Swartwattel

Swartwattel
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Fabales
Familie:	Fabaceae
Genus:	Acacia
Spesie:	A. mearnsii
Binomiale naam
Acacia mearnsii De Wild.
Sinonieme
Acacia decurrens auct. non Willd. Acacia decurrens Willd. var. mollis auct. non Lindl. Acacia decurrens Willd. var. mollis Lindl. Acacia mollissima sensu auct. Albizia mearnsii De Wild. Racosperma mearnsii (De Wild.) Pedley

Peule

Die swartwattel (Acacia mearnsii) is 'n boom en indringerplant in Suid-Afrika wat inheems is aan die suidooste van Australië asook Tasmanië. Die boom groei in grasvelde, langs paaie, waterlope en woudrande.

Voorkoms

Die swartwattel kan tot 15 m hoog raak en is middelgroot. Die boom is doringloos met neerhangende, varingagtige takke. Die bas is glad en 'n bietjie harig by die jonger takke. Die blare is saamgestel en dubbelveervormig met baie klein blaartjies. Die blomhofies is liggeel en verskyn in saamgestelde trosse van Augustus tot November. Die sade is in peulvorm en afgeplat.

Die boom word gebruik vir looibas (om leer te maak), beskutting en vuurmaakhout.

Bron

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0

Sien ook

• Alfabetiese lys van Suid-Afrikaanse bome
• Lys van indringerplante in Suid-Afrika