Winterkersie
| Winterkersie | |
|---|---|
| |
| ’n Winterkersie met bessies. | |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Solanales |
| Familie: | Solanaceae |
| Genus: | Solanum |
| Spesie: | S. pseudocapsicum
|
| Binomiale naam | |
| Solanum pseudocapsicum L., (1753)
| |
Die winterkersie (Solanum pseudocapsicum) is ’n spesie van die genus Solanum met giftige vrugte. Dié meerjarige plante kan as huisplante gekweek word, maar dit word in sommige lande as ’n onkruid beskou.
Eienskappe[wysig | wysig bron]
Die plant is inheems aan Peru en Ecuador en kan ryp en koue weerstaan. Hulle leef sowat 10 jaar en dra gewoonlik van hul tweede of derde jaar af bessies. Hulle is verwant aan die tamatie (Solanum lycopersicum) en die vrugte se smaak en tekstuur is baie soos dié van kersietamaties; daarom word die twee dikwels verwar. Hulle is ook verwant aan die aartappel (Solanum tuberosum).
Dit is een van twee spesies van Solanum wat as huisplante gekweek kan word; die ander een is Solanum annuum.[1]
Probleme[wysig | wysig bron]
Hoewel die bessies giftig is, is hulle gewoonlik nie lewensgevaarlik vir mense nie. Dit kan wel maagprobleme veroorsaak, onder meer vomering en gastro-enteritis.[2] Winterkersies is baie giftig vir honde,[3] katte,[4] en sommige voëls.[5]
As die blare verlep en die bessies afval, is die plant te droog. As die onderste blare geel word met bruin kolle op, is daar ’n magnesiumtekort. Vaalvrot, rooimyte en virussiekte kan ook voorkom. In laasgenoemde geval moet die hele plant vernietig word.
Verwysings[wysig | wysig bron]
- ↑ Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
- ↑ D. G. Spoerke & S. C. Smolinske (1990). Toxicity of Houseplants. Boca Raton, Florida: CRC Press.
- ↑ "Toxic plants for dogs" (in Engels). CyberCanine.com. 1997. Geargiveer vanaf die oorspronklike op 14 Maart 2012. Besoek op 29 September 2008.
- ↑ "Plants and your cat" (in Engels). Cat Fanciers' Association. Desember 1997. Geargiveer vanaf die oorspronklike op 26 Maart 2010. Besoek op 29 September 2008.
- ↑ "Bird safety: poisonous and safe plants for birds". Peteducation.com. 1997. Besoek op 29 September 2008.
Eksterne skakels[wysig | wysig bron]
- Solanum capsicastrum: inligting Geargiveer 21 Augustus 2009 op Wayback Machine
- Solanum capsicastrum: nog inligting Geargiveer 21 November 2007 op Wayback Machine
Wikimedia Commons het meer media in die kategorie Winterkersie.
Wikispecies het meer inligting verwant aan Winterkersie
Hierdie artikel is vertaal uit die Engelse Wikipedia
