Rooiborskurper

in Wikipedia, die vrye ensiklopedie
Spring na: navigasie, soek
Rooiborskurper
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Acanthopterygii
Orde: Perciformes
Familie: Cichlidae
Subfamilie: Pseudocrenilabrinae
Genus: Tilapia
Spesie: T. rendalli
Binomiale naam
Tilapia rendalli
(Boulenger, 1896)

Die Rooiborskurper (Tilapia rendalli) is 'n varswater vis wat voorkom in die Kunenerivier, Okavangorivier, die Zambezirivier en ooskus riviere suidwaarts tot by die Sibayameer. Die vis kom ook voor in die Malawimeer en Tanganjikameer. In Engels staan die vis bekend as die Redbreast tilapia.

Voorkoms[wysig]

Die volwasse vis is olyfgroen tot bruin van kleur en het dikwels onreëlmatige verspreide blou skubbe op die lyf. Daar is 5-7 donker, breë vertikale olyf kleurige strepe op die lyf. Daar is 'n donker kol op die agterste, onderste gedeelte van die dorsale vin - die sogenaamde tilapia kol. Die keel en bors is helder rooi. Die rante van die dorsale-, anale- en stertvinne wissel van geel tot rooi. Die vis word tot 40 cm lank en weeg 2 kg. Die Suid-Afrikaanse hengelrekord is 1.845 kg, die van Zimbabwe is 1.616 kg en die van Malawi is 1.03 kg.

Habitat[wysig]

Die vis is bestand teen water variasies van 11-37°C en soutgehalte van 19 dele per duisend. Hulle leef in stil water met baie plantegroei in vloedvlaktes en moerasse. Die vis vreet waterplante en alge maar sal ook klein water ongewerweldes vreet. Broei pare maak die plantegroei skoon en maak 'n nes met 'n deursnee van 0.5-1.3 m. Binne in die nes is etlike broeikamers wat die eiers en larwes beskerm. Die onvolwasse visse bly in die nes totdat hulle ongeveer 15 mm lank word.

Trivia[wysig]

Die vis word gebruik vir onkruidplant beheer in damme. Daar was twee subspesies ge-identifiseer naamlik T. rendalli rendalli en T. rendalli swierstra maar nuwe navosing blyk dat dit nie so is nie.

Sien ook[wysig]

Eksterne skakel[wysig]

Bron[wysig]

Verwysings[wysig]