Vanderbijlpark

Vanderbijlpark
Mittal Steel se staalaanleg in Vanderbijlpark
Vanderbijlpark  Vanderbijlpark se ligging in Gauteng
Koördinate: 26°41′57″S 27°50′8″O
Land	Suid-Afrika
Provinsie	Gauteng
Distrik	Sedibeng
Munisipaliteit	Emfuleni
Stigting	1949
Oppervlak
• Totaal	177,84 km2 (68,66 vk. myl)
Hoogte	1 468 m (4 816 ft)
Bevolking  (2011)
• Totaal	95 840
• Digtheid	539/km2 (1 400/vk. myl)
Rasverdeling (2011)
• Wit mense	54.4%
• Indiërs/Asiërs	0.9%
• Bruin mense	1.3%
• Swart mense	42.5%
• Ander	0.9%
Taal (2011)
• Afrikaans	51.0%
• Sotho	20.0%
• Engels	10.0%
• Zoeloe	5.0%
• Ander	14.0%
Poskode (strate)	1911
Poskode (posbusse)	1900
Skakelkode	016

Vanderbijlpark is 'n nywerheidstad geleë aan die Vaalrivier in Gauteng, Suid-Afrika. Tesame met Vereeniging en Sasolburg maak Vanderbijlpark deel uit van die Vaaldriehoek, 'n groot nywerheidsgebied. Die dorp val binne die grense van die Sedibeng-distriksmunisipaliteit en word bestuur deur die Emfuleni Plaaslike Munisipaliteit.

Omliggende woongebiede is Boipatong, Sebokeng en Sharpeville.

Geskiedenis

Dr. Hendrik van der Bijl, na wie die dorp genoem is.

Vanderbijlpark het ontstaan toe die destydse eerste minister, genl. Jan Smuts, die briljante jong wetenskaplike dr. H.J. van der Bijl (wat in daardie stadium in die Verenigde State van Amerika gewerk het) in 1920 teruggeroep het na Suid-Afrika om die regering te adviseer oor die land se nywerheidsontwikkeling. Dr. Van der Bijl was betrokke by Yskor se aanleg in Pretoria en met die toenemende vraag na staal gedurende die Tweede Wêreldoorlog is 100 km² grond aangekoop om 'n groot modeldorp en staalaanleg te ontwikkel. Die staalaanleg is in 1947 geopen en die dorp in 1949. Met die opening van Yskor se tweede staalaanleg in 1952 deur die goewerneur-generaal, adv. E.G. Jansen, het Vanderbijlpark munisipale status verkry.

Onderrig

Sien ook Lys van skole in Vanderbijlpark

Daar is ongeveer 60 laer- en hoërskole in die Vaaldriehoek-omgewing, waarvan 16 laerskole en 8 hoërskole in Vanderbijlpark is. Van die skole in Vanderbijlpark sluit in:

• Hoërskool Transvalia

Tersiêre Onderrig

Die Vaaldriehoek-kampus van die Noordwes-Universiteit is geleë te Vanderbijlpark op die oewers van die Vaalrivier en het meer as 3 000 studente.

Sien ook

Die ou Gereformeerde kerk Vanderbijlpark. Die argitek was Pieter Dykstra, wat minstens 16 Gereformeerde kerke ontwerp het.

• Lys van dorpe in Suid-Afrika
• Gereformeerde kerk Vanderbijlpark
• NG gemeente Driehoek
• NG gemeente Kollegepark
• NG gemeente Oosterlig
• NG gemeente Vaalrivier
• NG gemeente Vanderbijlpark
• NG gemeente Vanderbijlpark-Noord
• NG gemeente Vanderbijlpark-Oos
• NG gemeente Vanderbijlpark-Sentraal
• NG gemeente Vanderbijlpark-Suid
• NG gemeente Vanderbijlpark-Tuine
• NG gemeente Vanderbijlpark-Wes

Eksterne skakels

• Google Kaarte
• Sedibeng Distrik Munisipaliteit
• Emfuleni Plaaslike Munisipaliteit
• Mittal Staal Suid-Afrika Geargiveer 22 Junie 2007 op Wayback Machine
• Mittal Staal Geargiveer 23 September 2006 op Wayback Machine
• Vaal Triangle Info
• Noordwes-Universiteit