Arabiese diaspora

in Wikipedia, die vrye ensiklopedie
Jump to navigation Jump to search
Rocío Chalup, koningin van die Arabiese gemeenskap in Argentinië in 2005, tydens ’n immigrantefees in Oberá, Misiones.

Die term Arabiese diaspora verwys na afstammelinge van Arabiere wat, gewillig of as vlugtelinge, uit hul geboorteland na nie-Arabiese lande geëmigreer het, veral in Noord- en Suid-Amerika, Europa en dele van Suid- en Suidoos-Asië, die Karibiese See-gebied en Wes-Afrika.

Oorsig[wysig | wysig bron]

Arabiese uitgewekenes dra by tot die kapitaal in die Arabiese wêreld en help dus streekontwikkeling aan. In 2009 is $35,1 miljard uit Amerika na Arabiese lande gestuur, en geld wat van ander Arabiese lande na Jordanië, Egipte en Libanon gestuur is, was 40 tot 190% hoër as handelsinkomste tussen hierdie en ander Arabiese lande.[1]

Groot getalle Arabiere het na Wes-Afrika migreer, veral die Ivoorkus,[2] Senegal,[3] Sierra Leone, Liberië en Nigerië.[4]

Volgens die tydskrif Aramco World is die grootste konsentrasie Arabiere buite die Arabiese wêreld in Brasilië, wat 9 miljoen burgers van Arabiese oorsprong het.[5] Van dié 9 miljoen is 6 miljoen van Libanese afkoms.[6][7][8] Ander Brasiliane van Arabiese oorsprong is uit Sirië, Palestina, Jordanië, Egipte en Saoedi-Arabië.

Groot Arabiese gemeenskappe kom ook voor in Argentinië, Venezuela,[9] Colombia, Mexiko en Chili. Palestyne word veral aangetref in Chili en Sentraal-Amerika, hoofsaaklik in El Salvador en die Honduras.[10] Die Palestyne gemeenskap in Chili[11][12] is die vierde grootste in die wêreld (naas dié in Israel, Libanon en Jordanië). In die VSA is daar sowat 3,5 miljoen mense van Arabiese oorsprong.[13]

Daar is boonop na raming 4 miljoen Indonesiërs wat minstens gedeeltelik van Arabiese herkoms is.[14]

Verwysings[wysig | wysig bron]

  1. "Intra-Regional Labour Mobility in the Arab World" (PDF). Internasionale Organisasie vir Migrasie Kaïro. Geargiveer vanaf die oorspronklike (PDF) op 30 April 2011.
  2. "Ivory Coast - The Levantine Community". Countrystudies.us. Besoek op 17 September 2011.
  3. Lebanese Immigrants Boost West African Commerce, deur Naomi Schwarz, voanews.com, 10 Julie 2007
  4. Lebanese man shot dead in Nigeria, BBC News
  5. "The Arabs of Brazil". Aramco World. Besoek op 17 September 2011.
  6. "Sleiman meets Brazilian counterpart, Lebanese community". The Daily Star. 23 April 2010.
  7. "O Líbano: Geografia" [Lebanon: Geography] (in Portugees). Libanese ambassade in Brasilië. 1996. Geargiveer vanaf die oorspronklike op 12 November 2010.
  8. "Estadão de Hoje". Estadao.com.br. Geargiveer vanaf die oorspronklike op 1 Januarie 2013. Besoek op 17 September 2011.
  9. Habeeb Salloum, "Arabs Making Their Mark in Latin America: Generations of Immigrants in Colombia, Venezuela and Mexico", Al Jadid, Vol. 6, no. 30 (Winter 2000).
  10. "The Arabs of Honduras". Saudiaramcoworld.com. 27 Junie 1936. Besoek op 17 September 2011.
  11. "Chile: Palestinian refugees arrive to warm welcome". Adnkronos.com. 7 April 2003. Geargiveer vanaf die oorspronklike op 19 September 2011. Besoek op 17 September 2011.
  12. "500,000 descendientes de primera y segunda generación de palestinos en Chile". Laventana.casa.cult.cu. Geargiveer vanaf die oorspronklike op 22 Julie 2009. Besoek op 17 September 2011.
  13. "The Arab American Institute". Aaiusa.org. Geargiveer vanaf die oorspronklike op 3 April 2010. Besoek op 17 September 2011.
  14. The world's successful diasporas, World Business

Eksterne skakels[wysig | wysig bron]