Homo sapiens idaltu

in Wikipedia, die vrye ensiklopedie

Homo sapiens idaltu
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
H. sapiens
Subspesie:
Homo sapiens idaltu
Binomiale naam
Homo sapiens idaltu
(White et al., 2003)
Die ligging van die ontdekkings.

Homo sapiens idaltu is ’n uitgestorwe subspesie van Homo sapiens wat sowat 160 000 jaar gelede tydens die Pleistoseen in Afrika voorgekom het.[1] Idaltu is die Amhariese woord vir "wyse man" of "eersgeborene".[1]

Ontdekking[wysig | wysig bron]

Die fossiele oorblyfsels van H. s. idaltu is in 1997 in die Afar-driehoek in Ethiopië ontdek deur Tim White, maar is eers in 2003 bekend gemaak.[1] Die fossiele is tussen vulkaanlae van tussen 154 000 en 160 000 jaar oud gevind. Drie goed bewaarde skedels is ontdek, waarvan die mees ongeskonde een dié van ’n volwassene is met ’n breinkapasiteit van 1 450 cm3. Die ander is die gedeeltelike skedels van ’n man en ’n kind van ses jaar oud.[1]

Morfologie en taksonomie[wysig | wysig bron]

Die fossiele toon archaïese eienskappe wat nie met die moderne mens ooreenstem nie.[1] Tog word hulle beskou as die direkte voorlopers van Homo sapiens sapiens, wat volgens die onlangse "Uit Afrika"-model kort hierna in Oos-Afrika ontwikkel het.[1]

Verwysings[wysig | wysig bron]

  1. 1,0 1,1 1,2 1,3 1,4 1,5 White, Tim D.; Asfaw, B.; DeGusta, D.; Gilbert, H.; Richards, G. D.; Suwa, G.; Howell, F. C. (2003), "Pleistocene Homo sapiens from Middle Awash, Ethiopia", Nature 423 (6491): 742–747, doi:10.1038/nature01669, PMID 12802332, Bibcode2003Natur.423..742W 

Eksterne skakels[wysig | wysig bron]