Toetskrieket
vanuit Wikipedia, die vrye ensiklopedie.
Toetskrieket is die krieket se langste formaat. Dit word gesien as die beste manier om die vernuftigheid van toetsspelende lande te toets. Afgesien die populariteit van die relatiewe nuwer krieketformate Een dag internationaal en Twintig20 onder sekere gehore, het toetskrieket nogsteeds die hoogste aansien. Die naam "Toets" kom waarskynlik van die idee dat wedstryde 'n "toets van sterkte en bevoegdheid" van die betrokke spanne. Die woord "toets" was die eerste gebruik tussen die besoekende Engelse span teen die Australiërs in 1861-62. Die eerste amptelike toets was op 15de Maart 1866 tussen Engeland en Australië in Melbourne Cricket Ground waar Australië met 45 lopies gewen het. Engeland het die tweede toets gewen met 4 paaltjies om sodoende die reeks 1-1 te deel.
[wysig] Regulasies van die spel
Toetskrieket word gespeel tussen twee spanne van elf spelers oor 'n maksimum van 5 dae. Elke dag het gewoonlik 3 twee-uur sessies, met 'n 40-minute etensbreuk en 'n 20-minute tee-tyd.
Die span wat die loot wen besluit om te kolf of om veldwerk te doen. Die span wat eerste kolf, kolf totdat 10 paaltjies kantel of die kaptein besluit om nie verder te kolf nie (verklaar). Die span wat dan veldwerk gedoen het moet dan kolf. Indien die tweede span uitgehaal word vir 200 lopies minder as die eerste span, kan die kaptein van die eerste span beluit om die tweede span weer te laat kolf (opvolg) of om die voorsprong te verbreed deur weer te kolf.
Altwee spanne kolf dan 'n tweede keer. Na die tweede kolfbeurt van die eerste span word 'n teiken gestel wat die ander span moet verby steek om die toets te wen. As die ander span uitgehaal word voordat die teiken bereik is, wen die eerste span. Indien die tyd verstreke is op die 5de dag en die teiken is nie behaal nie dan word die toets gedeel(gelykop verklaar). Indien die teiken behaal word voordat die tyd uitloop op die vyfde dag wen die span wat laaste kolf met die aantal paaltjies wat oorbly. Indien die span wat laaste kolf uitgehaal word voor die tyd vestreke is wen die eerste span met die hoeveelheid lopies wat nog behaal moes word.
