Naboom

in Wikipedia, die vrye ensiklopedie
Spring na: navigasie, soek
Naboom
S.A. nasionale nommer: 351 [1]
Wetenskaplike klassifikasie
Koninkryk: Plantae
(geen rang): Angiosperms
(geen rang): Eudicots
(geen rang): Rosids
Orde: Malpighiales
Familie: Euphorbiaceae
Genus: Euphorbia
Spesie: E. ingens
Binomiale naam
Euphorbia ingens
E.Mey. ex Boiss.

Die Naboom (Euphorbia ingens) is 'n kaktus-agtige boom met 'n kort dik stam en enorme takke. Die boom kom in Limpopo voor en die naam van die dorp Naboomspruit verwys na hul aanwesigheid daar. Die takke het gewoonlik vier of vyf vlerke. Dit het 'n taai, wit, melkagtige sap wat uiters giftig is en intense irritasie en blase op die vel veroorsaak. As dit in die oë beland kan dit permanente blindheid tot gevolg hê.

Swart inboorlinge langs die Limpopo het die melk tradisioneel gebruik om vis mee te vang. Bondels gras is in die melk geweek en in die rivier gegooi. Dit verlam die visse en hulle begin na 'n ruk lewend bo die water te dryf.

Die heuning van die blomnektar van die naboom word noorsheuning genoem. Dit brand die mond kwaai as die heuning geëet word. Die brand vererger sodra water gedrink word.

Volgens oorlewering het die Zoeloe-koning Dingaan op 'n troon onder 'n naboom gesit toe Piet Retief en sy honderd manskappe in 1838 aangeval en vermoor is.[2]

Sien ook[wysig]

Commons
Wikimedia Commons het meer media verwant aan:

Bron[wysig]

Verwysings[wysig]

  1. TREES of the Kruger National Park, a field guide, Piet van Wyk. Struik Uitgewers, Kaapstad, 2008. p.133, ISBN 978 1 7707 759 1 
  2. Euphorbia-melksap dalk erger as rinkhalsgif, Die Burger, 24 Oktober 1987