Homo ergaster

in Wikipedia, die vrye ensiklopedie
Spring na: navigasie, soek
Homo ergaster
Tydperk: Pleistoseen, 1.8–1.3 m. jaar gelede
Die skedel KNM-ER 3733, wat in 1975 in Kenia ontdek is.
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Primates
Familie: Hominidae
Genus: Homo
Spesie: H. ergaster
Binomiale naam
Homo ergaster
(Colin Groves en Vratislav Mazák, 1975)

Homo ergaster ("werkende man") of Homo erectus uit Afrika[1] is ’n uitgestorwe spesie van Homo wat tydens die vroeë Pleistoseen, tussen 1,8 miljoen en 1,3 miljoen jaar gelede, in Oos- en Suider-Afrika geleef het.[1]

Daar is nog onenigheid oor die klassifikasie H. ergaster, maar daar word nou algemeen aanvaar dat dit die direkte voorouer van latere hominiede soos Homo heidelbergensis, Homo sapiens en Homo neanderthalensis was, asook van die Asiatiese Homo erectus.[2]

Dit is een van die vroegste spesies van die genus Homo. Óf dit is ’n voorouer van Homo erectus óf dit deel ’n voorouer daarmee.[3] Sommige paleoantropoloë beskou dit bloot as die Afrika-weergawe van H. erectus; dit het gelei tot die term "Homo erectus sensu stricto" vir die Asiatiese H. erectus en "Homo erectus sensu lato" vir die groter spesie wat beide die Afrika-weergawe (H. ergaster) en die Asiatiese weergawe insluit.[4]

Onlangse menings is selfs dat al vier tydgenote van die vroeë Homo in Afrika – Homo habilis, Homo rudolfensis, Homo ergaster en Homo erectus – almal dieselfde spesie is, wat verkieslik Homo erectus genoem moet word en wat sowat 2 miljoen jaar gelede in Afrika ontwikkel het en deur Eurasië versprei het, tot by Sjina en Java.[5]

Ontdekking[wysig]

Die Suid-Afrikaanse paleoantropoloog John T. Robinson het die eerste kakebeen van ’n nuwe hominied in 1949 in Suider-Afrika ontdek en dit Telanthropus capensis genoem, hoewel dit nou beskou word as ’n lid van Homo ergaster.[6] Laasgenoemde naam is die eerste keer deur Colin Groves en Vratislav Mazák gebruik vir KNM ER 992, ’n kakebeen wat in 1975 naby die Turkanameer in Kenia ontdek is – dit het die tipevoorbeeld geword van die spesie. Die volledigste skelet van H. ergaster (en die volledigste van alle uitgestorwe hominiede), die Turkana-seun, is in 1984 by dié meer ontdek deur Kamoya Kimeu en Alan Walker. Dit is 1,6 miljoen jaar oud.

Verwysings[wysig]

  1. 1,0 1,1 Hazarika, Manji, "Homo erectus/ergaster and Out of Africa: Recent Developments in Paleoanthropology and Prehistoric Archaeology", 16–30 June 2007.
  2. G. Philip Rightmire (1998). “Human Evolution in the Middle Pleistocene: The Role of Homo heidelbergensis”. Evolutionary Anthropology.
  3. F. Spoor, M. G. Leakey, P. N. Gathogo, F. H. Brown, S. C. Antón, I. McDougall, C. Kiarie, F. K. Manthi & L. N. Leakey (9 Augustus 2007). “Implications of new early Homo fossils from Ileret, east of Lake Turkana, Kenya”. Nature 448 (7154): 688–691. DOI:10.1038/nature05986.
  4. Antón, S. C. (2003), Natural history of Homo erectus. Am. J. Phys. Anthropol., 122: 126–170. doi:10.1002/ajpa.10399
  5. Error on call to template:cite web: Parameters url and title must be specified
  6. Wood, Bernard, and Mark Collard (2001). “The Meaning of Homo”. Ludus Vitalis 9 (15): 63–74.

Bronne[wysig]

  • Deacon, Terrence W. (1998). The Symbolic Species: The Co-evolution of Language and the Brain. W.W. Norton & Company. ISBN 0-393-03838-6. 
  • Richard Leakey (1992-09-01). Origins Reconsidered. ISBN 0-385-41264-9. 
  • Ruhlen, Merritt (1994). The origin of language: tracing the evolution of the mother tongue. New York: Wiley. ISBN 0-471-58426-6. 
  • Shreeve, James (1995). The Neandertal Enigma: Solving the Mystery of Modern Human Origins. Harper Perennial. ISBN 0-670-86638-5. 
  • Tattersall, Ian; Jeffrey Schwartz (2000). Extinct Humans. Boulder and Cumnor Hill: Westview Press. ISBN 0-8133-3482-9. 
  • Wood, Bernard (2001). “The Meaning of Homo”. Ludus Vitalis 9.

Eksterne skakels[wysig]