Agulhas Nasionale Park
Jump to navigation
Jump to search
| Agulhas Nasionale Park | |
|---|---|
 | |
| Land | Suid-Afrika |
| Provinsie | Wes-Kaap |
| Naaste dorp | L'Agulhas |
  Agulhas Nasionale Park |
|
| Koördinate: 34°50′0″S 20°0′0″O / 34.83333°S 20.00000°OKoördinate: 34°50′0″S 20°0′0″O / 34.83333°S 20.00000°O | |
| Oppervlak | 20 959 ha |
| Openingsjaar | 14 September 1998 |
| Bestuursliggaam | SANParke |
| Webblad | Agulhas Nasionale Park |
Die Agulhas Nasionale Park is op die mees suidelike punt in Afrika, by Kaap Agulhas, geleë. Twee kusdorpe, L'Agulhas en Struisbaai, is naby die park. Die park is een van die kleinste in Suid-Afrika[1] en beslaan slegs die gedeeltes rondom Kaap Agulhas. Desnieteenstaande bied die park huisvesting aan 2000 inheemse plantspesies, asook 'n vleiland wat beide voëls en amfibieë beskerm.[2]
Die volgende besienswaardighede word in die park aangetref:
- Die mees suidelikste punt in Afrika: 34° 49’ 58" suid en 20° 00’ 12’’ oos. Dit is by hierdie punt waar die Indiese en Atlantiese Oseane amptelik bymekaarkom.
- Die vuurtoring by Kaap Agulhas: dit is gebou om die eertydse ontdekkingsreisigers en handelskepe om die onstuimige see by Agulhas te laat verbyvaar. Die vuurtoring is die tweede oudste werkende vuurtoring in Suid-Afrika. 'n Unieke vuurtoring museum word binne aangetref.
- Skeepswrakke: verskeie skepe, ondermeer De Zoetendal, HMS Birkenhead en HMS Arniston het by of naby Kaap Agulhas op die rotse geloop. Dele van hierdie wrakke is by Bredasdorp se Skeepswrakmuseum te sien.
- Fynbos: honderde soorte inheemse fynbos word hier aangetref.
- Walvisbesigtiging in seisoen – November tot Januariemaand.
- Diere ter besigtiging sluit in: Suidelike noorkapper, Swarttobie, Damarasterretjie en die Kaapse platanna.
- 'n Ryk visbank, genaamd die Agulhasbank.
Fotogalery[wysig | wysig bron]
Blommeprag
'n Suidelike noorkapper
Swarttobie
Damarasterretjie
.jpg)
Verwysings[wysig | wysig bron]
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Agulhas National Park: Park Management Plan 2009–2013" (PDF). Suid-Afrikaanse Nasionale Parke. 24 Februarie 2009. p. 9. Besoek op 13 Februarie 2010.
Eksterne skakels[wysig | wysig bron]
- Agulhas Nasionale Park op Sanparke se webtuiste.
