Maagd (sterrebeeld)
- Vir ’n artikel oor die sterreteken, sien Maagd (sterreteken).
| Maagd | ||||
 |
||||
| Latynse naam | Virgo | |||
| Genitief | Virginis | |||
| Afkorting | Vir | |||
| Waarnemingsdata (Epog J2000) | ||||
| Regte klimming | 13h | |||
| Deklinasie | -4º | |||
| Grootte | 1 294 vk. grade (2de) | |||
| Kwadrant | SQ3 | |||
| Besonderhede | ||||
| Hoofsterre | 9, 15 | |||
| Helderste ster | Spica (Alpha Virginis) | |||
| Naaste ster | Ross 128 | |||
| Sterre helderder as 3 m | 3 | |||
| Sterre met planete | 26 | |||
| Messier-voorwerpe | 11 | |||
| Bayer-/Flamsteed-sterre | 96 | |||
| Meteoorreëns | Virginids, Mu Virginids | |||
| Aangrensende sterrebeelde | ||||
| Veewagter, Berenice se Hare, Leeu, Beker, Kraai, Noordelike Waterslang, Weegskaal, Slang | ||||
|
||||
Die Maagd (Latyn: Virgo) is ’n sterrebeeld in die suidelike hemelruim en deel van die diereriem. Dit is die tweede grootste van al die sterrebeelde, naas die aangrensende Noordelike Waterslang. Die konstellasie kan maklik gevind word deur middel van sy helderste ster, Spica (α Vir).
Die Maagd is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde.
Inhoud |
Ruimtevoorwerpe [wysig]
Naas Spica is ander helder sterre in die Maagd Beta Virginis (Zavijava), Gamma Virginis (Porrima), Delta Virginis (Auva) en Epsilon Virginis (Vindemiatrix).
Met 26 bekende planete wat om 20 sterre wentel, het die sterrebeeld meer bevestigde planete as enige ander konstellasie. Die ster 70 Virginis het een van die eerste bekende planeetstelsels. Dit het ’n bevestigde planeet met ’n massa 7,5 keer dié van Jupiter. Chi Virginis het een van die grootste planete wat al waargeneem is, met ’n massa 11,1 keer dié van Jupiter. 61 Virginis het drie planete.
Die sterrebeeld bevat ’n sterrestelselswerm met verskeie Messier-voorwerpe. Een van die sterrestelsels in die swerm is Messier 87, ’n beroemde radiobron danksy ’n stroom elektrone wat uit sy supermassiewe swartkolk voortkom. Dit is ook die grootste sterrestelsel in die Maagd. ’n Stelsel wat nie deel van die swerm uitmaak nie, is die Sombrero-sterrestelsel (M104), ’n ongewone spiraalstelsel. Dit het ’n buitengewoon groot groep sterre in sy sentrum wat uit ouer sterre bestaan. Dit word omring deur groot, helder bolvormige sterreswerms en het ’n baie prominente stofbaan.[1]
NGC 4438 is ’n sterrestelsel met ’n aktiewe kern. Sy supermassiewe swartkolk spu strome materiaal uit wat borrels met ’n deursnee van tot 800 ligjare vorm.[1] NGC 4261 het ook ’n swartkolk wat sowat 20 ligjare van sy kern geleë is en ’n massa van sowat 1,2 miljard sonmassas het. Dit het ’n ongewone stowwerige skyf met ’n deursnee van 300 ligjare. Dit het ook sterk emissies in die radiospektrum.[1]
Die Maagd bevat ook die eerste kwasar wat ontdek is, 3C 273. Dit is die helderste kwasar aan die hemelruim.
Mitologie [wysig]
Die sterrebeeld word van die Babiloniese tye al met koring en vrugbaarheid verbind. Die Grieke en Romeine het dit verbind met hul godin van koring, Demeter (Ceres), wat die ma van Persephone (Proserpina) is. Dit is soms ook verbind met die godin van geregtigheid, Astraia, wat die skaal van geregtigheid vashou as die sterrebeeld Weegskaal.[2]
Verwysings [wysig]
- ↑ 1,0 1,1 1,2 (2006) 300 Astronomical Objects: A Visual Reference to the Universe, 1ste, Buffalo, New York: Firefly Books. ISBN 978-1-55407-175-3. Besoek op 29 April 2012.
- ↑ Universe, Martin Rees, redakteur. DK
- Ian Ridpath en Wil Tirion (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4.
Eksterne skakels [wysig]
Wikimedia Commons het meer media verwant aan: Maagd (sterrebeeld)
Hierdie artikel is vertaal uit die Engelse Wikipedia
| Die 88 moderne sterrebeelde |
|
Agterdek • Akkedis • Altaar • Andromeda • Arend • Beeldhouer • Beker • Berenice se Hare • Boogskutter • Bul • Cassiopeia • Cepheus • Dolfyn • Draak • Driehoek • Duif • Eenhoring • Eridanus • Feniks • Graveerstif • Groot Beer • Groot Hond • Haas • Hercules • Horlosie • Indiër • Jaghonde • Jagter • Kameelperd • Kameleon • Kiel • Klein Beer • Klein Hond • Klein Leeu • Koetsier • Kompas • Kraai • Kraanvoël • Kreef • Net • Leeu • Lier • Lugpomp • Maagd • Mikroskoop • Noordelike Kroon • Noordelike Waterslang • Oktant • Oond • Paradysvoël • Passer • Perseus • Pou • Pyl • Ram • Rooikat • Seile • Sekstant • Sentour • Skerpioen • Skild • Skilder • Slang • Slangdraer • Steenbok • Suidelike Driehoek • Suidelike Kroon • Suidelike Vis • Suidelike Waterslang • Suiderkruis • Swaan • Swaardvis • Tafel • Teleskoop • Toekan • Tweeling • Veewagter • Visse • Vlieënde Perd • Vlieënde Vis • Vlieg • Vos • Vul • Walvis • Waterdraer • Weegskaal • Winkelhaak • Wolf |
