New Hanover, KwaZulu-Natal

New Hanover
New Hanover  New Hanover se ligging in KwaZulu-Natal
Koördinate: 29°21′S 30°32′O
Land	Suid-Afrika
Provinsie	KwaZulu-Natal
Distrik	uMgungundlovu
Munisipaliteit	uMshwathi
Stigting	1850
Oppervlak
• Totaal	2,65 km2 (1,02 vk. myl)
Bevolking  (2011)
• Totaal	3 175
• Digtheid	1 198/km2 (3 100/vk. myl)
Rasverdeling (2011)
• Wit mense	4.7%
• Indiërs/Asiërs	1.5
• Bruin mense	0.9%
• Swart mense	92.7%
• Ander	0.3%
Taal (2011)
• Zoeloe	90.3%
• Engels	4.9%
• Sotho	1.6%
• Afrikaans	0.8%
Skakelkode	033

New Hanover is 'n klein dorpie in die KwaZulu-Natalmiddellande, Suid-Afrika. Dit is omtrent halfpad tussen Pietermaritzburg en Greytown geleë.

Geskiedenis

New Hanover is in die 1850's deur Duitse katoenboere gestig. Die dorp is na Hannover in Duitsland vernoem. Duits word nog baie gepraat in die distrik. Die spoorlyn het die dorp in 1899 bereik.

Vandag is die hoof ekonomiese produk suikerriet gevolg deur vrugte, graan en bosbou. Dit is naby ander nedersettings met 'n Duitse oorsprong soos Wartburg, Kirchdorf, Lillienthal, Schroeders en Hermannsburg.

Distrik

Die distrik is 1 400 km² groot. Daar is verskeie watervalle in die omgewing. Suikerriet en swartwattel is die belangrikste produkte van die distrik. Die Albert Falls-dam en natuurreservaat is 25 km suidwes van die dorp.

Sien ook

• Lys van dorpe in Suid-Afrika

Bronne

• Erasmus, B.P.J. Op pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.