Amerikaanse Mafia

Die Amerikaanse Mafia, algemeen bekend as die Mafia, Italiaans-Amerikaanse Mafia of The Mob (Engels) in die Verenigde State van Amerika, is 'n konfederasie van Italiaanse en Amerikaanse kriminele organisasies. Soortgelyk aan die Sisiliaanse Mafia, is die Italiaans-Amerikaanse Mafia 'n geheime kriminele organisasie sonder 'n formele naam. Sy lede verwys gewoonlik na dit as Cosa Nostra (Italiaanse uitspraak: [kɔza nɔstra]), 'n term wat letterlik vertaal kan word na "ons ding," maar kan meer akkuraat omskryf word as "ons werk" of "ons operasie".

Die Amerikaners gebruik die naam "Nasionale Misdaadsindikaat" (National Crime Syndicate) om te verwys na die hele netwerk van georganiseerde misdaad in Amerika, wat die Joodse mafia-elemente en die Italiaans-Amerikaanse mafia ingesluit. 'n Spesiale Amerikaanse Senaatkomitee in die 1950's, onder voorsitterskap van Estes Kefauver, het dit beskryf as 'n konfederasie van hoofsaaklik Italiaanse en Joodse-Amerikaanse georganiseerde misdaadgroepe in die VSA.

Wetstoepassers beskou steeds die Mafia as die grootste georganiseerde misdaadgroep in die Verenigde State. Die groep beheer die meeste van die georganiseerde misdaadaktiwiteite in die Verenigde State van Amerika en sekere dele van Kanada. Vandag is die meeste van die aktiwiteite van die Mafia gekonsentreer in die noordoostelike Verenigde State en Chicago, waar hulle aanhou om georganiseerde misdaad te domineer ten spyte van die toenemende getalle straatbendes en ander organisasies wat nie van Italiaanse oorsprong is nie.^[1]

Ontstaan

Die Mafia in Amerika het na vore gekom uit die Italiaanse immigrantwoonbuurte van Oos-Harlem, Lower East Side en Brooklyn in New York. Dit het ook na vore gekom in ander dele van die ooskus van die Verenigde State van Amerika en verskeie ander groot metropolitaanse gebiede (soos New Orleans^[2]) gedurende die laat 19de eeu en vroeë 20ste eeu, na golwe van die Italiaanse immigrasie, veral uit Sisilië en ander streke van Suid-Italië. Die organisasie het sy wortels in die Sisiliaanse Mafia, maar is 'n aparte organisasie in die Verenigde State. Napolitaanse, Calabrese en ander Italiaanse kriminele groepe in Amerika, sowel as onafhanklike Italiaans-Amerikaanse misdadigers, het saamgesmelt met die Sisiliaanse Mafiosi om die moderne pan-Italiaanse Mafia in Noord-Amerika te stig.

Verspeiding

Die Mafia was teen 2001 die aktiefste in New York, New Jersey, Philadelphia, Nieu-Engeland, Detroit en Chicago, met kleiner families, geassosieerdes en spanne in plekke soos Florida, Las Vegas, Los Angeles en Cleveland.^[3] Daar was minstens 26 stede oor die hele Verenigde State met Cosa Nostra-families, met baie meer uitlopers, splintergroepe en medewerkers in ander stede. Op sy hoogtepunt het die Mafia georganiseerde misdaad in die VSA oorheers. Alhoewel elke familie misdaad onafhanklik bedryf, word landwye koördinasie verskaf deur die "Kommissie", wat bestaan uit die base van elk van die sterkste families.

Die Vyf Mafiafamilies in New York

Daar is vyf hoof-Mafiafamilies in New York City wat bekend is as die Vyf Families (Five Families):

Gambino-familie
Lucchese-familie
Genovese-familie
Bonanno-familie
Colombo-familie

Mafiafamilies in ander gebiede van die VSA

Dié FBI-kaart toon die verspreiding van Amerikaanse mafia-base in die VSA in 1963

Buffalo, New York – Magaddino-familie
Chicago, Illinois – Chicago Outfit
Cleveland, Ohio – Cleveland-familie
Dallas, Texas – Dallas-familie
Denver, Colorado – Denver-familie
Detroit, Michigan – Detroit-venootskap
Kansas City, Missouri – Kansas City-familie
Los Angeles, Kalifornië – Los Angeles-familie
Milwaukee, Wisconsin – Milwaukee-familie
Nieu-Engeland – Patriarca-familie
New Jersey – DeCavalcante-familie
New Orleans, Louisiana – New Orleans-familie
Noordoos-Pennsilvanië – Bufalino-familie
Philadelphia, Pennsilvanië – Philadelphia-familie
Pittsburgh, Pennsilvanië – Pittsburgh-familie
Rochester, New York – Rochester-familie
San Francisco, Kalifornië – San Francisco-familie
San Jose, Kalifornië – San Jose-familie
St. Louis, Missouri – St. Louis-familie
Tampa, Florida – Trafficante-familie

Bekende Mafialede/oud-Mafialede

Albert Anastasia (Mad Hatter)
Al Capone (Scarface)
"Don" Carlo Gambino
Carmine "the Snake" Persico
Charles "Lucky" Luciano
Giuseppe Masseria (Joe the Boss)
John Gotti (Dapper Don)
Joseph Bonanno (Joe Bananas)
Meyer Lansky
"Big" Paul Castellan
Salvatore Lucania (Charles "Lucky" Luciano)
"Don" Vito Genovese
Vittorio "Little Vic" Amuso

Verwysings

↑ Barret, Devlin; Gardiner, Sean (21 Januarie 2011). "Structure Keeps Mafia Atop Crime Heap". The Wall Street Journal (in Engels). Geargiveer vanaf die oorspronklike op 14 Augustus 2013. Besoek op 8 Junie 2015.
↑ Mike Dash (2009). First Family.
↑ "Italian Organized Crime". Organized Crime (in Engels). Federal Bureau of Investigation. Geargiveer vanaf die oorspronklike op 22 April 2016. Besoek op 8 Junie 2015.

[Structure-1] Barret, Devlin; Gardiner, Sean (21 Januarie 2011). "Structure Keeps Mafia Atop Crime Heap". The Wall Street Journal (in Engels). Geargiveer vanaf die oorspronklike op 14 Augustus 2013. Besoek op 8 Junie 2015.

[2] Mike Dash (2009). First Family.

[FBI-3] "Italian Organized Crime". Organized Crime (in Engels). Federal Bureau of Investigation. Geargiveer vanaf die oorspronklike op 22 April 2016. Besoek op 8 Junie 2015.

[1]

[2]

[3]