Vlag van Guatemala

in Wikipedia, die vrye ensiklopedie
Vlag van Guatemala
Vlag van Guatemala
Vlag van Guatemala
Gebruik Staats- en Oorlogsvlag en Staats- en Vlootvaandel Staats- en oorlogsvlag en staats- en vlootvaandel
Verhouding 5:8
Goedgekeur In gebruik sedert 18 November 1871
Amptelik aanvaar op 15 September 1968
Ontwerp Drie vertikale bane in blou, wit en blou met die landswapen in die middel van die wit baan.
Wisselvormvlag van Guatemala
Wisselvormvlag van Guatemala
Gebruik Burgerlike vlag en vaandel Burgerlike vlag en vaandel
Verhouding 5:8
Ontwerp Dieselfde as die nasionale vlag behalwe dat die landswapen ontbreek.

Die nasionale vlag van Guatemala is op 15 September 1968 amptelik in gebruik geneem. Die vlag vertoon drie ewe wye vertikale bane in blou, wit en blou met of sonder die landswapen in die middel van die wit baan.

Simboliek[wysig | wysig bron]

Bandera de los Pueblos, vlag wat deur inheemse volke gebruik word

Guatemala het van 1823 tot die burgeroorlog van 1838–1840 deel uitgemaak van die Verenigde State van Sentraal-Amerika (van 1825 bekend as die Federale Republiek van Sentraal-Amerika). Net soos Costa Rica, El Salvador, Honduras en Nicaragua het Guatemala sy vlag gebaseer op die vlag van die Federale Republiek van Sentraal-Amerika.

Die twee blou bane stel die Stille en Atlantiese oseaan voor waartussen Guatemala lê. Die wit baan stel die land tussen die oseane voor en simboliseer ook die suiwerheid van die waardes van die land.

In die middel van die wit baan op die staats- en oorlogsvlag is die landswapen van Guatemala. Hierin is die datum 15 September 1821 te lees. Dit is die datum waarop Sentraal-Amerika onafhanklikheid van Spanje verkry het. Daarnaas het die wapen twee gekruiste gewere wat op Guatemala se bereidheid om homself te verdedig indien nodig, dui. Verder is die olyftakke die simbool van vrede. Daar is laastens ook ’n krans wat ’n quetzalvoël afgebeeld van die simbool van vryheid is. Die quetzal kom uit die wapen van Los Altos, ’n gebied in Guatemala wat hom in 1838 onafhanklik verklaar het maar binne twee jaar weer met geweld by Guatemala toegevoeg is.

Ontwerp[wysig | wysig bron]

Die hoogte-breedteverhouding van die vlag is 5:8 en die drie bane neem elk een derde van die breedte van die vlag in beslag.[1]

Die blou in die vlag word as "hemelsblou" gespesifiseer.[2] Die blou in die vlag is aansienlik ligter as die vlae van ander Sentraal-Amerikaanse state.

Kleure[wysig | wysig bron]

Wapperende vlag van Guatemala

Die kleurskema word hieronder gelys:

Briljantblou Wit
Pantone[3] 297 Safe
RGB 73-151-208 255-255-255
CMYK 64.9-27.4-0-18.4 0-0-0-0-0
Webkleure 4997D0 FFFFFF

Geskiedenis[wysig | wysig bron]

Vlae van die Federale Republiek van Sentraal-Amerika[wysig | wysig bron]

Die vlag van Guatemala is, soos hier bo vermeld, afgelei van die vlag van die Federale Republiek van Sentraal-Amerika, wat op sy beurt beïnvloed is deur die vlag van Argentinië. Die Sentraal-Amerikaanse het bestaan uit drie horisontale bane in blou-wit-blou met die wapen van die State in die middel van die wit baan. In die periode van die bestaan van die federasie (1823–1841) was die Sentraal-Amerikaanse vlag die nasionale vlag van Guatemala terwyl daar ook ’n eie deelstaatvlag was wat drie horisontale bane in blou-wit-blou was.

Die ander lande wat uit die federasie ontstaan het, het ook hul eie vlae op die vlag van Sentraal-Amerika gebaseer. Hulle vlae is ook in blou-wit-blou behalwe dié van Costa Rica waar ’n rooi baan bygevoeg is.

Vlae van die onafhankelike Guatemala[wysig | wysig bron]

Toe Guatemala homself in 1838 onafhanklik verklaar het, het die blou-wit-blou vlag in gebruik gebly, maar die nuwe nasionale wapen is in die middel van die vlag geplaas. In 1843 is hierdie wapen verander en die vlag moes gevolglik aangepas word.[4]

Een deel van wat nou Guatemala is, het hom ten tyde van die Federale Republiek van Sentraal-Amerika van die land afgeskei as Los Altos en hom in 1838 onafhanklik verklaar. Tot 27 Januarie 1840 sou Los Altos sy selfstandigheid kon behou en sy eie blou-wit-rooi vlag gebruik. In September 1848 het Los Altos hom weer onafhanklik verklaar maar is na ’n anderhalwe maand weer by Guatemala gevoeg.

In 1851 het Guatemala weer ’n nuwe vlag in gebruik geneem. Hierdie vlag het bestaan uit drie horisontale bane in rooi, wit en blou aan die vlagpaalkant en drie horisontale bane in blou, wit en blou aan die wapperkant. In die staatsvlag was die toenmalige nasionale wapen in die middel van die vlag. Die rooi en geel het verwys na die hegte bande met Spanje terwyl die blou en wit in die vlag die ou simboliek behou het.

In 1858 is die vlag van 1851 vervang deur een vlag met sewe horisontale bane in (van bo na onder) blou, wit, rooi, geel, rooi, wit en blou waarvan die geel baan drie keer so wyd as elk van die ander bane was. In die middel van die staatsvlag was die nasionale wapen. Die opname van geel in die vlag, en in besonder die kleurkombinasie van rooi, geel en rooi wat ook hier verwys het na die hegte bande met Spanje.[4]

In 1871 het ’n liberale revolusie in Guatemala plaasgevind waarna die vlag op 17 Augustus verander is na drie bane in blou, wit en blou met die toe nuwe nasionale wapen in die middel. Dit is nie heeltemal duidelik of daar hiermee onmiddellik die huidige vlag aangeneem is of dat die horisontale bane aanvanklik gebly het nie. Dit is wel duidelik dat die huidige vlag amptelik vasgelê is op 28 Februarie 1885; die bane is vertikaal op mekaar geplaas om die vlag maklik te kon onderskei van die buurlande (El Salvador en Honduras)..[4]

In 1997 is die wetgewing oor die vlag vir die laaste keer verander, waarby die kleurspesifikasies aangepas is.

Ander vlae[wysig | wysig bron]

Verwysings[wysig | wysig bron]

  1. Flags of the World (2006): Guatemala, URL besoek op 22 Mei 2019.
  2. Diario La Hora (8 September 2003): Color de la bandera nacional ¿azul o celeste?.
  3. Flags of the World page "Guatemala" Geargiveer 17 November 2008 op Wayback Machine
  4. 4,0 4,1 4,2 Flags of the World (2005): Guatemala – Historical Flags, geraadpleeg op 19 Julie 2007.

Eksterne skakels[wysig | wysig bron]

  • (en) Guatemala by Flags of the World.
  • (en) "Flag of Guatemala". Encyclopædia Britannica. Besoek op 22 Mei 2019.
Hierdie artikel is in sy geheel of gedeeltelik vanuit die Nederlandse Wikipedia vertaal.