Vlag van Grenada

in Wikipedia, die vrye ensiklopedie
Spring na: navigasie, soek
Vlag van Grenada
Vlag van  Grenada
Gebruik Nasionale vlag Nasionale vlag
Verhouding 3:5
Goedgekeur 7 Februarie 1974
Ontwerp ’n Rooi band buite om met ses geel sterre in, twee geel en twee groen driehoeke daar binne, ’n rooi skyf en ster in die middel en ’n klawertjie neutmuskaat aan die vlagpaalkant.
Ontwerp deur Anthony C. George
Wisselvormvlag van  Grenada
Gebruik Burgerlike en Staatsvaandel Burgerlike en staatsvaandel
Verhouding 1:2
Goedgekeur 7 Februarie 1974
Ontwerp Dieselfde as die nasionale vlag behalwe dat die verhouding verskil.
Wisselvormvlag van  Grenada
Gebruik Vlootvaandel Vlootvaandel
Verhouding 1:2
Ontwerp ’n Rooi Sint Joriskruis op ’n wit doek met die nasionale vlag in die skildhoek.

Die nasionale vlag van Grenada is op 7 Februarie 1974 amptelik in gebruik geneem. Die vlag vertoon ’n rooi band buite om met ses geel vyfpuntige sterre aan die bo- en onderkant. Binne die rooi band is twee geel (bo en onder) en twee groen (vlagpaal- en wapperkant) driehoeke, ’n rooi skyf en vyfpuntige geel ster in die middel van die vlag en ’n klawertjie neutmuskaat in die groen driehoek aan die vlagpaalkant.

Simboliek[wysig]

Die ses sterre in die rooi band stel ses gemeentes (provinsies) van Grenada voor met die ster in die middel, wat in ’n rooi skyf is, wat die hoofstad St. George’s voorstel. Die neutmuskaat aan die vlagpaalkant van die vlag stel een van die land se vernaamste uitvoerprodukte voor. (Daar is soms verwys na Grenada as die "Spesery-eiland".[1]

Die kleurkombinasie van rooi, geel en groen (die Pan-Afrika kleure) in die vlag stel die land se verbintenis met Afrika voor. Verder stel rooi moed en vitaliteit voor, geel stel wysheid en warmte voor en groen stel die plantegroei en landbou voor.

Ander vlae[wysig]

Eksterne skakels[wysig]

  • (en) Grenada by Flags of the World.

Verwysings[wysig]

  1. (en) Flag of Grenada, Carriacou and Petite Martinique”. Regering van Grenada. URL besoek op 2008-07-12.
Commons-logo.svg
Wikimedia Commons het meer media verwant aan:
Vlae van Grenada (kategorie)