Gebruikerbespreking:BurgertB/Argief2017

Page contents not supported in other languages.
in Wikipedia, die vrye ensiklopedie
Argief Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.


Periodieke tabel

Dagsê Winston,

Ek weet nie hoekom nie, maar die periodieke tabel kry die laaste tyd meer besoek. Skole moontlik? Daar is egter nog taamlik rooi skakels en goeters wat nie uitgewerk is nie. Indien ons meer bladtrekke wil, is dit dalk nuttiger as ek wat meer op my eie vak rig, pleks van plantjies. Kan jy my dalk 'n bietjie help? Ek ken die Afrikaanse vaktaal nie so goed nie.

Jcwf (kontak) 21:42, 26 Januarie 2017 (UTC)[antwoord]

O hemel, ek sal gaan loer, maar chemie is beslis nie my sterk punt nie. Winston (kontak) 13:07, 27 Januarie 2017 (UTC)[antwoord]


Hallo daar Winston!

Ek is nuut op Wikipedia en sukkel so bietjie met bronne. Ek weet nie hoe om te verwys nie. ISBN nommers langs mekaar? Ek verstaan ook nie lekker hoe werk hierdie boodskappe wat ander vir jou kan stuur nie, ek dink ek skryf nou op 'n ander ou se brief vir jou. Jy lyk soos 'n ou wat weet, help my groot asb dat ek nie nonsens aanjaag hier nie!!

Spelling

Dagsê Winstonza,

Dankie vir al jou werk! Ek sien jy het copernicium geskuif. Hoe is dit met lutetium en promet(h)ium ens.? Is dit nie lutesium en promesium nie? Daar is ook ander probleempies soos:

  1. "groep 3 element", "groep-3-element" ens. Ek het dit nou aangestuur na "skandiumgroep". Is dit reg?
  2. Die uitspraak van europium lyk baie Engels. Is dit reg?
  3. Is dit lantaan of lanthaan, lantaniede of lantanides of lanthanides?

Groet! Jcwf (kontak) 18:42, 29 Januarie 2017 (UTC)[antwoord]

Die spellings volgens die HAT en WAT is lutesium, prometium, europium, lantaan en lantaniede. Skandiumgroep is heeltemal reg. Winston (kontak) 19:18, 29 Januarie 2017 (UTC)[antwoord]

La/Ac en Lu/Lr

Hi Winston,

Ek weet dat dit so is soos die Engelse dit doen, maar hoekom hulle doen dit eintlik? Ek begryp dit werkelik nie.

Of jy nou die lantaniede laat begin met serium (die tradisionele indeling) of met lantaan, daar is net 14 f-elektrone, nie 15 nie. Dus jy kan ofwel La/Ac oorgangsmetale vind (en hulle gedra ook so: lantaan vorm La3+ met 4f0 en as metaal is daar nie 'n paramagnetiese / gelokaliseerde f-elektron nie.) ofwel jy kan Sc en Y bo Lu en Lr skryf en dit die begin van die d-blok noem, maar nie 'n 15-elemente blok asseblief.

Ek sien liewer die tradisionele indeling vanweë die eienskappe wat ek genoem het (die tabel is oorspronklik chemies, nie fisies nie), maar as jy liewer die (eintlik hipotetiese) enkelatoom-in-grondtoestand benadruk met Lu en Lr as eerste oorgangsmetale, ook goed, maar skryf dan Sc en Y bo Lu en Lr en gee dit die kleurtjie van die oorgangsmetale. Jcwf (kontak) 20:57, 9 Februarie 2017 (UTC)[antwoord]

Ek het die ander Wikipedias gevolg en het ongelukkig nie die kennis om dit te motiveer nie. Ek sal dit terugverander. Winston (kontak) 21:39, 9 Februarie 2017 (UTC)[antwoord]

Your feedback matters: Final reminder to take the global Wikimedia survey

(Sorry to write in English)

Oor die voorgestelde wetswysiging op Geselshoekie

Hallo Winston

Ek het gepoog om die boodskap te vertaal. Indien jy dink dit is nodig, sal jy dan asseblief my poging redigeer?

My uitgangspunt was die volgende:

  • Gaan redelik vry met die woord om.
  • Probeer soveel herhaling van sinne of sinsdele en inligting vermy.
  • Probeer bysinne vermy.
  • Probeer passiewe vermy.
  • Skryf reguit.

My grootste kritiek teen my poging is die stylbreuk: Ek skryf formeel, maar moet "jy" gebruik. Dit mag ook wees dat ek sekere "towerformules" (geykte sinne) op die verkeerde plekke gebruik het. Ek het ook spesifiek die woord "Staatskoerant" gebruik, al het die skrywer dit nie so duidelik uitgestippel nie.

Probleem

Dag almal. Jy weet moontlik reeds Suid-Afrika laat geen panoramavryheid toe nie. Slegs foto's wat ou geboue en monumente uitbeeld kan sonder die Fair-use-beleid by Commons opgelaai of by Wikipedia gebruik word. Die huidige wetgewing (bekragtig in 1978) is verouderd, aangesien die Internet nêrens duidelik daarin vermeld word nie. Die meeste staatsgeboue, -monumente of openbare kuns in Suid-Afrika mag nie fotografies op Wikipedia voorgestel word nie. Meer as 50 jaar moet eers ná die afsterwe van die boutekenaar of argitek verloop. Maar waarom dan? Dit beteken tog die meeste gebruikers van Facebook en ander sosiale media oortree onwetend die wet. Maar dit raak nie ander lande nie: want hul outeursregte staan wel panoramavryheid toe.

Tans word die Outeurswet van Suid-Afrika deur die Department van Handel en Nywerheid hersien. Ons maak sorg daarvan by die Departement om panoramavryheid hierby in te sluit. Die nuwe wetsontwerp kan in die onbepaalde toekoms moontlik steeds nie panoramavryheid vermeld nie. Soortgelyke regte waar foto's van openbare kunswerke ook vryelik versprei kan word, kan ook in die wind geslaan word. Dit is juis nou die gulde geleentheid om voorsorg te tref.

Oplossing

Sodra die wetsontwerp deur die Departement van Handel en Nywerheid in die Staatskoerant publiseer word, word die publieke mening gevra. Sou panoramavryheid nêrens in die wetsontwerp gestel word nie, beplan ons om 'n banier op elke Wikimediaprojek, soos Wikipedia, te plaas wat die Suid-Afrikaanse gebruikers hiervan sal inlig. Die banier sal die volgende inligting weergee:

a) die wetsontwerp is tans onderworpe aan die openbare raadpleging, en
b) die gebruikers kan kommentaar lewer oor die voorgestelde wetgewing. Deur 'n skakel te volg, sal die leser dan verder ingelig word.

Ons stel die volgende stappe voor:

1. Skep 'n banier wat op elke Wikimediaprojek in Suid-Afrika sigbaar sal wees indien die Outeursregwetsontwerp nie panoramavryheid vermeld nie.
2. Die voorgestelde banier sal leserskommentaar oor die wet aanmoedig. Die skakel "kom meer te wete" sal dan na 'n bladsy by Wikimedia Commons herlei word.
3. Hierdie blad sal die lesers dan oor die nuutste verwikkelinge inlig. Hulle sal in kennis gestel word waarom die wet belangrik is en hoe hulle betrokke kan raak.

Wikimedia Suid-Afrika het in Desember 2016 tydens ons bestuursvergadering oor die saak beslis. Ons gaan akkoord met die voorgestelde plan. Ons wil nou groter insae uit die publiek inwin. Daarom vra ek jou stem hier omtrent die aangeleentheid.

Baie dankie, Suidpunt (kontak) 10:32, 26 Maart 2017 (UTC)[antwoord]

Ek het so hier en daar ietsie verander, verder lyk dit oor 'n honderd.

Probleem

Dag, almal. Jy weet moontlik reeds Suid-Afrika laat geen panoramavryheid toe nie. Slegs foto's wat ou geboue en monumente uitbeeld, mag sonder die Fair-use-beleid by Commons opgelaai of by Wikipedia gebruik word. Die huidige wetgewing (bekragtig in 1978) is verouderd, aangesien die Internet nêrens duidelik daarin vermeld word nie. Die meeste staatsgeboue, -monumente of openbare kuns in Suid-Afrika mag nie fotografies op Wikipedia voorgestel word nie. Meer as 50 jaar moet eers ná die afsterwe van die boutekenaar of argitek verloop. Maar waarom dan? Dit beteken tog die meeste gebruikers van Facebook en ander sosiale media oortree onwetend die wet. Maar dit raak nie ander lande nie: hul outeursregte staan wel panoramavryheid toe.

Tans word die Outeurswet van Suid-Afrika deur die Department van Handel en Nywerheid hersien. Ons het met die departement in verbinding getree in ’n poging om panoramavryheid hierby in te sluit. Die nuwe wetsontwerp kan in die onbepaalde toekoms moontlik steeds nie panoramavryheid vermeld nie. Soortgelyke regte waar foto's van openbare kunswerke ook vryelik versprei kan word, kan ook in die wind geslaan word. Dit is juis nou die gulde geleentheid om voorbrand daarvoor te maak.

Oplossing

Sodra die wetsontwerp deur die Departement van Handel en Nywerheid in die Staatskoerant gepubliseer word, word die openbare mening gevra. Sou panoramavryheid nêrens in die wetsontwerp genoem word nie, beplan ons om 'n banier op elke Wikimediaprojek, soos Wikipedia, te plaas wat die Suid-Afrikaanse gebruikers hieroor sal inlig. Die banier sal die volgende inligting weergee:

a) die wetsontwerp is tans onderworpe aan die openbare raadpleging, en

b) die gebruikers kan kommentaar lewer oor die voorgestelde wetgewing. Deur 'n skakel te volg, sal die leser dan verder ingelig word.

Ons stel die volgende stappe voor:

1. Skep 'n banier wat op elke Wikimediaprojek in Suid-Afrika sigbaar sal wees indien die Outeursregwetsontwerp nie panoramavryheid vermeld nie.

2. Die voorgestelde banier sal leserskommentaar oor die wet aanmoedig. Die skakel "kom meer te wete" sal dan na 'n bladsy by Wikimedia Commons herlei word.

3. Hierdie blad sal die lesers dan oor die nuutste ontwikkelings inlig. Hulle sal in kennis gestel word waarom die wet belangrik is en hoe hulle betrokke kan raak.

Wikimedia Suid-Afrika het in Desember 2016 tydens ons bestuursvergadering oor die saak beslis. Ons gaan akkoord met die voorgestelde plan. Ons wil nou groter insae uit die publiek inwin. Daarom vra ek jou stem hier omtrent die aangeleentheid.

- Winston (kontak) 10:46, 26 Maart 2017 (UTC)[antwoord]

Publiseer asb bg "wetswysiging" op Geselshoekie

Hallo Winston en Suidpunt!

Sal een van julle asb. gou-gou hierdie vertalingspoging publiseer op die geselshoekie? Anders word dit mosterd-na-die-maal, as almal eers die Engels probeer lees het daar! Dankie, --Aliwal2012 (kontak) 10:54, 26 Maart 2017 (UTC)[antwoord]

Gaan maar voort, ek wil net een laaste dingetjie laat verander, as dit kan. Kan "voorsorg tref" na "voorbrand maak" verander word, of is dit onvanpas? Suidpunt (kontak) 11:00, 26 Maart 2017 (UTC)[antwoord]

Reggemaak, kan gaan. Winston (kontak) 11:11, 26 Maart 2017 (UTC)[antwoord]

Uitgevoer Uitgevoer Baie dankie vir jou moeite, Winston. Suidpunt (kontak) 11:15, 26 Maart 2017 (UTC)[antwoord]
Baie geluk! Hierdie artikel is as voorbladartikel aangewys
Seksualiteit in antieke Rome, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.


Ná die Geskiedenis van erotiese afbeeldings verskyn nou die tweede interessante artikel oor die Geskiedenis van Seksualiteit uit jou pen op ons voorblad. Mooi gedoen! Groete. -- SpesBona 19:34, 7 Mei 2017 (UTC)[antwoord]

Gebruiker:Winstonza

Môre Winston, dankie vir al jou nuwe artikels geskep!

Net 'n vragie: ek merk op daar verskyn 'n uitroepteken langs al jou nuwe artikelbydraes se log. Is dit moontlik dat "Winstonza" nie geregistreer is as 'n self-gepatroleerde gebruiker of so iets nie? As admin kan ons dit vir jou regstel, jy is mos al 'n "ou hand" hier! Laat weet maar hoe jy dit sou verkies... --Aliwal2012 (kontak) 10:12, 31 Mei 2017 (UTC)[antwoord]

Gits, nee, jy praat nou vir my Grieks. Ek wil beslis nie 'n uitroepteken hê as ek nie een moet hê nie. So jy kan voortgaan met wat jy ook al beplan, dankie :). Winston (kontak) 10:25, 31 Mei 2017 (UTC)[antwoord]
Dankie, maar lyk my ek het my in 'n hoek toegeverf! Weet nie waar mens dit kan verstel nie!! Groete en moenie te hard wiki nie. --Aliwal2012 (kontak) 15:49, 31 Mei 2017 (UTC)[antwoord]
Baie geluk! Hierdie artikel is as voorbladartikel aangewys
Koraal, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.


Baie dankie vir hierdie mooi en interessante artikel! :) Groete. -- SpesBona 19:34, 18 Junie 2017 (UTC)[antwoord]

Getye

Winston, na aanleiding van jou uitstekende vertalings oor baie dinge - die gebrek aan 'n artikel oor Getye word nou opmerklik... Stel jy dalk belang om te help? Groete! Oesjaar (kontak) 13:58, 21 Julie 2017 (UTC)[antwoord]

Ek sal die naweek 'n bietjie kyk. Winston (kontak) 14:08, 21 Julie 2017 (UTC)[antwoord]

Arameërs

Hi Winston, hoe gaan dit deesdae met jou gesondheid? Hoop dis baie beter!

Ons benodig 'n artikel oor Arameërs wat hier en daar as 'n rooi skakel opduik! Groete, --Aliwal2012 (kontak) 10:30, 29 Julie 2017 (UTC)[antwoord]

Baie geluk! Hierdie artikel is as voorbladartikel aangewys
Indusvalleibeskawing, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.


Weereens 'n lekker en interessante artikel soos Antieke Egipte in 2014, baie dankie! :) Groete. -- SpesBona 19:34, 13 Augustus 2017 (UTC)[antwoord]

Baie geluk! Hierdie artikel is as voorbladartikel aangewys
Borsjt, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.


Baie danke vir die lekker soep wat jy bedien het! :) Groete. -- SpesBona 19:34, 3 September 2017 (UTC)[antwoord]

Uitspaak van pornoster

Dagsê Winston,

Ek het amper groot geskrik toe ek jou nuwe pornoster-artikel lees, want ek herken dit nie dadelik nie!

Sien, ek het dit uitgespreek soos Paternoster of renoster!! Oeps! Toe ek later kliek dit moet as porno-stêr uitgespreek word, het ek darem lekker gelag!

Groete, --Aliwal2012 (kontak) 13:08, 14 Oktober 2017 (UTC)[antwoord]

Ja, so 'n noster kan jou oë laat rek. :) Winston (kontak) 14:27, 14 Oktober 2017 (UTC)[antwoord]
Por–noster, ponoster, pornos–ter → ag shit! Dit bly 'n tongknoper! (Wat van bloufilm-akteur?) --Aliwal2012 (kontak) 16:05, 14 Oktober 2017 (UTC)[antwoord]

O, boereplaas

"O tannenbaum"??? https://www.youtube.com/watch?v=2L1gvd0PkU0RFST (kontak) 08:02, 21 Oktober 2017 (UTC)[antwoord]

Daar is twee wysies. Lied 343 in die sangbundel is 'n Afrikaanse weergawe van O Tannenbaum. Lied 344 se musiek is deur Johannes Joubert geskryf; dis die een wat Mimi Coertse sing. Winston (kontak) 10:27, 21 Oktober 2017 (UTC)[antwoord]
Nie net Mimi Courtse nie! https://www.youtube.com/results?search_query=O%2C+Boereplaas:
https://www.youtube.com/watch?v=2L1gvd0PkU0 (Joubert)
https://www.youtube.com/watch?v=VvqtTpsUUZw (Joubert)
https://www.youtube.com/watch?v=zXqqzxjWqGI (Joubert)
https://www.youtube.com/watch?v=Y6rDRSeFTCc (O Tannenbaum)
https://www.youtube.com/watch?v=gVJofya230A (Joubert)
https://www.youtube.com/watch?v=qPiRuM22yWg (O Tannenbaum)
https://www.youtube.com/watch?v=1eCMWrcoowI (Joubert)
...
https://www.youtube.com/watch?v=xAM7QTMpA5c&t=93RFST (kontak) 12:16, 21 Oktober 2017 (UTC)[antwoord]

an help for Coreca, en:Coreca Reefs and en:Coreca Caves in Afrikaans

Good Moring from Coreca, Dearest Winston, I write and greet you from this small hamlet of Calabria, I write to ask you for a courtesy, that is if you can and want to help me in translating and improving some articles. starting with overviews from Coreca and his subjects. Of course, his courtesy will be highly recompensed, will translate what he or she will want in Italian, Sicilian and other Italian dialects I know. In South Africa I had for a short time a cousin who worked there with her husband at the Italian delegations of Pretoria, Johannesburg, Cape Town and Port Elisabeth, told me well of your wonderful and charming country. Well, waiting for news on your part, I wish you a nice evening and I hope you will soon be able to know and exchange courtesy and translations. greetings from Calabria--Luigi Salvatore Vadacchino (kontak) 10:53, 11 November 2017 (UTC)[antwoord]

Good morning from Coreca,

I am writing to thank you for your timely intervention. Yesterday morning I translated the rest thanks to a small dictionary that my cousin Rosanna gave me, did I do my best, would you give me another help? I will then translate the other two topics. Thanks again for what you did, do it and do it for me. If I can be useful in Italian and Sicilian ask as well.--Luigi Salvatore Vadacchino (kontak) 02:51, 13 November 2017 (UTC)[antwoord]

Konings van Denemarke ens!

Winson, dankie vir jou artikels oor bogenoemde! Jy het maak 'n helse klomp rooi skakels blou! Groete! Oesjaar (kontak) 14:57, 18 November 2017 (UTC)[antwoord]

...tapered wings...

Winston, gee raad asb! Wat is tapered wings in Afrikaans? Taps? Groete! Oesjaar (kontak) 16:43, 22 Desember 2017 (UTC)[antwoord]

Ek sou sê dis vlerke wat spits loop na die punte. Maak dit sin? Winston (kontak) 16:58, 22 Desember 2017 (UTC)[antwoord]
Beaam bg., dus: "Spitstoelopende vlerke" of nog beter "gespitste vlerke". Groete! --Aliwal2012 (kontak) 07:46, 31 Desember 2017 (UTC)[antwoord]