6 Desember

6 Desember is 340ste dag van die jaar in die Gregoriaanse kalender (341ste in skrikkeljare). Daar volg nog 25 dae in die res van die jaar.

Gebeure

• 1058 - Pous Nicolaas II volg Pous Stefanus IX (X) op.
• 1527 - Pous Clemens VII verlaat die verwoeste Rome.
• 1696 - Lorenzo Corsini (later Pous Clemens XII) word aangestel as tesourier-generaal van die Pouslike Staat en ook as goewerneur van die Engeleburg.
• 1708 - Pous Clemens XI stel die fees van Maria Onbevlekte Ontvangenis in.
• 1768 - Die eerste uitgawe van die Encyclopædia Britannica word uitgegee.
• 1790 - Die Kongres van die Verenigde State verhuis vanaf New York na Philadelphia (Pennsylvanië).
• 1864 - Pous Pius IX kondig die Eerste Vatikaanse Konsilie aan.
• 1917 - Finland verklaar sy onafhanklikheid van Rusland.
• 1917 - 'n Ontploffing in Halifax, Nova Scotia, Kanada dood meer as 1900 mense, en vernietig 'n groot deel van die stad.
• 1957 - 'n Ontploffing op die lanseerdok fnuik die Verenigde State se eerste poging om 'n satelliet te lanseer.
• 1972 - Die lansering van die laaste bemande maansending, die Apollo 17, vind plaas.
• 1977 - Suid-Afrika verklaar Bophuthatswana onafhanklik, maar dit word deur geen ander land só aanvaar nie.
• 1989 - 'n Man dood 14 jong dames in Montreal, Kanada.
• 1997 - 'n Russiese voorraadvliegtuig stort op 'n woonstelkompleks neer, naby Irkutsk, Siberië, en 67 mense sterf.
• 2007 - Die "Duitse Toekomsprys 2007" word in Berlyn, Duitsland deur Bondspresident Horst Köhler toegeken.

Geboortes

• 1421 - Koning Henry VI van Engeland († 1471).
• 1586 - Niccoli Zucchi, Italiaanse sterrekundige († 1670).
• 1778 - Joseph Louis Gay-Lussac, fisikus en chemis († 1850).
• 1805 - Adolf Reubke, orrelbouer († 1875).
• 1823 - Jan Brand, President van die Vrystaat († 1888).
• 1896 - Ira Gershwin, komponis († 1983).
• 1898 - Alfred Eisenstaedt, fotojoernalis († 1995).
• 1932 - Don King, 'n bokspromotor.
• 1927 - Gé Korsten, Suid-Afrikaanse sanger.

Sterftes

• 1185 - Afonso I van Portugal die eerste koning van Portugal.
• 1352 - Pous Clemens VI.
• 1892 - Werner von Siemens, Duitse uitvinder.
• 1976 - Joao Goulart, president van Brazilië (Geb. 1918).
• 1988 - Roy Orbison, musikus (Geb. 1936).
• 2003 - Carlos Manuel Arana Osorio, president van Guatemala.

Vakansie-, vierings- en waarnemingsdae

• Nasionale vakansiedag van Finland.
• Konstitusiedag vir Spanje.
• Sinterklaasdag in sommige Europese lande, veral dié wat grootliks Rooms-Katoliek is.

Hierdie artikel is ten volle of gedeeltelik uit die Engelse Wikipedia vertaal.