Carl Sagan

in Wikipedia, die vrye ensiklopedie
Spring na: navigasie, soek
Carl Sagan
Carl Sagan Planetary Society.JPG
Carl Sagan in 1980.

Naam Carl Edward Sagan
Gebore 9 November 1934
Brooklyn, New York, VSA
Oorlede 20 Desember 1996 (op 62)
Seattle, Washington, VSA
Blyplek Verenigde State
Nasionaliteit Vlag van Verenigde State van Amerika Verenigde State
Vakgebied Sterrekunde, astrofisika, kosmologie, Astrobiologie, ruimtewetenskap, planetêre wetenskap
Instelling(s) Cornell-universiteit
Harvard-universiteit
Smithsonian Astrophysical Observatory
Universiteit van Kalifornië, Berkeley
Alma mater Universiteit van Chicago (B.A.), (BSc), (MSc), (PhD)
Doktorale promotor(s) Gerard Kuiper
Bekend vir SETI
Cosmos: A Personal Voyage
Cosmos
Voyager Goue Skyf
Pioneer-plaat
Contact
Pale Blue Dot
Toekennings Nasa-medalje vir Besondere Openbare Diens (1977)
Pulitzer-prys vir Algemene Niefiksie (1978)
Oersted-medalje (1990)
Carl Sagan-prys vir Openbare begrip van Wetenskap (1993)
Nasionale Akademie van Wetenskappe se Medalje vir Openbare Welsyn (1994)
Carl Sagan Signature.svg

Carl Edward Sagan (9 November 193420 Desember 1996) was ’n Amerikaanse sterrekundige, astrofisikus, kosmoloog en skrywer in sterrekunde en ander natuurwetenskappe. Hy het ’n groot bydrae gelewer tot die ontdekking van die planeet Venus se hoë oppervlaktemperature. Hy is egter die bekendste vir sy bydraes tot die wetenskaplike navorsing van buiteaardse lewe, insluitende die eksperimentele demonstrasie van die vervaardiging van aminosure van basiese chemikalieë deur bestraling. Sagan het die eerste fisieke boodskappe saamgestel wat die ruimte ingestuur is: die Pioneer-plaat en die Voyager Goue Skyf – universele boodskappe wat moontlik deur buiteaardse intelligente wesens verstaan kan word as hulle dit vind.

Hy het meer as 60 wetenskapgeskrifte[1] en artikels gepubliseer en was die skrywer, medeskrywer of redakteur van meer as 20 boeke.

Sagan is ook bekend vir baie van sy populêrewetenskapboeke soos The Dragons of Eden, Broca's Brain en Pale Blue Dot, en vir die bekroonde 1980-TV-reeks Cosmos: A Personal Voyage waarvan hy die verteller en medeskrywer was. Cosmos was die reeks met die meeste kykers in die geskiedenis van Amerikaanse openbare TV; minstens 500 miljoen mense in 60 lande het daarna gekyk.[2]

Sagan was vir die grootste deel van sy loopbaan ’n professor in sterrekunde aan die Cornell-universiteit. Hy het verskeie pryse en medaljes ontvang. Hy is op 20 Desember 1996 op 62 jaar oorlede aan longontsteking.

Anonieme voorspraak vir dagga[wysig | wysig bron]

Sagan was 'n daggafariër en advokaat van dagga. Onder die skuilnaam "Mr. X" het hy 'n opstel[3] geskryf oor die rook van dagga wat in die boek "Marihuana Reconsidered" in 1971 gepubliseer is. Die opstel verduidelik onder andere dat die gebruik van dagga somige van sy werke geinspereer het, sowel as sy visuele en intelektuele ondervinding van die wêreld opgekiker het. Na Sagan se dood, in 1996, het sy vriend, Lester Grinspoon die informasie aan Sagan se lewensbeskrywer, Keay Davidson bekend gemaak. Die bekendmaking van Sagan se status as daggafariër het die aandag van media uitgelok met die publiseering van sy biografie, getiteld "Carl Sagan: A Life" in 1999. Nie lank na Sagan se dood nie het sy weduwee, Ann Druyan as direkteur aangesluit by die nasionale organisasie vir die hervorming van dagga wette, wat kortliks as NORML bekendstaan.[4]

"Die verbod van dagga is belaglik teen die koste van 'n dwelm wat insig, vrede en vereenigheid bevorder in 'n wereld, wat daagliks meer gevaar in hou, wat 'n beter insig, meer vrede en 'n sterker vereenigheid desperaat nodig het." - Carl Sagan

Verwysings[wysig | wysig bron]

  1. Sommige van Carl Sagan se geskrifte beskikbaar by SAO/Nasa se Astrophysics Data System
  2. StarChild: Dr. Carl Sagan”. StarChild. Nasa. URL besoek op 8 Oktober 2009.
  3. Mr. X deur Carl Sagan
  4. en:Carl Sagan

Eksterne skakels[wysig | wysig bron]