Slang

in Wikipedia, die vrye ensiklopedie
Spring na: navigasie, soek
Slange
Gewone luislang
Wetenskaplike klassifikasie
Koninkryk: Animalia
Filum: Chordata
Subfilum: Vertebrata
Klas: Reptilia
Orde: Squamata
Suborde: Serpentes
Linnaeus, 1758
Wêreldwye verspreiding van slange(verspreiding van seeslange in blou)
Wêreldwye verspreiding van slange
(verspreiding van seeslange in blou)
Infraordes

Slange (Serpentes) is 'n groep karnivoriese reptiele wat aan die orde van die skubreptiele (Squamata) behoort en aan akkedisse verwant is. Alle slangspesies word gekenmerk deur 'n baie dun, lang liggaam en ontbrekende ledemate.

Daar is ongeveer 3150 verskillende slangspesies wat byna regoor die wêreld voorkom en waarvan ongeveer 15% giftig is. Slange beweeg altyd op hul onderkant en hulle hele liggaam word deur oorlappende skubbe bedek. Ander tipiese kenmerke, wat hulle van pootlose akkedisse onderskei, is 'n tekort aan beweegbare ooglede en eksterne ore. Om by hul dun liggame aan te pas, is hul niere nie langs mekaar nie, maar is die een voor die ander, en het meeste spesies slegs een werkende long. Slange wissel in grootte van baie klein, slegs 10 cm lank, tot die reuse luislange en anakondas wat tot 7,6 m lank kan word.

Slange is 'n ekologies uiters diverse groep wat baie uiteenlopende habitats bewoon. Hulle word op elke kontinent behalwe Antarktika aangetref en ook op meeste eilande. Omdat hulle koudbloedig is, kom die meeste spesies in warmer streke voor. 'n Aantal spesies is ook aangepas om in uiters droë omgewings te oorleef, soos woestyne. Daar is egter ook slange wat ondergronds lewe, of selfs in water, soos riviere, damme en die see.

As gevolg van hul onbegrypende lewenswyse en gedrag en hul vermeende, maar dikwels oorskatte giftigheid, word slange dikwels as 'n simbool van die bose gesien. In die Bybel, in die verhaal oor Adam en Eva, duik die slang selfs op as 'n verteenwoordiger van die Duiwel .

Deur wetenskaplike ondersoek is daar tans meer bekend oor die lewenswyse, biologie en voortplanting van slange. Alhoewel hulle vroeër as 'n sustergroep van die akkedisse beskou was, is dit vandag bekend dat hulle in feite van akkedisse afstam.

Fotogalery[wysig]

Sien ook[wysig]