Joodse kalender

in Wikipedia, die vrye ensiklopedie
Spring na: navigasie, soek
Mosaiek van die diereriem in die 6de eeuse sinagoge by Beit Alpha, Israel.

Die Joodse kalender, ook die Joodse jaartelling of Hebreeuwse kalender genoem, is 'n kalender wat deur die Jode gebruik word en waarvan die jaartelling begin op die jaar wat geglo word die skepping (of die Anno Mundi) plaasgevind het.

Volgens die Tenach word die datum van skepping geag as in die jaar 3761 v.C. plaasgevind.

Die Jode gebruik 'n maankalender. 'n Maanmaand duur 29,5 dae - waar die een maand 29, en die ander maand weer 30 dae lank is. Aangesien daar 12 joodse maande is, het die Joodse jaar 354 dae, 11 dae minder as die sonkalender.

Hierdie probleem word opgelos deur 'n terugkerende periode van 19 jaar, waar 'n skrikkelmaand sewe keer bygevoeg word, in die 3de, 6de, 8ste, 11de, 14de, 17de en 19de jaar. Hierdie skrikkelmaande het as 'n reël 30 dae waardeur die kalender na 19 jaar weer in pas met die sonkalender sal wees. Die naam van die skrikkelmaand is tweede adar of kortweg adar 2.

Die nuwe jaar begin op Rosj Hasjana, 'n belangrike tweedaagse periode van gebed en inkeer, wat in September of Oktober volgens die Gregoriaanse kalender plaasvind.

Eksterne skakels[wysig]