Klein Sonnestelselliggaam

in Wikipedia, die vrye ensiklopedie
Jump to navigation Jump to search

’n Klein Sonnestelselliggaam (KSSL) is ’n voorwerp in die Sonnestelsel wat nie ’n planeet, dwergplaneet of natuurlike satelliet is nie. Die Internasionale Astronomiese Unie (IAU) het die term in 2006 gedefinieer:

Na alle ander voorwerpe, behalwe satelliete, wat om die Son wentel, sal gesamentlik verwys word as "klein Sonnestelselliggame" ... Dit sluit tans in die meeste van die Sonnestelsel se asteroïdes, die meeste trans-Neptunus-voorwerpe (TNV's), komete en ander klein liggame.[1]
Die Eulerdiagram met die soorte liggame in die Sonnetselsel.

Dit sluit dus in alle komete en alle kleinplanete buiten dié wat dwergplanete is. Die KSSL's is dus die klassieke asteroïdes, met die uitsondering van die dwergplaneet Ceres; die trojane; die sentoure; en die trans-Neptunus-voorwerpe, buiten Pluto, Haumea, Makemake, Eris en ander wat later as dwergplanete erken kan word.

Definisie[wysig | wysig bron]

Dit is nie tans duidelik of ’n minimum grootte in die toekoms vasgestel sal word as deel van die definisie nie, en of dit alle materiaal sal insluit tot so klein as meteoroïdes en klein makroskopiese liggaame nie.

Buiten die grootste natuurlike satelliete (mane), wat in hidrostatiese ewewig is, verskil hulle van klein Sonnestelselliggame nie in grootte nie, maar in hul wentelbane. Die wentelbane van mane is nie om die Son nie, maar om ander liggame in die Sonnestelsel soos planete en dwergplanete.

Die meeste van die klein Sonnestelselliggame is in twee streke gesentreer: die asteroïde- en Kuipergordel. Dié twee gordels het die een of ander interne struktuur wat verband hou met versteurings deur die groot planete, veral onderskeidelik Jupiter and Neptunus, en het taamlik losweg vasgestelde grense. Ander dele van die Sonnestelsel het ook klein liggame in kleiner konsentrasies. Dit sluit in naby-aarde-asteroïdes, sentoure, komete en voorwerpe van die verstrooide skyf.

Verwysings[wysig | wysig bron]

Eksterne skakels[wysig | wysig bron]