Vaduz

vanuit Wikipedia, die vrye ensiklopedie.

Vaduz
Kaart	Wapen
	Vlag
Land	Liechtenstein
Stigting	1322
Oppervlakte:
- Totaal	17,3 vk km
Hoogte bo seevlak	455 m
Bevolking:
- Totaal (31 Desember 2007)	5 109
- Bevolkingsdigtheid	295/vk km
Tydsone	CET / UTC +1
- Somertyd	CEST / UTC
Burgemeester	Ewald Ospelt (FBP)
Amptelike Webwerf	www.vaduz.li

Vaduz is die hoofstad van Liechtenstein, die setel van owerhede en die parlement (Landtag) en huisves sedert die jaar 1939 ook die vorstelike hof van Liechtenstein. Vaduz is aan die oostelike Rynoewer aan die voet van die Drie-Susters-bergmassief (Duits: Dreischwesternmassiv) geleë. Die voormalige boeredorp, wat oorspronklik vir sy eersterangse wyn bekend gestaan het, is vandag 'n besige administratiewe sentrum met 'n uitgebreide banke- en dienstesektor.

[wysig] Geskiedenis

Die naam Vaduz is van Retoromaanse oorsprong en dateer uit die tydperk toe die Romeine die gebied as deel van die provinsie Raetia beheer het.

Die eerste historiese verwysing na Vaduz dateer uit die jaar 1150. Die graafskap Vaduz, wat grotendeels ooreenkom met die huidige vorstedom, is met die opsplitsing van die Sargansies-Werdenbergse besittings in 1342 uit die ou regterlike distrik van Vaduz gevorm.

Die kasteel van Vaduz, wat omstreeks 1300 opgerig is, was die setel van die Liechtensteinse landshere. Die graafskap is (in historiese volgorde) deur die grawe van Werdenberg te Vaduz, die baronne van Brandis uit die Switserse Emmental, die grawe van Sulz uit die Badiese gewes Klettgau en die grawe van Hohenems uit Vorarlberg geregeer. Die Duitse keiser Rudolf II het in 1592 die markreg aan Vaduz verleen.

In 1712 het die graafskap Vaduz 'n besitting van prins Johann Adam van Liechtenstein geword. Die gebied is deur keiser Karel VI in 1719 met die gebied Schellenberg tot die Ryksvorstedom Liechtenstein verenig. Vaduz het as sy hoofstad gedien.

[wysig] Bronne

• Die amptelike webwerf van Vaduz: Geskiedenis (de)