Arundhati Roy

in Wikipedia, die vrye ensiklopedie
Spring na: navigasie, soek
Arundhati Roy
Arundhati Roy in 2013
Arundhati Roy in 2013

Geboortenaam Suzanna Arundhati Roy
Gebore 24 November 1961 (1961-11-24) (55 jaar oud)
Shillong, Assam, Indië
Nasionaliteit Vlag van Indië Indië
Ouers Rajib Roy en Mary Roy
Beroep Skrywer, essayis, aktivis
Bekend vir The God of Small Things
Eerbewyse Man Booker-prys (1997)
Sydney Vredeprys (2004)
ArundhatiRoy Autograph.jpg

Suzanna Arundhati Roy (gebore 24 November 1961)[1] is 'n Engelstalige Indiese skrywer. Sy is veral bekend vir haar 1997-roman The God of Small Things. Sy is ook 'n politieke aktivis wat met die sake van menseregte en omgewingsgeregtigheid verbind is.[2]

Lewensloop[wysig | wysig bron]

Arundhati Roy is in Shillong, Meghalaya, Indië gebore.[3] Sy is die dogter van 'n Christelike moeder van Maleise en Siriese afkoms, Mary Roy, en 'n Hindoe-vader van Bengaalse afkoms, Rajib Roy - wie die eienaar van 'n teeplantasie was.[4] Nadat haar ouers geskei het, is Roy hoofsaaklik in Kerala getoë. Toe sy sestien was, het sy na Delhi verhuis. Daar het sy met haar studies aan die Delhi School of Architecture begin; sy het ook haar eerste man daar ontmoet. In 1984 het sy haar tweede man, Pradip Krishen - 'n filmvervaardiger - ontmoet. Daarom het sy begin om in die filmwêreld belang te stel. Roy het eers kleiner rolle vertolk and dan begin sy om draaiboeke te skryf (In Which Annie Gives it Those Ones, Electric Moon en die televisiereeks Banyan Tree).

Aktivisme[wysig | wysig bron]

Nadat haar boek The God of Small Things 'n sukses geword het, het sy realiseer dat sy die potensiaal gehad het om mense se gedagtes en standpunte te beïnvloed. Daarom het sy nie-fiksie boeke begin skryf. Daarbenewens het haar nie-fiksie boeke verskeie temas behandel: anti-globalisering, 'n veldtog teen die Indiese Narmada-Dam-projek, 'n veldtog teen die kapping van die tropiese reënwoud, kritiek op die rol van die Verenigde State in Afghanistan, kritiek op die rol van die Indiese regering en weermag in die Kasjmir-gebied, kritiek op die "staatsterrorisme" van Israel, kritiek op die kernprogram van Indië, kritiek op die Narendra Modi-administrasie, beweer dat armoede in verskeie dele van Indië die Moembaai-aanvalle van November 2008 veroorsaak het, beskuld die Indiese goewerment vir die volksmoord van Tamils in Sri Lanka, ensovoorts.

In 2002 is Arundhati Roy in Nieu-Delhi met betrekking tot die Narmada-dam-kwessie deur die hof vir die minagting van die gereg skuldig bevind. As gevolg van die matigheid van haar aktivisme het sy in 2004 die Sydney Peace Prize ontvang.

Werke[wysig | wysig bron]

Fiksie
Nie-fiksie
Artikels en opstelle

Verwysings[wysig | wysig bron]

  1. "Arundhati Roy". Encyclopædia Britannica. Verkry op 12 Mei 2013. 
  2. Dhanusha Gokulan (11 November 2012). "'Fairy princess' to 'instinctive critic'". Khaleej Times. Verkry op 2 November 2014. 
  3. "Arundhati Roy, 1959–". The South Asian Literary Recordings Project. Library of Congress, New Delhi Office. 15 November 2002. Geargiveer vanaf die oorspronklike op 4 April 2009. Verkry op 6 April 2009. 
  4. Siddhartha Deb (5 Maart 2014). "Arundhati Roy, the Not-So-Reluctant Renegade". New York Times. Verkry op 5 Maart 2014. 
  5. (24 Oktober 2015) “The dark underbelly of state capitalism in India”. The Lancet 386 (10004): 1620. doi:10.1016/S0140-6736(15)00543-7. Besoek op 24 Oktober 2015.

Eksterne skakels[wysig | wysig bron]