Ethelred II van Engeland

in Wikipedia, die vrye ensiklopedie
Spring na: navigasie, soek
Ethelred II
Koning van Engeland
EthelUn.jpg
Huis Wessex
Regeer 18 Maart 97823 April 1016
Voorganger Eduard die Martelaar
Sven Vurkbaard
Opvolger Sven Vurkbaard
Edmund Ironside
Eggenote Elfgifa
Emma
Kinders Edmund Ironside e.a.
Gebore c. 968
Oorlede 23 April 1016
Vader Edgar die Vreedsame
Moeder Elfrida

Ethelred II (c. 968 - 23 April 1016) was die seun van Edgar die Vreedsame en sy vrou, Elfrida. Hy was van 978 tot 1013 en van 1014 tot 1016 koning van Engeland.

Ethelred het op tienjarige ouderdom koning geword ná die moord op sy halfbroer, Eduard die Martelaar. In Engels is sy bynaam the Unready – dit kom in dié geval van die Angel-Saksiese woord unræd, wat "sonder raad" beteken.

Ná enkele dekades van rus het die Dene aan die begin van Ethelred se bewind weer begin met strooptogte aan die Engelse kus, en later met aanvalle deur leëreenhede. Die koning het probeer om die Vikings af te koop. Hy het nie juis ’n keuse gehad nie, want hy kon nie sy generaals vertrou nie. Die afkoopgeld het egter die Dene jaar ná jaar teruggelok.

Eindelik het Ethelred op 13 November 1002 besluit om alle Dene in Engeland uit te moor. In reaksie hierop het koning Sven Vurkbaard van Denemarke begin met sy pogings om Engeland te verower. Dit het toe ook in 1013 gebeur en Ethelred het in bannelingskap gegaan. In 1014 het die Engelse Sven se opvolger, Knoet die Grote, uitgedryf en Ethelred se mag herstel.

Ethelred het minstens sestien kinders uit twee huwelike gehad. Sy tweede vrou was Emma van Normandië. Haar kleinneef Willem I die Veroweraar het sy verwantskap aan haar later gebruik as basis vir sy aanspraak op die troon van Engeland.

In April 1016 is Ethelred in Londen dood, waar hy ook begrawe is. Hy is opgevolg deur sy seun Edmund Ironside.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]


Monarge van Engeland
Huis van Wessex: EgbertEthelwulfEthelbaldEthelbertEthelredAlfred die GroteEduard die OuereEthelweardAthelstanEdmund IEdredEdwy die RegverdigeEdgar die VreedsameSint Eduard die MartelaarEthelred IIDenemarke: Sven VurkbaardKnoet die GroteHuis van Wessex (herstel): Ethelred IIEdmund IronsideDenemarke (herstel): Knoet die GroteHarold HaasvoetHartaknoetHuis van Wessex (herstel): Sint Eduard die BelyerHarold GodwinsonEdgar AdelingHuis van Normandië: Willem I die VeroweraarWillem II RufusHendrik IStefanusMatildaHuis van Plantagenêt: Huis van Anjou (Angevyne)Hendrik IIHendrik die Jong KoningRichard IJan Sonder LandHendrik IIIEduard IEduard IIEduard IIIRichard IIHuis van LancasterHendrik IVHendrik VHendrik VIHuis van YorkEduard IVHuis van Lancaster (herstel)Hendrik VIHuis van York (herstel)Eduard IVEduard VRichard IIIHuis van Tudor: Hendrik VIIHendrik VIIIEduard VIJaneMaria IElizabeth IHuis van Stuart: Jakobus IKarel I • (Gemenebes van Engeland) • Huis van Stuart (herstel): Karel IIJakobus IIWillem III van OranjeMaria IIAnna