Struisbaai

in Wikipedia, die vrye ensiklopedie
Struisbaai
Vissershuis Hotagterklip in Struisbaai
Vissershuis Hotagterklip in Struisbaai
Struisbaai is in Wes-Kaap
Struisbaai
Struisbaai
 Struisbaai se ligging in Wes-Kaap
Koördinate: 34°48′0″S 20°03′0″O / 34.80000°S 20.05000°O / -34.80000; 20.05000Koördinate: 34°48′0″S 20°03′0″O / 34.80000°S 20.05000°O / -34.80000; 20.05000
LandVlag van Suid-Afrika Suid-Afrika
ProvinsieWes-Kaap
DistrikOverberg
MunisipaliteitKaap Agulhas
Oppervlak
 • Totaal14,34 km2 (5,54 vk. myl)
Bevolking
 (2011)[1]
 • Totaal3 877
 • Digtheid270/km2 (700/vk. myl)
Rasverdeling (2011)
 • Wit mense35.5%
 • Indiërs/Asiërs0.4%
 • Bruin mense50.3%
 • Swart mense12.6%
 • Ander1.2%
Taal (2011)
 • Afrikaans 85.2%
 • Engels 9.0%
 • Xhosa 2.6%
 • Ander 3.2%
Poskode (strate)
7285
Poskode (posbusse)
7285
Skakelkode028
Webwerfhttp://www.struisbaai.com/

Struisbaai is 'n vakansiedorpie aan die Indiese Oseaan in die Wes-Kaap, Suid-Afrika. Dis net noordoos van L'Agulhas geleë. Die dorpie se naam is 'n afkorting van Vogelstruisbaai. Die strand by Struisbaai is 14 km lank en gewild onder die swemmers, hengelaars, branderplankryers en seilplankryers.

Wapen[wysig | wysig bron]

Struisbaai se plaaslike raad het in 1992 'n wapen by die Buro vir Heraldiek geregistreer: Slangsnitsgewys gedeel, in die skildhoof na links en in die skildvoet na regs, silwer en blou, regs 'n regopgeplaaste swart volstruisveer met 'n rooi skag. Die helmteken was 'n seilskip op 'n blou muurkroon, en die wapenspreuk "In concilio concilium".[2]

Skeepsrampe[wysig | wysig bron]

Op 23 Augustus 1673 het die Zoetendaal by Struisbaai gestrand. Die Nederlandse Oos-Indiëvaarder Schoonenberg het op pad van Batavia na Nederland in die vroeë oggendure van 20 November 1722 hier op die rotse geloop.

Gewese ekonomiese belang van die Struisbaaihawe[wysig | wysig bron]

Andries Dreyer skryf in sy boek Eeufees-Gedenkboek van Bredasdorp in 1938[3]:

Treffend is dat Bredasdorp se enigste hawe, wat sy agterland ekonomies bedien het, reeds meer dan 'n halwe eeu gelede van die toneel verdwyn het, met die bankrotskap van die firma Barry en Nephews in 1882. Teen die jaar 1875 het Struisbaaihawe 'n aansienlike handel behartig. Wol, velle, sout en gedroogde aalweesap was die vernaamste uitvoerprodukte, terwyl kruideniersware, ens., ingevoer is. Volgens moderne maatstaf wat dit maar 'n uiters primitiewe landingsplek wat klein bootjies van sowat 400 ton toegelaat het, nogtans het die hawe uitstekend voorsien in die handelsbehoeftes van daardie dae. Dit het ook gedeeltelik die lang, stadige landweg na die Boland, oor die gevaarlike Sir Lowry-pas, uitgeskakel.

Ten opsigte van die verkeerstelsel, het die distrik na die verdwyning van Struisbaaihawe in 1882 en voor die koms van die spoorweg tot op Bredasdorp in 1924, moeilike jare ondervind, wat gaandeweg verbeter het namate die taklyn van Eersterivier na Bredasdorp nader gekruip het. Opmerklik is dit verder dat die eintlike opbloei van die koringkultuur dateer vanaf 1912, toe die spoorlyn aangelê is tot by Klipdale in die noordelike Rûensveld van die distrik.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Struisbaai". Sensus 2011.
  2. National Archives of South Africa : Data of the Bureau of Heraldry.
  3. Dreyer, A. 1938. Eeufees-Gedenkboek van Bredasdorp. Kaapstad: Nasionale Pers Beperk, bl. 94

Bronne[wysig | wysig bron]

Eksterne skakels[wysig | wysig bron]