AfriForum

in Wikipedia, die vrye ensiklopedie
Jump to navigation Jump to search
AfriForum
Afriforum-kenteken.png
Tipe Sonder winsoogmerk
Gestig 7 September 2006 in Pretoria, Gauteng
Hoofkantoor Centurion, Gauteng,Suid-Afrika
SleutelpersoneKallie Kriel
Ernst Roets
Alana Bailey
DiensteBeskerming van Burgerregte
MoedermaatskappySolidariteit
Webwerfafriforum.co.za
'n AfriForum-betoging in Pretoria oor die vernietiging van die Groot Trek-gedenkplaat in Standerton.

AfriForum, ’n onafhanklike inisiatief van die vakbond Solidariteit, is ’n organisasie sonder winsoogmerk wat daarna streef om wat die organisasie beskou as die aktiewe en passiewe onttrekking van minderhede uit die openbare sake van Suid-Afrika teen te werk, en maak daarop aanspraak om minderhede in Suid-Afrika op ’n openbare forum te verteenwoordig.

AfriForum se manifes stel dit so: “Ons – die opstellers en ondersteuners van hierdie manifes – oefen die doelbewuste keuse uit om sinvol as Afrikaners voort te bestaan, met ons diepgewortelde basis is aan die suidpunt van Afrika.

AfriForum stuur veldtogte van stapel om burgerregte – soos in die Suid-Afrikaanse Grondwet en in internasionale konvensies oor die kollektiewe regte van minderheidsgemeenskappe omskryf – te beskerm en uit te bou.  Spesifieke sake waaroor AfriForum hul kommer uitgespreek het, sluit onder meer in die politieke inmenging deur die regering in privaat areas, asook rasgedrewe beleide en meertaligheid. Ander fokusareas sluit in misdaad, plaasmoorde en die ondeurdagte pleknaamveranderinge, asook onderwys en burgerregte.[1]

Kallie Kriel is die uitvoerende hoof van AfriForum.

Geskiedenis[wysig | wysig bron]

AfriForum is in 2006 gestig. Die organisasie se wortels kan teruggetrek word na die aktiewe maatskaplike rol wat Solidariteit in die Suid-Afrikaanse politieke landskap gespeel het. AfriForum se burgerregtemanifes is amptelik op 7 September 2006 tydens ’n besprekingsforum in Pretoria deur die organisasie aangeneem.[2]

Politieke posisionering  [wysig | wysig bron]

AfriForum is ’n burgerregte organisasie wat gemik is op die beskerming van minderhede in Suid-Afrika. Dit fokus egter op die regte en belange van Afrikaanssprekendes.

Volgens AfriForum se uitvoerende hoof, Kallie Kriel, is AfriForum ’n burgerregte-inisiatief om die burgergemeenskap en spesifiek die minderheidsgemeenskappe te mobiliseer om ook aan die demokratiese debat deel te neem. Kriel meld ook dat AfriForum graag balans in Suid-Afrika wil bring. “Ware demokrasie het alternatiewe stemme nodig om suksesvol te wees. Hoewel ons nie ’n politieke party is nie, maak ons alternatiewe idees en voorstelle waar nodig tot die regering se standpunte.[3]

Veldtogte en huidige beleide[wysig | wysig bron]

Die organisasie se hooffokus sluit onder meer die volgende areas in: burgerregte; veiligheid en sekuriteit; gemeenskapsake; plaaslikeregeringsake; omgewingsake; onderwys; asook die beskerming van die taal, kultuur en erfenis van minderheidsgroepe in Suid-Afrika.

Misdaad en korrupsie[wysig | wysig bron]

Die organisasie het die regering by verskeie geleenthede gekritiseer oor die gebrek aan bereidwilligheid om die plaasmoordkwessie op te los. AfriForum het die standpunt gehuldig dat plaasmoorde as ’n prioriteitsmisdaad verklaar moet word. Ná wye plaaslike sowel as internasionale bewusmakingsveldtogte by die Verenigde Nasies, insluitend ’n ‘Stop die Moorde’-veldtog,[4] is plaasmoorde uiteindelik in Mei 2016 deur die Suid-Afrikaanse Polisiediens as prioriteitsmisdaad verklaar. Die organisasie loods ook veldtogte om die algemene misdaad- en korrupsieprobleme aan te spreek, veral munisipale beamptes wat hulself aan bedrog skuldig maak.[5]

Onderwys, taal en kultuur  [wysig | wysig bron]

Twee van AfriForum Jeug se kerndoelwitte is die bevordering van veeltaligheid en moedertaalonderrig in Suid-Afrika, asook dat die jeug van regstellende aksie vrygestel moet word.[6]

Die verandering van die naam van hoofstad van Suid-Afrika van Pretoria na Tshwane het die afgelope paar jaar groot kontroversie veroorsaak. Die Suid-Afrikaanse regering het aangedui dat daar hernude fokus op die verandering van geografiese name moet wees. Die ANC LUR vir Gauteng, Lebogang Maile, het verklaar dat die kwessie van benaming en herbenaming lank agterweë gebly het en as deel van nasiebou en sosiale transformasie bespoedig moet word.[7] Dit sluit gebiede in Suid-Afrika in wat ’n belangrike deel van die Afrikanererfenis uitmaak.[8] In 2011 het AfriForum in gesprek met die uitvoerende burgemeester van die Tshwane Metropolitaanse Munisipaliteit en verskeie politieke partye gevoer om 'n wen-wen-oplossing vir die naamveraderingskwessie te vind.[9]

Die Tshwane Metroraad het in Oktober 2013 hernude pogings aangewend om die hoofstad se naam te verander. AfriForum het die ondersteuning van 160 000 Pretoria-inwoners binne ’n paar dae met die hulp van ’n elektronies- en SMS-veldtog gemobiliseer. Die proses is egter steeds hangend.

Grond[wysig | wysig bron]

Die Suid-Afrikaanse Instituut vir Rasverhouding (SAIRV) het gemeld dat grond steeds ’n omstrede kwessie in Suid-Afrika is en dat die regerende ANC-party die witmens steeds blameer omdat hulle 80% van die totale landoppervlak besit.

Teen die einde van Maart 2011 was 31 miljoen hektaar (of 25% van die 122 miljoen hektaar Suid-Afrikaanse oppervlak) in die hande van die staat. Die oorblywende 91 miljoen hektaar (of 75% van die oppervlakarea) was in privaat besit. Die grootste gedeelte van grond wat deur wit mense besit word, is in die hande van kommersiële boere, Suid-Afrika se voedselprodusente. Dié syfer is egter vinnig besig om te verklein – daar is slegs ’n beraamde 30 000 tot 40 000 van dié boere oor, veel minder as die 60 000 van vyftien jaar gelede.[10]

Die President van Suid-Afrika, Jacob Zuma het gevra dat die grondbeleid hersien moet word, wat die inhoud van die Groenskrif op Grondhervorming weerspieël, maar AfriForum beweer dat die president se verklaring oor die hersien van die gewillige-koper-gewillige-verkoper-beginsel wat in Afdeling 25 van die Suid-Afrikaanse Grondwet genoem word as ’n wyse waarop die grondrestitusieproses versnel kan word, misplaas is.[11] AfriForum het in die verlede met die South African Progressive Civic Organisation (Sapco), ’n Khoisan-gemeenskap, in ’n protes oor die grondregte van dié inheemse groep saamgespan. Beide dié minderheidsgroepe voel dat hulle geen verteenwoordiging in die huidige regering het nie.[12]

In 2012 het AfriForum se regspan die wettige eienaars van grond in die swart gemeenskap van Wallmansthal noord van Pretoria in die Noord-Gautengse hooggeregshof verteenwoordig om hul grond van onwettige besetters terug te neem. Die hof in AfriForum se guns beslis. Duisende onwettige grondbesetters wat die grond tussen Desember 2011 en Februarie 2012 beset het, is van die grond verwyder.[13]

Minderheidsregte[wysig | wysig bron]

AfriForum is gereeld op soek na internasionale platforms om die internasionale gemeenskap oor die situasie van minderheidsregte in Suid-Afrika in te lig. AfriForum het die Verenigde Nasies se forums van die Raad vir Menseregteforums vir Minderheidskwessies in Genève, Switserland oor minderheidsregte in Suid-Afrika toegespreek. AfriForum was ook ’n afgevaardigde na die VN se Raad vir Menseregte oor die voorkoming van aanhitsing van haatspraak op grond van nasionaliteit, ras of geloof.[14]

AfriForum het ’n omvattende strategie aangeneem wat daarop gemik is om die skending van mense- en minderheidsregte in Suid-Afrika tot die aandag van die internasionale gemeenskap te bring.[15] AfriForum het by verskeie geleenthede die regerende ANC oor die minagting van minderheidsregte in die land gekritiseer.[16] Die City Press-joernalis Adriaan Basson het die organisasie egter van oordrewe reaksie met betrekking tot minderheidsregte in Suid-Afrika beskuldig. Basson het in ’n ope brief aan die AfriForum se uitvoerende hoof, Kallie Kriel, genoem dat uitgangspunt van AfriForum se veldtogte op slagofferskap gebaseer is.[17]

Gemeenskapsake[wysig | wysig bron]

Plaaslikeregeringsake[wysig | wysig bron]

Dié afdeling het munisipale diensleweringskwessies in meer as 120 stede en dorpe regoor Suid-Afrika aangespreek.

Om dié doel te bereik, poog AfriForum om vennootskappe met munisipaliteite aan te gaan.[18] Die organisasie voorsien skynbaar “wenslyste” aan munisipaliteite, wat dan deur die munisipaliteite in aksieplanne opgeneem word om dié kwessies aan te spreek.[19] Indien munisipaliteite versuim om dienslewering aan gemeenskappe te verbeter, nader die organisasie howe om dienslewering af te dwing.[20]

’n Voorbeeld van so ’n ingryping deur AfriForum is die dringende hofbevel wat aan die organisasie teen die Vhembe-distriksmunisipaliteit in die Hooggeregshof in Pretoria toegestaan is en die munisipaliteit verplig om water aan die inwoners van Makhado te voorsien.[21] In ’n soortgelyke geval in 2013 het die Noord-Gautengse Hooggeregshof in Pretoria ’n hofbevel aan AfriForum toegestaan wat die Madibeng-munisipaliteit verhoed het om elektrisiteitstoevoer na Hartbeespoort te sny.

In 2010 het ’n regspan vir AfriForum wat Zimbabwiese boere verteenwoordig het ’n hofsaak gewen om die Zimbabwe-regering weens sy “wreedaardige” en “wraaklustige” onteiening van plase wat aan Suid-Afrikaans boere behoort het. In 2008 het die streekhof van die tribunaal van die Suider-Afrikaanse Ontwikkelingsgemeenskap beslis dat Zimbabwe se grondhervorming onwettig en rassisties was en dat persone wat deur dié diskriminasie geraak is deurdat hulle grond onteien is, die reg het om gekompenseer te word.[22]

Gemeenskapveiligheid[wysig | wysig bron]

AfriForum se afdeling vir gemeenskapsveiligheid neem deel aan pogings om die veiligheid van burgers in gemeenskappe te bevorder. Daar word groot klem geplaas om gemeenskappe en buurte by te staan om veiligheidstrukture te stig. Strukture sluit in buurtwagte, plaaswagte, radionetwerke en gemeenskapsforums.[23]

In 2011 het AfriForum prof. Rudolph Zinn van UNISA opdrag gegee om navorsing oor suksesvolle gemeenskapsveiligheidstrukture in Suid-Afrika na te vors. Dié navorsing het gelei tot die saamstel van ’n gemeenskapsveiligheidshandboek wat in alle AfriForum-takke landwyd toegepas word.

Die afdeling fokus ook op die rol van die regering in veral wetstoepassingsagentskappe en tree as drukgroep op om te verseker dat burgers die beste veiligheid en sekuriteit moontlik geniet.[24]

Gemeenskapstrukture[wysig | wysig bron]

AfriForum het reeds meer as 120 takke regoor Suid-Afrika gestig en beplan om ’n tak in elkeen van die 283 munisipaliteite te stig. Die plaaslike takke help met opleiding en raad aan plaaslike gemeenskappe en neem regstappe teen munisipale beamptes weens wanadministrasie, waar nodig.

Omgewing[wysig | wysig bron]

AfriForum is ’n toegewyde ondersteuner van pogings om stropery te bekamp en is gemoeid met bewusmaking oor renosterstropery in Suid-Afrika.[25] Die organisasie is ook gekant teen hidrouliese breking (fracking) en die uitreiking van lisensies vir skaliegaseksplorering in die Karoo.[26]

Skiet-die-boer-sage en -haatspraak[wysig | wysig bron]

AfriForum Jeug het ’n siviele saak teen Julius Malema, voormalige president van die ANC Jeugliga, in die gelykheidshof aanhangig gemaak nadat Malema die woorde  “dubul’ ibhunu”, wat vertaal na “skiet die boer” op verskeie geleenthede by ANC Jeugliga-byeenkomste gesing het. Regter Colin Lamont het in die Suid-Gautengse hooggeregshof beslis dat die lied op haatspraak neerkom, die dignitas van die Afrikaner aantas en diskriminerend en skadelik is.[27] In 2012 het AfriForum en die ANC ’n ooreenkoms bereik voordat die saak in die Hoogste Hof van Appèl in Bloemfontein aangehoor is.[28] Die ANC Jeugliga het op verskeie geleenthede verklaar dat AfriForum die "verdediger van wit bevoorregting" is.[29]

AfriForum het ook klagtes van haatspraak teen individue gebring, onder andere Ronald Lamola, tóé die waarnemende president van die ANC Jeugliga, nadat Lamola opgemerk het dat die ANC Jeugliga nie langer die veiligheid van die Van der Merwes en Van Tonders (tradisionele wit Afrikaanse vanne) kan waarborg as wit Suid-Afrikaners nie uit vrye wil hul grond en minerale regte wil opgee nie.[30] In Februarie 2013 het AfriForum Jeug ’n klag van haatspraak gebring teen Jason Mfusi, leier van die Suid-Afrikaanse Studentekongres (SASCO) aan die Noordwes-Universiteit vir sy opmerking "My grandfather says ’n goeie boer is ’n dooie boer" wat hy op Facebook geplaas het. Die jeugorganisasie het ’n ooreenkoms met die SASCO-leier deur ’n mediasieproses bereik wat aangevra is deur die universiteit se menseregtekommissie. Mfusi het in ooreenstemming met die ooreenkoms sy skriftelike verskoning aan die boeregemeenskap gebied.[31]

Kritiek[wysig | wysig bron]

Die organisasie is veral gekritiseer deur die regerende ANC-party, mediahuise soos City Press, insluitend die koerantredakteur Ferial Haffajee,[32] en akademici soos professor Pierre de Vos van die Universiteit van Kaapstad.[33]  Oorleweringsgroepe soos die Kommandokorps het die organisasie ook al gekritiseer en beweer dat die groep te matig is in hul benadering tot die probleme wat Suid-Afrika in die gesig staar.[34]

’n Hoofstuk 9-instelling genaamd die Kommissie vir die Bevordering en Beskerming van die Regte van Kulturele, Religieuse en Linguistiese Gemeenskappe het ’n aanval in die media geloods op AfriForum se veldtog om skole met Afrikaans as onderrigmedium te beskerm.[35] AfriForum het aanvaar dat dié kommissie doelbewus teen sy mandaat opgetree het wat in Afdeling 185 van die Grondwet gegee word, wat die vermoede laat ontstaan het dat die kommissie as ’n verlenging van die regerende party optree.

Bronnelys[wysig | wysig bron]

  1. AfriForum Civil Rights Manifest. http://www.afriforum.co.za/english/about/civil-rights-manifest/
  2. http://www.afriforum.co.za/wp-content/uploads/2007/08/forum7.pdf
  3. Toughleader, Afrikaner Aspirations: An hour with AfirForum’s Kallie Kriel, 16 April 2008, http://www.thoughtleader.co.za/traps/2008/04/16/afrikaner-aspirations-%E2%80%93-an-hour-with-afriforums-kallie-kriel/ Op 20 Desember 2012 gebruik.
  4. Politicsweb, Make farm murders a priority crime, 5 Julie 2012, http://www.politicsweb.co.za/politicsweb/view/politicsweb/en/page71654?oid=310483&sn=Detail&pid=71654
  5. AfriForum, http://www.afriforum.co.za/english/2012-11-20-ethekwini-municipality-to-oppose-afriforums-application-to-obtain-corruption-reports/
  6. AfriForm Youth, http://www.afriforumyouth.co.za/?page_id=13
  7. SAPA, 14 February 2012, Workshop to speed-up the geographical renaming processes, http://www.sacr.gpg.gov.za/media/news/Pages/Workshoptospeed-upthegeographicalrenamingprocesses.aspx
  8. AfriForum, AfriForum intends boycott action against “Tshwane Show”, 20 November 2009.
  9. SABC News, AfriForum takes Pretoria street name-changes to court, 13 December 2012.
  10. Cronje, F. 27 February 2012. Land ownership patterns in South Africa as of January 2011. Politicsweb. http://www.politicsweb.co.za/politicsweb/view/politicsweb/en/page71639?oid=282525&sn=Detail&pid=71639
  11. Times Live, AfriForum slams Zuma land comments, 26 June 2012, http://www.timeslive.co.za/politics/2012/06/27/afriforum-slams-zuma-land-comments
  12. Daily Maverick, AfriForum joins Khoisan in land rights fight, 22 February 2012, http://dailymaverick.co.za/article/2012-02-22-afriforum-joins-khoisan-in-land-rights-fight
  13. The New Age, Eviction order for land invaders given go-ahead, 5 April 2012, http://www.thenewage.co.za/mobi/Detail.aspx?NewsID=47994&CatID=1009
  14. AfriForum, AfriForum heads to UN conference on prevention of hate speech, 4 April 2011, http://www.afriforum.co.za/english/2011-04-04-afriforum-na-vn-konferensie-oor-die-voorkoming-van-haatspraak/
  15. Link2media, AfriForum to UN in Geneve: Minority Rights, 13 Desember 2010, http://www.link2media.co.za/index.php?option=com_content&task=view&id=10679&Itemid=15
  16. CNN News, ANC criticised about the denial of minority rights at UN conference, 27 November 2012, http://cnn-news.info/2012-11-27-anc-criticised-about-the-denial-of-minority-rights-at-un-conference/
  17. News24, White first. African second, 26 September 2011, http://www.news24.com/Columnists/GuestColumn/White-first-African-second-20110926
  18. AfriForum. 11 April 2012 http://www.afriforum.co.za/english/2012-04-11-afriforum-gaan-n-vennootskap-aan-met-die-munisipale-bestuur-van-burgersdorp-in-die-oos-kaap/
  19. AfriForum, 4 Maart 2013 http://www.afriforum.co.za/english/2013-03-04-afriforum-trap-al-meer-en-dieper-voetspore-in-die-suid-kaap/
  20. Polity.co.za, 4 Februarie 2013, http://www.polity.org.za/article/afriforum-statement-by-afriforum-minority-civil-organisation-brings-application-to-retain-electricity-supply-to-klerksdorp-and-jouberton-22022013-2013-02-22
  21. Iol News, AfriForum wins fight over water, 2 Oktober 2012, http://www.iol.co.za/news/crime-courts/afriforum-wins-fights-for-water-1.1394477
  22. Iol News, 14 Januarie 2010, Afriforum wins first round in Zimbabwe case, http://www.iol.co.za/news/africa/afriforum-wins-first-round-in-zimbabwe-case-1.470355
  23. Polity.co.za. 5 November 2012, http://www.polity.org.za/article/afriforum-statement-by-reg-crewe-afriforum-head-of-community-safety-vryburg-launches-community-patrols-05112012-2012-11-05
  24. “Basic framework for an effective community safety network” Author: Professor Rudolph Zinn . UNISA 2011 http://www.afriforum.co.za/english/wp-content/uploads/2011/11/report-community-safety-networks.pdf
  25. Iol News, Fury as poaching charges dropped, 5 April 2012. http://www.iol.co.za/news/crime-courts/fury-as-poaching-charges-dropped-1.1270893
  26. The New Age, TKAG, AfriForum become anti-fracking force, 13 Desember 2012. http://thenewage.co.za/73896-1021-53-TKAG_Afriforum_become_antifracking_force
  27. Mail & Guardian, 'Shoot the boer': It's hate speech, says judge, 12 September 2011, http://mg.co.za/article/2011-09-12-shoot-the-boer-its-hate-speech-says-judge
  28. News24 , Shoot the Boer appeal canned, 31 Oktober 2012, http://www.news24.com/SouthAfrica/News/Shoot-the-Boer-appeal-canned-20121031-2
  29. Iol News, 6 Junie 2012, Afriforum ‘defender of white privilege’: ANCYL, http://www.iol.co.za/news/politics/afriforum-defender-of-white-priviledge-ancyl-1.1313072
  30. City Press, Hate speech charge laid against Lamola, 9 Julie2012, http://www.citypress.co.za/politics/hate-speech-charge-laid-against-lamola-20120709-2/
  31. Sowetan, NWU student in trouble over Facebook posting, 7 Maart 2013, http://www.sowetanlive.co.za/news/2013/02/07/nwu-student-in-trouble-over-facebook-posting
  32. City Press, Laager mentality is a load of bull, 10 Oktober 2010, http://www.citypress.co.za/Columnists/Laager-mentality-is-a-load-of-bull-20101002/
  33. Constitutionally Speaking, How not to engage in a battle of ideas, 13 Julie 2012, http://constitutionallyspeaking.co.za/how-not-to-engage-in-a-battle-of-ideas/
  34. News24, Kommandokorps denies racism, 27 February 2012, http://www.news24.com/SouthAfrica/News/Kommandokorps-denies-racism-20120227
  35. CRL Commission. 17 January 2012. http://www.info.gov.za/speech/DynamicAction?pageid=461&sid=24488&tid=53893

Eksterne skakels[wysig | wysig bron]