.66 | ||
| 100s/50s | 2/16 | 1/14 | 6/35 | 3/24 | ||
| Hoogste telling | 111 | 130 | 150* | 134* | ||
| Aflewerings geboul | 24 353 | 15 712 | 39 067 | 21 588 | ||
| Paaltjies | 421 | 393 | 667 | 573 | ||
| Boulgemiddeld | 23.11 | 24.50 | 23.25 | 22.93 | ||
| 5 paaltjies in 'n kolfbeurt | 16 | 5 | 22 | 7 | ||
| 10 paaltjies in 'n wedstryd | 1 | 0 | 2 | 0 | ||
| Beste boulontleding | 7/87 | 6/35 | 7/33 | 6/21 | ||
| Vangskote/Stonkings | 72/– | 108/– | 132/– | 153/– | ||
| Bron: ESPNcricinfo, 31 Desember 2013 | ||||||
Shaun Pollock OIS (16 Julie 1973 in Port Elizabeth, Kaapprovinsie) is 'n voormalige Suid-Afrikaanse krieketspeler en kaptein van die Proteas. Pollock het saam met Allan Donald jare lank 'n indrukwekkende boul-vennootskap gevorm. Van 2000 tot 2003 was hy die kaptein van die Proteas. Hy het onder meer tydens die Krieketwêreldbeker 1996, Krieketwêreldbeker 1999, Krieketwêreldbeker 2003 en Krieketwêreldbeker 2007 vir Suid-Afrika gespeel.
Op 11 Januarie 2008 het hy sy aftrede van alle vorme van internasionale krieket aangekondig na sy 303ste Internasionale eendagwedstryd op 3 Februarie.[1] Hy doen nou vir SuperSport verslag oor Suid-Afrikaanse krieket. Shaun Pollock is in November 2021 in die IKR se Heldesaal opgeneem.[2]
Internasionale loopbaan[wysig | wysig bron]
1995[wysig | wysig bron]
Shaun Pollock se toetsloopbaan begin op 16 November 1995 teen Engeland op SuperSport-park in Centurion. Hy het uiteindelik in 108 toetswedstryde vir Suid-Afrika gespeel.
Kapteinskap[wysig | wysig bron]
Nadat Hansie Cronje uit krieket verban is, het Pollock as kaptein in April 2000 oorgeneem. Hy is vervang ná Suid-Afrika se swak vertoning in die 2003-krieketwêreldbeker.
Alhoewel hy nie meer kaptein was nie, het hy sy plek in die span behou. Ná 'n teleurstellende toetsreeksreeks teen Australië in 2005/2006 was hy gekritiseer dat hy sy boulvermoë verloor het. Hy het die beste ekonomiese koers van enige bouler wat 300 EDI paaltjies geneem het,[3] en hy is ook die eerste Suid-Afrikaner en slegs die tiende speler om 400 toetspaaltjies te neem. In September 2007 is hy vir die eerste keer in sy loopbaan nie gekeur vir die Suid-Afrikaanse toetsspan nie.[4]
Hy het die meeste paaltjies vir Suid-Afrika geneem in toetse totdat Dale Steyn hom op 26 Desember 2018 verbygesteek het. Hy het 421 toetspaaltjies geneem en 3 781 toetslopies in sy 108 toetswedstryde aangeteken.[4][5]
Persoonlike lewe[wysig | wysig bron]
Pollock kom uit 'n familie van hoofsaaklik Skotse afkoms. Sy oupa aan vaderskant, Andrew Pollock, wat vir Oranje-Vrystaat gespeel het, is in Edinburg gebore.[6] Hy het by die Northwood-skool in Durban, KwaZulu-Natal, skoolgegaan. Hy is getroud met twee dogters. Sy vrou was 'n finalis in die Mej. Suid-Afrika-kompetisie in die vroeë 90's en het vir 'n Suid-Afrikaanse telekommunikasiemaatskappy gewerk.[7] Hy neem geen sterk drank nie en is 'n toegewyde Christen.[8][9] Pollock is 'n gegradueerde van die Universiteit van Natal met 'n baccalaureusgraad in handel.
Verwysings[wysig | wysig bron]
- ↑ (en) "Pollock announces his retirement". BBC. 11 Januarie 2008. Besoek op 13 November 2021.
- ↑ (en) "Janette Brittin, Mahela Jayawardene and Shaun Pollock inducted into ICC Hall of Fame". ESPNcricinfo. 13 November 2021. Besoek op 13 November 2021.
- ↑ (en) "Records – One-Day Internationals – Most wickets in career". ESPNcricinfo. Besoek op 13 November 2021.
- ↑ 4,0 4,1 (en) "Morkel injury hands Pollock hope". BBC. 29 September 2007. Besoek op 13 November 2021.
- ↑ (en) "Steyn ties Pollock atop all-time SA wicket-taker list". Sport24. Geargiveer vanaf die oorspronklike op 12 Desember 2018. Besoek op 14 Julie 2018.
- ↑ "Players and Officials – Andrew Pollock". Cricinfo. Besoek op 2007-09-01.
- ↑ "Pollock in doubt for Sri Lanka". News24.com. 2006-06-08. Geargiveer vanaf die oorspronklike op 30 September 2007. Besoek op 2007-09-01.
- ↑ "Cricinfo Quote Unquote – Gibbs reveals the failure to get teetotaler Pollock to break the habit". Cricinfo.com. 2008-02-10. Besoek op 2008-02-10.
- ↑ Personal Information on Shaun Pollock
Eksterne skakels[wysig | wysig bron]
Wikimedia Commons het meer media in die kategorie Shaun Pollock.- (en) Shaun Pollock op ESPNcricinfo
Proteaspanne gehaal | |
|---|---|
