Zsa Zsa Gabor

in Wikipedia, die vrye ensiklopedie
Jump to navigation Jump to search
Zsa Zsa Gabor
’n Beeld van die betrokke persoonlikheid.
Zsa Zsa Gabor in 1959

Geboortenaam Sári Gábor
Gebore (1917-02-16)16 Februarie 1917
Boedapest, Oostenryk-Hongarye
Oorlede 18 Desember 2016 (op 99)
Bel Air, Los Angeles, Kalifornië
Nasionaliteit Vlag van Hongarye Hongarye
Vlag van Verenigde State van Amerika Verenigde State
Ouers Jolie Gabor (moeder)
Vilmos Gábor (vader)
Beroep Aktrise en sosiale vlinder
Huweliksmaat Burhan Asaf Belge (1937–1941; geskei)
Conrad Hilton (1942–1947; geskei)
George Sanders (1949–1954; geskei)
Herbert Hutner (1962–1966; geskei)
Joshua S. Cosden, Jr. (1966–1967; geskei)
Jack Ryan (1975–1976; geskei)
Michael O'Hara (1976–1983; geskei)
Felipe de Alba (1983–1983; geskei)
Frédéric Prinz von Anhalt (1986–2016; haar dood)
Kind(ers) Francesca Hilton (1947–2015)

Zsa Zsa Gabor (1917–2016) was 'n Hongaars-Amerikaanse aktrise, maar was meer bekend vir haar skerp tong en nege huwelike. In 1936 het sy die Mej. Hongarye-kompetisie gewen. Sy was onder andere bekend vir een van haar uitsprake op 'n TV-geselsprogram: "Ek is 'n uitstekende huishoudster; elke keer as ek 'n man los hou ek sy huis".[1][2]

Beknopte biografie[wysig | wysig bron]

Zsa Zsa Gabor, ca. 1955

Sári Gábor is op 6 Februarie 1917 in Boedapest, Oostenryk-Hongarye, as tweede van drie dogters van Jolie (née Janka Tilleman) en Vilmos Gábor gebore. Haar ouer suster Magda en jonger suster Eva was ook, net soos sy, aktrises en sosiale vlinders.

Gábor begin haar loopbaan in 1936 in Wene. In 1941 emigreer sy van Hongarye na die Verenigde State van Amerika, waar sy in 'n gesogte aktrise met 'n "Europese flair en styl" ontaard, wie se persoonlikheid "sjarme en grasie uitstraal".[3] Sy maak haar debuut in die rolprent Lovely to Look At. Sy het later in We're Not Married! opgetree en het 'n leidende rol in haar man, John Huston, se film Moulin Rouge (1952) gespeel. Huston het haar later as 'n "geloofwaardige" aktrise beskryf.[4]

Naas haar loopbaan as akteur was Gabor bekend vir haar uitspattige Hollywood-lewenstyl, haar glansryke persoonlikheid, en haar baie huwelike. Sy was in totaal met nege mans getroud. Sy het op 'n keer gesê: "Mans het nog altyd van my gehou en ek van hulle. Maar, ek hou van 'n manlike man, 'n man wat weet hoe om met 'n vrou te praat en haar te behandel – nie net 'n man met spiere nie".[5]

Sy is op 18 Desember 2016 by haar huis in Los Angeles, Kalifornië, aan 'n hartaanval oorlede. Sy was 99 jaar oud.[6]

Verwysings[wysig | wysig bron]

  1. "Zsa Zsa Gabor". imdb.com.
  2. "Xenophobe's guide to the Hungarians". Ovalbooks.com. Besoek op 13 Augustus 2010.
  3. Barris, George. Barris Cars of the Stars, MBI Publishing (2008), bl. 71
  4. Huston, John. John Huton: Interviews, Univ. Press of Mississippi (2001), bl. 11
  5. "Love Hints from Zsa Zsa", Life Magazine, 15 Oktober 1951 (voorbladstorie).
  6. "Publicist: Iconic Actress Zsa Zsa Gabor Dead At 99". cbslocal. Besoek op 18 Desember 2016.

Eksterne skakels[wysig | wysig bron]