Jo-Ann Strauss

in Wikipedia, die vrye ensiklopedie
Jo-Ann Strauss
Gebore 3 Februarie 1981 (1981-02-03) (43 jaar oud)
Plek Kaapstad, Suid-Afrika
Nasionaliteit Suid-Afrikaans
Geboortenaam  Jo-Ann Cindy Strauss
Beroep TV-aanbieder, model, sakevrou
Alma mater Universiteit Stellenbosch
Loopbaan
Titel(s) Mej. Suid-Afrika 2000
Haarkleur Bruin
Oogkleur Bruin
Persoonlike gegewens
Webtuiste http://www.joannstrauss.com/

Jo-Ann Strauss (* 3 Februarie 1981 in Kaapstad) is ’n Suid-Afrikaanse model, TV-persoonlikheid en sakevrou. Sy is in 2000 gekroon as Mej. Suid-Afrika en het die land in 2001 verteenwoordig by die Mej. Heelal-kompetisie in Puerto Rico sowel as die Mej. Wêreld-kompetisie by Sun City, Suid-Afrika.[1]

Loopbaan[wysig | wysig bron]

Strauss het haar BA-graad aan die Universiteit Stellenbosch verwerf. Jo-Ann het in haar jaar as Mej. Suid-Afrika haar medialoopbaan by die Afrikaanse TV-program Pasella begin en was daarna ook op die Engelse leefstylprogram Top Billing, waar sy onderhoude gevoer het met belangrike persoonlikhede soos Charlize Theron, Antonio Banderas en George Clooney. Sy was 'n voorbladmeisie vir meeste Suid-Afrikaanse tydskrifte.[2] ’n Jaar ná haar kroning het sy deelgeneem aan die sterweergawe van Big Brother South Africa, waar sy tweede geëindig het. Sy was te sien in die 2001 musiekvideo van die Ierse popgroep Westlife se enkelsnit When You're Looking Like That.

In 2010 het Jo-Ann die openingseremonie vir die 2010 FIFA Wêreldbeker in Suid-Afrika vir die Duitse televisienetwerk ZDF aangebied saam met Thomas Gottschalk in 'n regstreekse uitsending vanaf Johannesburg op 10 Junie.[3]

Verwysings[wysig | wysig bron]

  1. "Argiefkopie op "who'swho"". Geargiveer vanaf die oorspronklike op 7 April 2014. Besoek op 20 Desember 2015.
  2. "Jo-Ann Strauss". jo-annstrauss.com (in Engels). Geargiveer vanaf die oorspronklike op 27 Junie 2010. Besoek op 24 Januarie 2018.
  3. "Argiefkopie op ZDF.de". Geargiveer vanaf die oorspronklike op 10 Junie 2011. Besoek op 8 Julie 2010.

Eksterne skakels[wysig | wysig bron]

Voorafgegaan deur
Heather Joy Hamilton
Mej. Suid-Afrika
2000
Opgevolg deur
Vanessa Carreira