13 November

13 November is die 317de dag van die jaar in die Gregoriaanse kalender (318de in skrikkeljare). Daar volg nog 48 dae in die res van die jaar.

Gebeure

Trafalgarplein

• 1475 – Veldslag van Héricourt. Die Switserse Bondgenootskap oorwin die lëer van hertog Karel van Boergondië. Vredesverdrag tussen Hertog Sigmund van Oostenryk, Hertog Karel van Boergondië en Koning Lodewyk XI van Frankryk.
• 1550 – Pous Julius III publiseer 'n bul wat die hervatting van die konsilie van Trente aankondig.
• 1564 – Pous Pius IV publiseer die geloofsbelydenis van Trente in sy bul Iniunctum nobis.
• 1690 – Pous Alexander VIII stel Francesco Barberini en Lorenzo Altieri aan as kardinaal.
• 1742 – Pous Benedictus XIV publiseer Certiores effecti waarin gestel word dat die gemeente moet deelneem aan die eugaristie.
• 1775 – Pous Pius VI stel Juan Tomás de Boxadors y Sureda de San Martín, O.P., generaal van sy orde, aan as kardinaal.
• 1847 – Sonderbund-oorlog: Die stad en Kanton Freiburg word deur die troepe van die Switserse Bondgenootskap ingeneem.
• 1887 – Bloody Sunday konflik in Trafalgarplein.
• 1798 – Pous Pius VI publiseer Cum nos superiori oor die verkiesing van 'n pous.
• 1964 – De Villiers Lamprecht word die eerste Suid-Afrikaner wat 'n droommyl hardloop.
• 1970 – 'n Tropiese sikloon van oor die 160 km/h tref die digbevolkte Ganges Delta-gebied van Bangladesh, met na raming 500 000 sterftes tot gevolg. Dit word beskou as die ergste sikloonramp in die 20ste eeu.
• 1985 – Die vulkaan Nevado del Ruiz bars uit en veroorsaak 'n lahar (vulkansiese moddervloed) wat Armero, Colombia begrawe en ongeveer 23 000 mense dood.
• 1990 – Sover bekend word die eerste webbladsy geskryf.
• 2015 – IS ondersteuners maak 132 mense in aanvalle dood en beseer 'n verdere 415 in Parys, Frankryk.

Geboortes

• 1312 – Edward III, koning van Engeland († 1377)
• 1866 – Frederick Hugh Page Cresswell, leier van die Suid-Afrikaanse Arbeidersparty († 1948)
• 1934 – Garry Marshall, Amerikaanse akteur.

Sterftes

• 867 – Pous Nicolaas I, die 105de pous van die Rooms-Katolieke Kerk (* ±820).
• 1868 – Gioachino Rossini, Italiaanse komponis (* 1792).
• 2014 – Charles Fryer, 'n Suid-Afrikaanse digter en uitgewer (* 1946).