Bontebok

in Wikipedia, die vrye ensiklopedie
Spring na: navigasie, soek
Bontebok
'n Bontebok in die Nasionale Etoshawildtuin, Namibië.
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Artiodactyla
Familie: Bovidae
Subfamilie: Alcelaphinae
Genus: Damaliscus
Spesie: D. pygargus
Binomiale naam
Damaliscus pygargus
(Pallas, 1767)
Subspesies
  • Damaliscus pygargus pygarus
  • Damaliscus pygargus phillipsi

Die bontebok (Damaliscus pygargus dorcas) is 'n wildsbok wat in die suidweste van Suid-Afrika voorkom.

Kop van 'n bontebok.

Bou en kleur[wysig | wysig bron]

Die boksoort is kleurryk; die bruin dele gaan op sommige plekke oor in donkerbruin tot swart met 'n pers skynsel. Die pens, die binnekant van die boude, 'n kol rondom die kruis en die onderste helfte van die bene is wit. Die bles bokant die oë en die bles onder die oë is gewoonlik aaneen. Albei geslagte het horings. Hulle verskil van die blesbok deurdat die wit dele aan die lyf, veral die kol op die kruis, groter is.

Geslagsverskille[wysig | wysig bron]

Die ramme weeg tot 64 kg en die horinglengte is gemiddeld 38 cm, met 'n rekord van 42,55 cm. Die ooie weeg tot 59 kg. Hulle het dunner horings en hulle dratyd is sowat 8 maande, met een lammetjie wat tussen September en November gebore word.

Ander feite[wysig | wysig bron]

Die boksoort hou van oop grasvlaktes en is kuddediere wat ooi- en ramtroppe vorm. Sommige ramme loop alleen. Sy natuurlike vyand is die luiperd. Die boksoort was 'n bedreigde spesie, maar sy voortbestaan is nou verseker danksy die Nasionale Bontebokpark by Swellendam.

Sien ook[wysig | wysig bron]

Commons
Wikimedia Commons het meer media verwant aan:
Wikispecies
Wikispecies het meer inligting oor: Damaliscus pygargus

Bron[wysig | wysig bron]

Verwysings[wysig | wysig bron]

  1. Lloyd, P. & David, J. (2008). Damaliscus pygargus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 5 April 2009.